ഇ​ര​ട്ട​യാ​ർ പീഡനക്കേസിലെ അതിജീവിത കഴുത്തിൽ ബെൽറ്റ് ചുറ്റി മരിച്ചനിലയിൽ; ദു​രൂ​ഹ​ത

ക​ട്ട​പ്പ​ന: ഇ​ര​ട്ട​യാ​റി​ൽ ര​ണ്ടു വ​ർ​ഷം മു​മ്പ്​ പീ​ഡ​നത്തിനിരയായ​ പെ​ൺ​കു​ട്ടിയെ വീ​ട്ടി​ൽ ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച​നി​ല​യി​ൽ ക​ണ്ടെ​ത്തി. കി​ട​പ്പു​മു​റി​യി​ൽ ക​ഴു​ത്തി​ൽ ബെ​ൽ​റ്റ് ചു​റ്റി മ​രി​ച്ച​നി​ല​യി​ലാ​ണ്​ 18കാ​രി​യെ ക​ണ്ട​ത്. ചൊ​വ്വാ​ഴ്ച രാ​വി​ലെ 10.30 ഓ​ടെ​യാ​ണ് സം​ഭ​വം.

ഇ​തു​സം​ബ​ന്ധി​ച്ച്​ പൊ​ലീ​സ്​ പ​റ​യു​ന്ന​ത്: പെ​ൺ​കു​ട്ടി പ​തി​വാ​യി വൈ​കി​യാ​ണ് ഉ​റ​ക്ക​മു​ണ​രു​ന്ന​ത്. ചൊ​വ്വാ​ഴ്ച രാ​വി​ലെ ഉ​ണ​രാ​ൻ വൈ​കി​യ​തി​നെ​ത്തു​ട​ർ​ന്ന് അ​മ്മ വി​ളി​ക്കാ​ൻ ചെ​ന്ന​പ്പോ​ഴാ​ണ് ക​ഴു​ത്തി​ൽ ബെ​ൽ​റ്റ് ചു​റ്റി കി​ട​ക്കു​ന്ന​ത് ക​ണ്ട​ത്. വി​ളി​ച്ചി​ട്ടും ഉ​ണ​രാ​തെ വ​ന്ന​തോ​ടെ ബ​ഹ​ളം വെ​ച്ച്​ അ​യ​ൽ​ക്കാ​രെ അ​റി​യി​ക്കു​ക​യാ​യി​രു​ന്നു. അ​വ​രാ​ണ് പൊ​ലീ​സി​ൽ അ​റി​യി​ച്ച​ത്.

പെ​ൺ​കു​ട്ടി​യെ കൂ​ടാ​തെ പി​താ​വും മാ​താ​വും സ​ഹോ​ദ​ര​നു​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ക​ട്ട​പ്പ​ന പൊ​ലീ​സ്​ സ്ഥ​ല​ത്തെ​ത്തി അ​ന്വേ​ഷ​ണം തു​ട​ങ്ങി. സ​മീ​പ​ത്തെ സി.​സി ടി.​വി ദൃ​ശ്യ​ങ്ങ​ൾ പൊ​ലീ​സ് പ​രി​ശോ​ധി​ച്ചു​വ​രു​ക​യാ​ണ്.

മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​ന്​ ഇ​ടു​ക്കി മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. പോ​സ്റ്റ്മോ​ർ​ട്ടം റി​പ്പോ​ർ​ട്ട് ല​ഭി​ച്ച ശേ​ഷ​മേ കൂ​ടു​ത​ൽ കാ​ര്യ​ങ്ങ​ൾ വ്യ​ക്ത​മാ​കൂ​യെ​ന്ന് ​ക​ട്ട​പ്പ​ന ഡി​വൈ.​എ​സ്.​പി പി. ​ബേ​ബി പ​റ​ഞ്ഞു.