ജനകീയാസൂത്രണ രജതജൂബിലി ഉദ്ഘാടന ചടങ്ങിൽ നിന്ന്​ ഐ.എൻ.എല്ലിനെ ഒഴിവാക്കിയിട്ടില്ലെന്ന്​ - മന്ത്രി എം.വി. ഗോവിന്ദൻ

തിരുവനന്തപുരം:ജനകീയാസൂത്രണത്തിെൻറ രജതജൂബിലി ഉദ്ഘാടന ചടങ്ങിൽനിന്ന് ഐ.എൻ.എല്ലിനെ ഒഴിവാക്കിയില്ലെന്ന്​ മന്ത്രി എം.വി. ഗോവിന്ദൻ. പരിപാടിയിൽ രാഷ്​ട്രീയമില്ല. ഐ.എൻ.എല്ലും പങ്കെടുക്കും. ബി.ജെ.പി ഉൾപ്പെടെ എല്ലാ പാർട്ടികളുടെയും പ്രതിനിധികളെ ക്ഷണിച്ചിട്ടുണ്ട്.ഇതുമായി ബന്ധപ്പെട്ട വിവാദത്തിന് അടിസ്ഥാനമില്ലെന്നും മന്ത്രി പറഞ്ഞു.

ബദൽ ഉൽപന്നങ്ങൾ നിലവിലുള്ളതിനാൽ പരിസ്ഥിതിയെ രക്ഷിക്കുകയെന്ന ലക്ഷ്യത്തോടെ പ്ലാസ്​റ്റിക്​ നിരോധനം കർശനമാക്കും.

2025 ഓടെ നാട് വലിയ വിപത്തിനെ നേരിടുമെന്ന് പരിസ്ഥിതി വിദഗ്​ധർ ചൂണ്ടിക്കാട്ടുന്നുണ്ട്. നദികളോടും കടലിനോടും ചേർന്ന കേരളത്തെ ഇത് ഏറെ ദോഷകരമായി ബാധിക്കും. സംസ്ഥാനത്ത് പ്ലാസ്​റ്റിക്​ നിയന്ത്രണം നേരത്തേ കർശനമാക്കിയപ്പോൾ ബദലില്ലെന്ന കാരണത്താൽ വ്യാപാരികൾ എതിർപ്പുമായി രംഗത്തെത്തിയിരുന്നു. ഇപ്പോൾ ബദൽ ഉൽപന്നങ്ങൾ കുടുംബശ്രീ ഉൾപ്പെടെ വിപണിയിൽ എത്തിച്ചിട്ടുണ്ട്​. ഇത്തരം ഉൽപന്നങ്ങൾക്ക്​ പ്രോത്സാഹനം നൽകി​ നിരോധനം ഉറപ്പാക്കലാണ് സർക്കാർ ലക്ഷ്യമെന്നും മന്ത്രി പറഞ്ഞു.