‘ജലനിധി’യിൽ വൻ ക്രമക്കേട്; പൈപ്പുകൾക്കും മോട്ടോറുകൾക്കും ഗുണമില്ല, പലയിടത്തും നിർജീവമെന്നും വിജിലൻസ്​

തി​രു​വ​ന​ന്ത​പു​രം: കേ​ര​ള റൂ​റ​ൽ വാ​ട്ട​ർ സ​പ്ലൈ ആ​ൻ​റ്​ സാ​നി​റ്റേ​ഷ​ൻ ഏ​ജ​ൻ​സി (കെ.​ആ​ർ.​ഡ​ബ്ല്യൂ.​എ​സ്.​എ) ന​ട​പ്പാ​ക്കു​ന്ന ‘ജ​ല​നി​ധി’ പ​ദ്ധ​തി​യി​ൽ വ്യാ​പ​ക ക്ര​മ​ക്കേ​ട്. സം​സ്ഥാ​ന വ്യാ​പ​ക​മാ​യി വി​ജി​ല​ൻ​സ്​ ന​ട​ത്തി​യ ‘ഓ​പ​റേ​ഷ​ൻ ഡെ​ൽ​റ്റ’ മി​ന്ന​ൽ പ​രി​ശോ​ധ​ന​യി​ലാ​ണ്​ ഞെ​ട്ടി​പ്പി​ക്കു​ന്ന ക​ണ്ടെ​ത്ത​ൽ. ഗു​ണ​നി​ല​വാ​ര​മി​ല്ലാ​ത്ത പൈ​പ്പു​ക​ളും മോ​ട്ടോ​റു​ക​ളു​മാ​ണ്​ ഉ​പ​യോ​ഗി​ക്കു​ന്ന​തെ​ന്നും സ​ർ​ക്കാ​റി​ന്​ വ​ലി​യ സാ​മ്പ​ത്തി​ക ബാ​ധ്യ​ത​യു​ണ്ടാ​ക്കു​ന്നെ​ന്നും ക​ണ്ടെ​ത്തി. പ​ല​യി​ട​ത്തും പ​ദ്ധ​തി നി​ർ​ജീ​വ​വു​മാ​ണ്.

ബു​ധ​നാ​ഴ്ച രാ​വി​ലെ 11ന്​ ​ആ​രം​ഭി​ച്ച പ​രി​ശോ​ധ​ന വ്യാ​ഴാ​ഴ്ച​യും തു​ട​രും. പ​ദ്ധ​തി ന​ട​പ്പാ​ക്കു​ന്ന 46 ഗ്രാ​മ​പ​ഞ്ചാ​യ​ത്തു​ക​ൾ കേ​ന്ദ്രീ​ക​രി​ച്ചാ​ണ്​ മി​ന്ന​ൽ പ​രി​ശോ​ധ​ന. പ​ല​യി​ട​ത്തും പ​ദ്ധ​തി പ​കു​തി​യി​ൽ ഉ​പേ​ക്ഷി​ച്ച്​ പോ​യ​താ​യും പ​ല​ത​രം ക്ര​മ​ക്കേ​ട്​ ന​ട​ക്കു​ന്ന​താ​യും വ്യ​ക്​​ത​മാ​യി. ജ​ല​നി​ധി​യി​ൽ ന​ട​പ്പി​ലാ​ക്കു​ന്ന ശു​ദ്ധ​ജ​ല പ​ദ്ധ​തി​ക​ളു​ടെ നി​ർ​വ​ഹ​ണ മേ​ൽ​നോ​ട്ടം ഗു​ണ​ഭോ​ക്താ​ക്ക​ളി​ൽ​നി​ന്നു തെ​ര​ഞ്ഞെ​ടു​ക്കു​ന്ന ഗ്രാ​മ​പ​ഞ്ചാ​യ​ത്ത് ത​ല ആ​ക്ടി​വി​റ്റി ക​മ്മി​റ്റി​ക്ക്​ (ജി.​പി.​എ​ൽ.​എ.​സി) ആ​ണ്​. പ്ര​വൃ​ത്തി​ക​ൾ​ക്ക് ആ​വ​ശ്യ​മാ​യ തു​ക​യു​ടെ 75 ശ​ത​മാ​നം സ​ർ​ക്കാ​റും 15 ശ​ത​മാ​നം ഗ്രാ​മ​പ​ഞ്ചാ​യ​ത്തും 10 ശ​ത​മാ​നം ഗു​ണ​ഭോ​ക്താ​ക്ക​ളു​മാ​ണ് വ​ഹി​ക്കു​ന്ന​ത്. സ്വ​കാ​ര്യ വ്യ​ക്തി​ക​ൾ മാ​ത്ര​മു​ള്ള ക​മ്മി​റ്റി ഏ​റ്റെ​ടു​ക്കു​ന്ന പ​ണി​ക​ൾ​ക്ക്​ ക​രാ​റു​കാ​രെ തെ​ര​ഞ്ഞെ​ടു​ക്കു​ന്ന​ത് സു​താ​ര്യ​മാ​യ​ല്ലെ​ന്നും അം​ഗ​ങ്ങ​ളു​ടെ ബി​നാ​മി​ക​ളാ​ണ് പ​ല ക​രാ​റു​കാ​രെ​ന്നും ക​ണ്ടെ​ത്തി.

