രജിസ്ട്രേഷൻ ഇല്ല; സംസ്ഥാന സാക്ഷരത മിഷനെതിരെ അന്വേഷണം

തിരുവനന്തപുരം: സംസ്ഥാന സാക്ഷരത മിഷനെതിരെ അന്വേഷണവുമായി രജിസ്ട്രേഷൻ വകുപ്പ്. വകുപ്പിന്‍റെ അനുമതിയില്ലാതെ പ്രവർത്തിക്കുന്ന സ്ഥാപനത്തിനെതിരെ നടപടി വേണമെന്ന പരാതികളുടെ അടിസ്ഥാനത്തിലാണ് ദക്ഷിണ മേഖല രജിസ്ട്രേഷൻ ഡെപ്യൂട്ടി ഇൻസ്പെക്ടർ ജനറൽ അന്വേഷണത്തിന് ഉത്തരവിട്ടത്. അന്വേഷണ റിപ്പോർട്ട് ഉടനടി സമർപ്പിക്കണമെന്നും തിരുവനന്തപുരം ജില്ല രജിസ്ട്രാറോട് ആവശ്യപ്പെട്ടിട്ടുണ്ട്.

സംസ്ഥാനത്ത് സമ്പൂർണ സാക്ഷരത നടപ്പാക്കുന്നതിന്‍റെ ഭാഗമായി 1990ലാണ് സാക്ഷരത സമിതി എന്ന പേരിൽ സ്ഥാപനം രജിസ്റ്റർ ചെയ്തത്. 1991 ഏപ്രിലിൽ 18ന് സമ്പൂർണ സാക്ഷരത പ്രഖ്യാപനത്തോടെ ഈ സമിതി പിരിച്ചുവിട്ടു. സാക്ഷരതക്കുപരി തുടർവിദ്യാഭ്യാസത്തിന് പ്രാധാന്യം കൊടുത്തുകൊണ്ട് 1998ൽ കേരള സംസ്ഥാന സാക്ഷരത മിഷൻ അതോറിറ്റി എന്ന പേരിൽ പുതിയ സ്ഥാപനം തുടങ്ങുകയായിരുന്നു. അതുകൊണ്ടുതന്നെ പുതിയ രജിസ്ട്രേഷൻ നിർബന്ധമാണെന്ന് രജിസ്ട്രേഷൻ വകുപ്പ് അധികൃതർ ‘മാധ്യമ’ത്തോട് പറഞ്ഞു. ഇതോടെ പൊതുവിദ്യാഭ്യാസ വകുപ്പിന് കീഴിൽ ഇത്രയും നാൾ പ്രവർത്തിച്ചുവന്നത് കടലാസ് സംഘടനയാണെന്ന ആരോപണം ശക്തമാകുകയാണ്.

പ്രതിവർഷം 17 കോടിയാണ് സ്ഥാപനത്തിന് സർക്കാൻ ഗ്രാൻറായി അനുവദിക്കുന്നത്. പൊതുവിദ്യാഭ്യാസ വകുപ്പിന് കീഴിലെ സ്ഥാപനം എന്ന നിലയിൽ മിഷന്‍റെ ഏഴാംതരം തുല്യത സർട്ടിഫിക്കറ്റ് എംപ്ലോയ്മെന്‍റ് എക്‌സ്‌ചേഞ്ചിൽ രജിസ്റ്റർ ചെയ്യാം. ഏഴാം ക്ലാസ് യോഗ്യത മാനദണ്ഡമായ പി.എസ്‌.സി പരീക്ഷകൾക്കും അപേക്ഷിക്കാം. 10ാംതരം തുല്യത വിജയിക്കുന്നവർക്ക് പി.എസ്‌.സി വഴിയുള്ള ജോലികൾക്ക് അപേക്ഷിക്കാം. ഹയർസെക്കൻഡറി തുല്യത വിജയിക്കുന്നവർക്ക് ഉയർന്ന തലങ്ങളിൽ ചേർന്ന് പഠിക്കാനുള്ള അവസരവുമുണ്ട്. ഉദ്യോഗക്കയറ്റത്തിനും സാക്ഷരത മിഷന്‍റെ തുല്യത സർട്ടിഫിക്കറ്റ് പരിഗണിക്കുന്നുണ്ട്.

