നിക്ഷേപ തട്ടിപ്പ്: കോടികളുമായി മുങ്ങിയ പ്രധാന പ്രതി പിടിയിൽ
text_fields
ജോഹന്‍ ജോര്‍ജി ജെയിംസ്
എടക്കര (മലപ്പുറം): നിക്ഷേപകരെ കബളിപ്പിച്ച് കോടികളുമായി മുങ്ങിയ കേസിലെ പ്രധാന പ്രതി കൊച്ചിയില്‍ എടക്കര പൊലീസിന്റെ പിടിയിലായി. നെടുംപറമ്പില്‍ നിധി ലിമിറ്റഡ് സ്ഥാപന ഉടമ കൊച്ചി നെട്ടൂര്‍ പനങ്ങാട് ഐ.എന്‍.ടി.യു.സി ജങ്ഷന്‍ ജോഹന്‍ ജോര്‍ജി ജെയിംസിനെയാണ് (39) അറസ്റ്റ് ചെയ്തത്.
ഉയര്‍ന്ന പലിശ വാഗ്ദാനംചെയ്ത് കോടികള്‍ നിക്ഷേപമായി സ്വീകരിച്ച് കാലാവധി എത്തിയിട്ടും പണം തിരികെ നല്‍കാതെ കബളിപ്പിച്ച കേസിലാണ് അറസ്റ്റ്. തട്ടിപ്പ് നടത്തിയശേഷം മുംബൈ, ബംഗളൂരു, ഹൈദരാബാദ് എന്നിവിടങ്ങളില്‍ ഒളിവില്‍ കഴിയുകയായിരുന്ന ജോഹാന്‍ രണ്ടു ദിവസം മുമ്പാണ് നെട്ടൂരിലെ ഫ്ലാറ്റില്‍ എത്തിയത്.
എടക്കര പൊലീസ് രജിസ്റ്റര്‍ ചെയ്ത പത്ത് കേസുകളില്‍ മാത്രം മൂന്നു കോടിയുടെ തട്ടിപ്പാണ് ഇയാള്‍ നടത്തിയിട്ടുള്ളത്.