സാ​ങ്കേ​തി​ക പ​രി​ജ്ഞാ​നം ഇ​ല്ലാ​ത്ത​വ​രും ക​രാ​റ​ടി​സ്ഥാ​ന​ത്തി​ൽ പ്ര​വ​ർ​ത്തി​ച്ചു​വ​രു​ന്ന​തു​മാ​യ കെ.​ആ​ർ.​ഡ​ബ്ല്യൂ.​എ​സ്.​എ എ​ഞ്ചി​നീ​യ​ർ​മാ​ർ ന​ട​പ​ടി ക്ര​മം പാ​ലി​ക്കാ​തെ ടെ​ക്നി​ക്ക​ൽ സാ​ങ്ഷ​നും മ​റ്റും ന​ൽ​കി​യും ഭാ​ഗി​ക​മാ​യി പൂ​ർ​ത്തി​ക​രി​ച്ച പ്ര​വൃ​ത്തി പൂ​ർ​ണ​മാ​യെ​ന്ന്​ സാ​ക്ഷ്യ​പ്പെ​ടു​ത്തി​യും മാ​ന​ദ​ണ്ഡ​മി​ല്ലാ​തെ​യാ​ണ്​ പ​ണം അ​നു​വ​ദി​ക്കു​ന്ന​ത്. ഉ​പ​രി​ത​ല​ങ്ങ​ളി​ൽ പൈ​പ്പ് ലൈ​ൻ സ്ഥാ​പി​ച്ച ശേ​ഷം ആ​ഴ​ത്തി​ൽ സ്ഥാ​പി​ച്ച​താ​യും പൊ​തു​കി​ണ​റു​ക​ളു​ടെ ആ​ഴം കൂ​ട്ടാ​തെ ആ​ഴം കൂ​ട്ടി​യെ​ന്നു സാ​ക്ഷ്യ​പ്പെ​ടു​ത്തി​യും ത​ട്ടി​പ്പ്​ ന​ട​ത്തി​യി​ട്ടു​ണ്ട്. പൈ​പ്പു​ക​ൾ, മോ​ട്ടോ​ർ പ​മ്പു​ക​ൾ എ​ന്നി​വ​ക്ക്​ നി​ഷ്ക​ർ​ഷി​ക്കു​ന്ന ഗു​ണ​മേ​ന്മ​യി​ല്ലെ​ന്നും ക​ണ്ടെ​ത്തി. ഗു​ണ​ഭോ​ക്തൃ വി​ഹി​ത​മാ​യി പ​ത്ത്​ ശ​ത​മാ​ന​ത്തി​നു പ​ക​രം ജി.​പി.​എ​ൽ.​എ.​സി ഒ​ത്താ​ശ​യോ​ടെ കൂ​ടു​ത​ൽ തു​ക പി​രി​ച്ചെ​ടു​ത്ത് വീ​തി​ച്ചെ​ടു​ക്കു​ന്ന​താ​യും ക​ണ്ടെ​ത്തി. വി​ജി​ല​ൻ​സ് ഡ​യ​റ​ക്ട​ർ മ​നോ​ജ് എ​ബ്ര​ഹാ​മി​ന്‍റെ ഉ​ത്ത​ര​വ് പ്ര​കാ​രം ഐ.​ജി ഹ​ർ​ഷി​ത അ​ട്ട​ല്ലൂ​രി​യു​ടെ മേ​ൽ​നോ​ട്ട​ത്തി​ൽ എ​സ്.​പി. ഇ.​എ​സ്.​ബി​ജു​മോ​നാ​ണ്​ പ​രി​ശോ​ധ​ന​യ്ക്ക്​ നേ​തൃ​ത്വം ന​ൽ​കു​ന്ന​ത്.