ഐ.എൻ.എൽ ഗ്രൂപ്പുകൾ ഒന്നിച്ചത്​ കക്ഷത്തുള്ളതും നഷ്​ടപ്പെടുമെന്ന ഘട്ടത്തിൽ

കോ​ഴി​ക്കോ​ട്​: 40 ദി​വ​സ​ത്തെ 'പി​ള​ർ​പ്പി'​നു ശേ​ഷം ഐ.​എ​ൻ.​എ​ൽ ഗ്രൂ​പ്പു​ക​ളെ വീ​ണ്ടും ഒ​ന്നി​പ്പി​ച്ച​ത്​ ഇ​ട​തു​മു​ന്ന​ണി​യു​ടെ ക​ടു​ത്ത നി​ല​പാ​ട്. സ​മു​ദാ​യ​ത്തി​ന​ക​ത്തും പ്ര​വാ​സി സ​മൂ​ഹ​ത്തി​ലും വി​ഭാ​ഗീ​യ​ത​ക്കെ​തി​രെ ഉ​ട​ലെ​ടു​ത്ത ക​ടു​ത്ത പ്ര​തി​ഷേ​ധ​വും പു​ന​ര​ാ​ലോ​ച​ന​ക്ക്​​ പ്രേ​രി​പ്പി​ച്ചു.

ഭി​ന്ന​ത ഇ​രു​വി​ഭാ​ഗ​ത്തി​നും ന​ഷ്​​ട​ക്ക​ച്ച​വ​ട​മാ​കു​മെ​ന്ന്​​ ഉ​റ​പ്പാ​യ​തോ​ടെ ഇ​ട​തു സ​ഹ​യാ​ത്രി​ക​നാ​യ കാ​ന്ത​പു​രം അ​ബൂ​ബ​ക്ക​ർ മു​സ്​​ലി​യാ​രു​ടെ കാ​ർ​മി​ക​ത്വ​ത്തി​ൽ ന​ട​ത്തി​യ ച​ർ​ച്ച​യി​ൽ എ​ല്ലാം മ​റ​ന്ന്​ ഒ​ന്നാ​കാ​ൻ തീ​രു​മാ​നി​ച്ചു . പാ​ർ​ട്ടി​ക്കു​ള്ളി​ലെ വി​ഴു​പ്പ​ല​ക്കു​ക​ൾ നി​യ​മ​സ​ഭ തെ​ര​ഞ്ഞെ​ടു​പ്പി​നു ശേ​ഷ​മാ​ണ്​ പാ​ര​മ്യ​ത​യി​ലെ​ത്തി​യ​ത്.

മു​ന്ന​ണി​യി​ലെ​ടു​ത്ത ശേ​ഷം മ​ന്ത്രി​സ്ഥാ​നം കൈ​വെ​ള്ള​യി​ൽ വെ​ച്ചു​കൊ​ടു​ത്തി​ട്ടും പാ​ർ​ട്ടി നേ​താ​ക്ക​ളു​ടെ നേ​തൃ​ത്വ​ത്തി​ൽ ഗ്രൂ​പ്​ തി​രി​ഞ്ഞ്​ ത​മ്മി​ൽ ത​ല്ലി​യ​ത്​ ഇ​ട​തു​മു​ന്ന​ണി​ക്കു​ത​ന്നെ ത​ല​വേ​ദ​ന സൃ​ഷ്​​ടി​ച്ചു. ജൂ​ലൈ 25ന്​ ​എ​റ​ണാ​കു​ള​ത്ത്​ ന​ട​ന്ന സം​സ്ഥാ​ന ക​മ്മി​റ്റി യോ​ഗ​ത്തി​നി​ട​യി​ലാ​ണ്​ പ്ര​വ​ർ​ത്ത​ക​ർ പ​ര​സ്​​പ​രം പോ​ര​ടി​ച്ച​ത്. നേ​താ​ക്ക​ൾ ഇ​രു​ചേ​രി​ക​ളി​ലാ​യി ആ​രോ​പ​ണ-​പ്ര​​ത്യാ​രോ​പ​ണ​ങ്ങ​ൾ ഉ​ന്ന​യി​ച്ചു. തു​ട​ർ​ന്ന്, വ​ഹാ​ബ്​ പ​ക്ഷം ത​ങ്ങ​ളെ അം​ഗീ​ക​രി​ക്ക​ണ​മെ​ന്ന ആ​വ​ശ്യ​വു​മാ​യി സി.​പി.​എം, ​സി.​പി.​ഐ നേ​താ​ക്ക​ളെ സ​മീ​പി​ച്ച​പ്പോ​ൾ ക​ടു​ത്ത താ​ക്കീ​താ​ണ്​ ല​ഭി​ച്ച​ത്.

ഹ​ജ്ജ്​ ക​മ്മി​റ്റി, ബോ​ർ​ഡ്​ പു​നഃ​സം​ഘ​ട​ന​യി​ൽ പാ​ർ​ട്ടി​യെ പ​രി​ഗ​ണി​ക്കാ​തി​രു​ന്ന​ത്​ കാ​സിം പ​ക്ഷ​ത്തി​നും തി​രി​ച്ച​ടി​യാ​യി. ഇ​രു​വി​ഭാ​ഗ​വും ഭി​ന്നി​ച്ചു​നി​ന്നാ​ൽ പ​രി​ഗ​ണ​ന കി​ട്ടി​ല്ലെ​ന്ന്​ മാ​ത്ര​മ​ല്ല, ക​ക്ഷ​ത്തു​ള്ള​തും ന​ഷ്​​ട​പ്പെ​ടു​മെ​ന്ന ഘ​ട്ട​ത്തി​ലാ​ണ്​ അ​നു​ര​ഞ്​​ജ​ന ശ്ര​മ​ങ്ങ​ളോ​ട്​ സ​ഹ​ക​രി​ക്കാ​ൻ ഇ​രു​കൂ​ട്ട​രും ത​യാ​റാ​യ​ത്​.

വ​ഹാ​ബ്​ പ​ക്ഷം ഇ​തി​ന​കം രൂ​പ​വ​ത്​​ക​രി​ച്ച പാ​ർ​ട്ടി​യു​ടെ​യും പോ​ഷ​ക ഘ​ട​ക​ങ്ങ​ളു​ടെ​യും എ​ല്ലാ ക​മ്മി​റ്റി​ക​ളും ഇ​തോ​ടെ ഇ​ല്ലാ​താ​കും. കാ​സിം പ​ക്ഷം മ​റു​ഭാ​ഗ​ത്തി​നെ​തി​രെ എ​ടു​ത്ത അ​ച്ച​ട​ക്ക ന​ട​പ​ടി​ക​ളും റ​ദ്ദാ​ക്കാ​ൻ തീ​രു​മാ​നി​ച്ച​തോ​ടെ ജൂ​ലൈ 25നു​ ​മു​മ്പു​ള്ള അ​വ​സ്ഥ​യി​ൽ പാ​ർ​ട്ടി എ​ത്തും.