ഇന്‍വെസ്റ്റ് കേരള ഗ്ലോബല്‍ സമ്മിറ്റ്; 1211 കോടിയുടെ നാല്​ പദ്ധതികള്‍ക്ക് തുടക്കം

തി​രു​വ​ന​ന്ത​പു​രം: കൊ​ച്ചി​യി​ല്‍ ന​ട​ത്തി​യ ഇ​ന്‍വെ​സ്റ്റ് കേ​ര​ള ഗ്ലോ​ബ​ല്‍ സ​മ്മി​റ്റി​ല്‍ താ​ല്‍പ​ര്യ​പ​ത്രം ഒ​പ്പു​വെ​ച്ച നാ​ല്​ നി​ക്ഷേ​പ പ​ദ്ധ​തി​ക​ള്‍ക്ക് തു​ട​ക്ക​മാ​യ​താ​യും എ​ട്ടെ​ണ്ണം ഈ ​മാ​സം തു​ട​ക്ക​മാ​കു​മെ​ന്നും വ്യ​വ​സാ​യ മ​ന്ത്രി പി. ​രാ​ജീ​വ് വാ​ര്‍ത്ത​സ​മ്മേ​ള​ന​ത്തി​ല്‍ അ​റി​യി​ച്ചു. 1211 കോ​ടി രൂ​പ​യു​ടെ നി​ക്ഷേ​പ പ​ദ്ധ​തി​ക​ള്‍ക്കാ​ണ് തു​ട​ക്ക​മാ​യ​ത്. 2675 കോ​ടി​യു​ടെ എ​ട്ട്​ പ​ദ്ധ​തി​ക​ളാ​ണ്​ ഈ ​മാ​സം തു​ട​ങ്ങു​ന്ന​ത്.

ജോ​യ് ആ​ലു​ക്കാ​സ് ഗ്രൂ​പ്പി​ന്‍റെ റെ​സി​ഡ​ന്‍ഷ്യ​ല്‍ അ​പ്പാ​ര്‍ട്ട്മെ​ന്‍റ് ആ​ൻ​ഡ്​ ഹോ​സ്പി​റ്റ​ല്‍ (300 കോ​ടി), പോ​സി​റ്റി​വ് ചി​പ്പ് ബോ​ര്‍ഡ്സ് (51 കോ​ടി), എം.​എ​സ് വു​ഡ് അ​ല​യ​ന്‍സ് പാ​ര്‍ക്ക് (60 കോ​ടി), ഡൈ​നി​മേ​റ്റ​ഡ് (800 കോ​ടി) പ​ദ്ധ​തി​ക​ളു​ടെ നി​ര്‍മാ​ണ പ്ര​വ​ര്‍ത്ത​ന​ങ്ങ​ളാ​ണ് ആ​രം​ഭി​ച്ച​ത്.

ക​ല്യാ​ണ്‍ സി​ല്‍ക്സ്, അ​ത്താ​ച്ചി, സ​ത​ര്‍ലാ​ന്‍റ്, ഗാ​ഷ സ്റ്റീ​ല്‍സ്, കൃ​ഷ്ണ ഇ​ന്‍സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ല്‍ സ​യ​ന്‍സ​സ്, ഡെ​ല്‍റ്റ അ​ഗ്ര​ഗേ​റ്റ്സ് ഇ​ന്‍ഡ​സ്ട്രി​യ​ല്‍ പാ​ര്‍ക്ക്, ഇ​ന്ദ്ര​പ്ര​സ്ഥ, ജി​യോ​ജി​ത് എ​ന്നി​വ​ര്‍ താ​ല്‍പ​ര്യ​പ​ത്രം ഒ​പ്പു​വെ​ച്ച പ​ദ്ധ​തി​ക​ളാ​ണ്​ ഈ ​മാ​സം തു​ട​ങ്ങു​ക. ജൂ​ണി​ല്‍ 1117 കോ​ടി രൂ​പ​യു​ടെ പ​ദ്ധ​തി​ക​ള്‍ക്കും തു​ട​ക്ക​മാ​കും. ബ്ലൂ​സ്റ്റാ​ര്‍, അ​വി​ഗ്ന, എ​യ​ര്‍പോ​ര്‍ട്ട് ഗോ​ള്‍ഫ് വ്യൂ ​ഹോ​ട്ട​ല്‍, കെ. ​ബോ​ര്‍ഡ് റ​ബ​ര്‍, കൃ​ഷ്ണ ക​ല മെ​ഡി​ക്ക​ല്‍ സ​യ​ന്‍സ​സ് എ​ന്നി​വ​രു​ടെ പ​ദ്ധ​തി​ക​ളാ​ണ് ജൂ​ണി​ല്‍ ആ​രം​ഭി​ക്കു​ന്ന​ത്.