ആ​സ്ഥാ​ന മ​ന്ദി​ര​ത്തി​നും കെ​ട്ടി​ട ന​മ്പ​ർ ഇ​ല്ല

ച​ട്ട​ങ്ങ​ൾ കാ​റ്റി​ൽ പ​റ​ത്തി പ​ണി​ത​തി​നാ​ൽ സാ​ക്ഷ​ര​ത മി​ഷ​ന്‍റെ ആ​സ്ഥാ​ന മ​ന്ദി​ര​ത്തി​ന് തി​രു​വ​ന​ന്ത​പു​രം കോ​ർ​പ​റേ​ഷ​ൻ കെ​ട്ടി​ട ന​മ്പ​ർ ന​ൽ​കി​യി​ട്ടി​ല്ല. പൊ​തു​വി​ദ്യാ​ഭ്യാ​സ വ​കു​പ്പി​ന്‍റെ പേ​ട്ട​യി​ലെ ഒ​രു ഏ​ക്ക​ർ 40 സെ​ന്‍റ് സ്ഥ​ല​ത്തി​ൽ 16 സെ​ന്‍റി​ൽ മ​ന്ദി​രം നി​ർ​മി​ക്കാ​നു​ള്ള അ​നു​മ​തി​യാ​ണ് സ​ർ​ക്കാ​ർ ന​ൽ​കി​യ​ത്.

എ​ന്നാ​ൽ, 43 സെ​ന്‍റ് കൈ​യേ​റി കെ​ട്ടി​ടം നി​ർ​മി​ച്ചെ​ന്നാ​ണ് കോ​ർ​പ​റേ​ഷ​ന്‍റെ ക​ണ്ടെ​ത്ത​ൽ. 7000 ച​തു​ര​ശ്ര അ​ടി കെ​ട്ടി​ടം നി​ർ​മി​ക്കാ​നാ​യി​രു​ന്നു അ​നു​മ​തി. പ​ണി​ക​ഴി​പ്പി​ച്ച​താ​ക​ട്ടെ 13,654 ച​തു​ര​ശ്ര അ​ടി​യു​ള്ള കെ​ട്ടി​ടം. കോ​ർ​പ​റേ​ഷ​ൻ അ​നു​മ​തി​യി​ല്ലാ​തെ​യാ​ണ് 2018 മേ​യി​ൽ നി​ർ​മാ​ണം ആ​രം​ഭി​ച്ച​ത്. മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണ്​ ത​റ​ക്ക​ല്ലി​ട്ട​ത്.കെ​ട്ടി​ട ന​മ്പ​ർ അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട് നി​ര​വ​ധി ത​വ​ണ കോ​ർ​പ​റേ​ഷ​നെ സ​മീ​പി​ച്ചെ​ങ്കി​ലും അ​ന​ധി​കൃ​ത നി​ർ​മാ​ണ​മാ​യ​തി​ൽ കോ​ർ​പ​റേ​ഷ​ൻ നി​ര​സി​ക്കു​ക​യാ​യി​രു​ന്നു.

ആ​ൾ​മാ​റാ​ട്ടം ന​ട​ത്തി പ​രീ​ക്ഷ​യെ​ഴു​തി; എ​ല്ലാം ഒ​തു​ക്കി

2017ൽ ​സാ​ക്ഷ​ര​ത​മി​ഷ​ൻ ന​ട​ത്തി​യ ഏ​ഴാം​ത​രം തു​ല്യ​ത​പ​രീ​ക്ഷ​യി​ൽ 77 പേ​ർ ആ​ൾ​മാ​റാ​ട്ടം ന​ട​ത്തി പ​രീ​ക്ഷ​യെ​ഴു​തി​യ​താ​യി ക​ണ്ടെ​ത്തി​യി​രു​ന്നു. സം​സ്ഥാ​ന ഓ​ഫി​സി​ൽ​നി​ന്ന് ര​ജി​സ്റ്റ​ർ ന​മ്പ​റും ഡ​യ​റ​ക്ട​റു​ടെ ഒ​പ്പും സീ​ലോ​ടും​കൂ​ടി ഫോ​ട്ടോ പ​തി​ച്ച സ​ർ​ട്ടി​ഫി​ക്ക​റ്റു​ക​ൾ പ​ഠി​താ​ക്ക​ൾ​ക്ക് ന​ൽ​കാ​തെ അ​തേ ര​ജി​സ്റ്റ​ർ ന​മ്പ​റു​ക​ളി​ൽ മ​റ്റ് 77 പേ​രെ​കൊ​ണ്ട് ആ​ളു​മാ​റ്റി പ​രീ​ക്ഷ​യെ​ഴു​തി​പ്പി​ച്ച് വി​ജ​യ​ശ​ത​മാ​നം ഉ​യ​ർ​ത്തു​ക​യാ​യി​രു​ന്നു. മാ​ർ​ക്ക് ലി​സ്റ്റി​ലും ക്ര​മ​ക്കേ​ട്​ ക​ണ്ടെ​ത്തി. എ​ന്നാ​ൽ, കു​റ്റ​ക്കാ​രാ​യ നാ​ലു ജീ​വ​ന​ക്കാ​രെ സ്ഥ​ലം മാ​റ്റി സം​ഭ​വം ഒ​തു​ക്കി​ത്തീ​ർ​ക്കു​ക​യാ​യി​രു​ന്നു.