'മാധ്യമ'ത്തിലെ അഭിമുഖം ഒരു ചാനൽ വളച്ചൊടിച്ച് വാർത്ത നൽകിയെന്ന് പി.കെ. കുഞ്ഞാലിക്കുട്ടി

മലപ്പുറം: 'മാധ്യമം' ദിനപത്രത്തിൽ ഇന്ന് പ്രസിദ്ധീകരിച്ച തന്‍റെ അഭിമുഖം മറ്റൊരു വാർത്താ ചാനൽ തെറ്റായ രീതിയിൽ വളച്ചൊടിച്ച് ആശയക്കുഴപ്പം ഉണ്ടാക്കുന്ന രീതിയിൽ വാർത്ത നൽകിയെന്ന് മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി. 'കൂറ് മാറുന്ന പാർട്ടിയല്ല മുസ്ലിം ലീഗ്' എന്നാണ് ആ അഭിമുഖത്തിന്‍റെ തലക്കെട്ട് തന്നെ. അഭിമുഖം ഒന്നിരുത്തി വായിച്ചാൽ എന്താണ് പറഞ്ഞതെന്ന് വ്യക്തമാകും. ഉദ്ദേശ ശുദ്ധിക്ക് വിരുദ്ധമായി വാർത്ത സൃഷ്ടിക്കുന്നത് നല്ല മാധ്യമ പ്രവർത്തനത്തിന് ചേർന്നതല്ലെന്നും കുഞ്ഞാലിക്കുട്ടി വിമർശിച്ചു.

പി.കെ. കുഞ്ഞാലിക്കുട്ടിയുമായി പി. ഷംസുദ്ദീൻ നടത്തിയ അഭിമുഖമാണ് 'മാധ്യമം' ഇന്ന് പ്രസിദ്ധീകരിച്ചത്. മുസ്ലിം ലീഗിന്‍റെ രാഷ്ട്രീയ പ്രാധാന്യം, ബി.ജെ.പിയുടെ വിഭാഗീയ നീക്കങ്ങൾ, പൗരത്വ സമരവുമായി ബന്ധപ്പെട്ട നിലപാടുകൾ, സമസ്തയും ലീഗും തമ്മിലുള്ള ബന്ധം, ഇടതുമുന്നണിയോടുള്ള സമീപനം തുടങ്ങി വിവിധ വിഷയങ്ങളിൽ കുഞ്ഞാലിക്കുട്ടി നിലപാട് വ്യക്തമാക്കുന്നുണ്ട്.

ലീ​ഗ് ഇ​ട​തു മു​ന്ന​ണി​യി​ലേ​ക്ക് മാ​റു​ന്ന പ്ര​ശ്ന​മി​ല്ലെന്നും, സി.​പി.​എ​മ്മി​നെ ക​ടി​ച്ചു​കീ​റി വി​മ​ർ​ശി​ക്കാ​ത്ത​തി​ന്‍റെ അ​ർ​ഥം അ​വ​രു​മാ​യി സ​ഖ്യ​ത്തി​ലാ​വാ​ൻ പോ​വു​ന്നു​വെ​ന്ന​ല്ലെന്നുമാണ് കുഞ്ഞാലിക്കുട്ടി വിശദീകരിച്ചത്. പാ​ർ​ല​മെ​ന്‍റ് തെ​ര​ഞ്ഞെ​ടു​പ്പ് ക​ഴി​ഞ്ഞാ​ൽ ലീ​ഗ് ഇ​ട​തു​പ​ക്ഷ​ത്തേ​ക്ക് കൂ​ടു​മാ​റു​മെ​ന്ന പ്ര​ചാ​ര​ണം വെ​റു​തെ​യാ​ണ്. ഞ​ങ്ങ​ള​ങ്ങ​നെ കൂ​റു​മാ​റു​ന്ന പാ​ർ​ട്ടി​യ​ല്ല.​ വ​ലി​യ സം​ഭ​വ​വി​കാ​സ​ങ്ങ​ൾ എ​ന്തെ​ങ്കി​ലും ഉ​ണ്ടെ​ങ്കി​ലേ അ​ങ്ങ​നെ​യൊ​ക്കെ സം​ഭ​വി​ക്കൂവെന്നും കുഞ്ഞാലിക്കുട്ടി അഭിമുഖത്തിൽ വ്യക്തമാക്കിയിരുന്നു.

പി.കെ. കുഞ്ഞാലിക്കുട്ടിയുടെ അഭിമുഖം പൂർണരൂപം വായിക്കാം... കൂ​റു​മാ​റു​ന്ന പാ​ർ​ട്ടി​യ​ല്ല മുസ്‍ലിം ലീ​ഗ്