ലൈ​ഫ് സ​യ​ന്‍സ് പാ​ര്‍ക്കി​ലെ 60 ഏ​ക്ക​റി​ല്‍ ജി​നോം സി​റ്റി മാ​തൃ​ക​യി​ല്‍ ജെ.​വി വെ​ഞ്ച്വേ​ഴ്സ് 3800 കോ​ടി രൂ​പ ബ​യോ മാ​നു​ഫാ​ക്​​ച​റി​ങ്​ മേ​ഖ​ല​യി​ല്‍ നി​ക്ഷേ​പി​ക്കു​ന്ന പ​ദ്ധ​തി​യും ഉ​ട​നെ ആ​രം​ഭി​ക്കും. തോ​ന്ന​യ്​​ക്ക​ല്‍ കി​ന്‍ഫ്ര പാ​ര്‍ക്ക് ഈ ​മാ​സ​വും തി​രു​വ​ന​ന്ത​പു​ര​ത്ത്​ യൂ​നി​റ്റി മാ​ള്‍ ന​വം​ബ​റി​ലും ഉ​ദ്ഘാ​ട​നം ചെ​യ്യു​മെ​ന്നും മ​ന്ത്രി പി. ​രാ​ജീ​വ് പ​റ​ഞ്ഞു.

ബ്ലൂ​സ്റ്റാ​ര്‍ റി​യാ​ല്‍ട്ടേ​ഴ്സ്, അ​ല്‍ഹി​ന്ദ്, എ​യ​ര്‍ പോ​ര്‍ട്ട് ഗോ​ള്‍ഫ് വ്യൂ ​ഹോ​ട്ട​ല്‍സ്, എ​സ്.​എ​ഫ്.​ഒ ടെ​ക്​​നോ​ള​ജീ​സ്, ക​ന്യോ ഹെ​ല്‍ത്ത്, അ​ക്കോ​സ, ബി.​എം.​എ​ച്ച് കെ​യ​ര്‍ ഹോ​സ്​​പി​റ്റ​ല്‍, കൃ​ഷ്ണ​ക​ല ഹോ​സ്​​പി​റ്റ​ല്‍, ഫ്യൂ​ച്ച​റി​സ് ബൊ​ത്തി​ക് ഹോ​സ്​​പി​റ്റ​ല്‍ തു​ട​ങ്ങി​യ​വ​ര്‍ പ്ര​ഖ്യാ​പി​ച്ച പ​ദ്ധ​തി​ക​ള്‍ വ​രും മാ​സ​ങ്ങ​ളി​ല്‍ തു​ട​ങ്ങും.

പ്ര​ധാ​ന പ​ദ്ധ​തി​ക​ളു​ടെ നി​ര്‍മാ​ണ പു​രോ​ഗ​തി വ്യ​വ​സാ​യ​മ​ന്ത്രി നേ​രി​ട്ട് സ​ന്ദ​ര്‍ശി​ച്ച് വി​ല​യി​രു​ത്തും. പ​ദ്ധ​തി​ക​ളു​മാ​യി ബ​ന്ധ​പ്പെ​ട്ട് ന​യ​പ​ര​മാ​യി എ​ടു​ക്കേ​ണ്ട തീ​രു​മാ​ന​ങ്ങ​ളെ​ക്കു​റി​ച്ച് ആ​ലോ​ചി​ക്കു​ന്ന​തി​ന് ജൂ​ണി​ല്‍ മു​ഖ്യ​മ​ന്ത്രി​യു​ടെ അ​ധ്യ​ക്ഷ​ത​യി​ല്‍ യോ​ഗം​ചേ​രും. നി​ക്ഷേ​പ താ​ല്‍പ​ര്യ​പ​ത്ര​ങ്ങ​ളു​ടെ ത​ത്സ​മ​യ ട്രാ​ക്കി​ങ്ങി​നാ​യി വെ​ബ്പോ​ര്‍ട്ട​ല്‍ ത​യാ​റാ​ക്കി ഉ​ദ്ഘാ​ട​നം ചെ​യ്തി​രു​ന്നു. നി​ക്ഷേ​പ​ക​രു​ടെ പ്ര​ശ്ന​ങ്ങ​ള്‍ സ​മ​യ​ബ​ന്ധി​ത​മാ​യി പ​രി​ഹ​രി​ക്കു​ന്ന​തി​ന് അ​ഞ്ച്​ ഘ​ട്ട​ങ്ങ​ളു​ള്ള എ​സ്ക​ലേ​ഷ​ന്‍ പ്രോ​ട്ടോ​ക്കോ​ളും ത​യാ​റാ​ക്കി.

450 ല​ധി​കം ക​മ്പ​നി​ക​ളി​ല്‍ നി​ന്നാ​യി 1.96 ല​ക്ഷം കോ​ടി രൂ​പ​യു​ടെ നി​ക്ഷേ​പ വാ​ഗ്ദാ​ന​മാ​ണ് ല​ഭി​ച്ച​ത്. 4.80 ല​ക്ഷം തൊ​ഴി​ല​വ​സ​ര​ങ്ങ​ള്‍ സൃ​ഷ്ടി​ക്കാ​നു​ള്ള സാ​ധ്യ​ത​യാ​ണ് നി​ര്‍ദേ​ശ​ങ്ങ​ളി​ലു​ള്ള​ത്. ഐ.​ടി-​ഐ.​ടി അ​നു​ബ​ന്ധ മേ​ഖ​ല​ക​ളി​ലാ​യി 29 ക​മ്പ​നി​ക​ള്‍ 9,300 കോ​ടി രൂ​പ​യു​ടെ നി​ക്ഷേ​പ താ​ല്‍പ​ര്യം അ​റി​യി​ച്ചി​ട്ടു​ണ്ട്.