Begin typing your search above and press return to search.
proflie-avatar
Login
exit_to_app
exit_to_app

ഗവർണർക്കെതിരെ കേരളം സുപ്രീംകോടതിയിൽ പോയത് തെറ്റാണെന്ന് കെ.സുധാകരൻ

text_fields
bookmark_border
ഗവർണർക്കെതിരെ കേരളം സുപ്രീംകോടതിയിൽ പോയത് തെറ്റാണെന്ന് കെ.സുധാകരൻ
cancel

പത്തനംതിട്ട: ഗവർണർക്കെതിരെ കേരളം സുപ്രീംകോടതിയിൽ പോയത് തെറ്റാണെന്ന് കെ.പി.സി.സി അധ്യക്ഷൻ കെ.സുധാകരൻ. ലോകായുക്തയുടെ അധികാരം വെട്ടിക്കുറക്കുന്ന ബിൽ ഉൾപ്പടെ ഗവർണർ പിടിച്ചുവെച്ചിട്ടുണ്ട്. ഇത്തരം ബില്ലുകളോടൊന്നും യോജിക്കാൻ കോൺഗ്രസിനാവില്ല.

ഗവർണറും സർക്കാറും ഞങ്ങൾക്ക് ഒരുപോലെയാണ്. ഭരണഘടനപരമായി ഇരുവർക്കും നൽകേണ്ട ബഹുമാനം ഞങ്ങൾ നൽകും. ഭരണഘടന വിരുദ്ധമായി പ്രവർത്തിക്കാൻ കോൺഗ്രസ് ആരെയും അനുവദിക്കില്ല. ഗവർണറും മുഖ്യമന്ത്രിയും ഭരണഘടനക്ക് വിധേയമായി പ്രവർത്തിക്കണമെന്നാണ് കോൺഗ്രസ് നിലപാടെന്നും അദ്ദേഹം പറഞ്ഞു.

ഗവർണറായി ആരിഫ് മുഹമ്മദ് ഖാൻ വേണമെന്നൊന്നും ഞങ്ങൾക്കില്ല. എന്നാൽ, ഗവർണർ ഭരണഘടനാപരമായി തെറ്റുകൾ ചൂണ്ടിക്കാണിച്ച് തിരുത്തണമെന്ന് പറയുമ്പോൾ അത് തിരുത്താനുള്ള ബാധ്യത സർക്കാറിനുണ്ടെന്നും സുധാകരൻ പറഞ്ഞു. കേന്ദ്രസർക്കാറിന്റെ നിർദേശങ്ങൾക്കനുസരിച്ചാണ് കേരളത്തിൽ പലപ്പോഴും ഗവർണർ പ്രവർത്തിക്കുന്നത്. തന്റെ ചൊൽപ്പടിക്ക് നിൽക്കുന്നയാളാവണം ഗവർണറെന്നാണ് പിണറായിയുടെ നിലപാടെന്നും സുധാകരൻ പറഞ്ഞു.

കേരളത്തിൽ എസ്.എഫ്.ഐയുടെ ഗുണ്ടായിസം അങ്ങാടിപ്പാട്ടാണെന്നും അദ്ദേഹം കൂട്ടിച്ചേർത്തു. കേരളവർമ്മ കോളജിലെ തെരഞ്ഞെടുപ്പുമായി ബന്ധപ്പെട്ടായിരുന്നു അദ്ദേഹത്തിന്റെ പരാമർശം. ഒരു കാരണവശാലും ഒരു വോട്ടിന് തോറ്റ സ്ഥലത്ത് പിന്നീട് എസ്.എഫ്.ഐ ഏഴ് വോട്ടിന് ജയിക്കില്ലെന്നും കെ.എസ്.യു നടത്തുന്ന നിയമപോരാട്ടങ്ങൾക്ക് പിന്തുണ നൽകുമെന്നും കെ.പി.സി.സി പ്രസിഡന്റ് പറഞ്ഞു.

Show Full Article
25% Off
E-Paper First Page
Today
Today's Edition is out

Want the complete newspaper?

Print Replica Crop & Save India & GCC Zoom in and zoom out
News Summary - It was wrong for Kerala to go to the Supreme Court against the Governor
Next Story