റഷ്യൻ യുവതിക്ക് പരിക്കേറ്റ സംഭവം: കൂരാച്ചുണ്ട് സ്വദേശിയായ ആൺ സുഹൃത്ത് കസ്റ്റഡിയിൽ

കോഴിക്കോട്: കൂരാച്ചുണ്ടിൽ വെച്ച് റഷ്യൻ യുവതിക്ക് പരിക്കേറ്റ സംഭവത്തിൽ ആൺ സുഹൃത്ത് കസ്റ്റഡിയിൽ. കൂരാച്ചുണ്ട് സ്വദേശിയാണ് കസ്റ്റഡിയിലായത്.

ആൺസുഹൃത്തിന്റെ ഉപദ്രവത്തെ തുടർന്ന് കെട്ടിടത്തിൽനിന്ന് ചാടിയതെന്നാണ്​ റിപ്പോർട്ട്. കൈയിൽ മുറിവേറ്റപാടുമുണ്ട്.

നാട്ടുകാർ വിവരമറിയിച്ചതിനെ തുടർന്ന് കൂരാചുണ്ട് പൊലീസാണ് കഴിഞ്ഞ ദിവസം രാത്രി ഇവരെ മെഡിക്കൽ കോളേജിലെത്തിക്കുകയായിരുന്നു. യുവതി മെഡിക്കൽ കോളജിലെ ഐ.സി.യുവിൽ ചികിത്സയിലാണ്.

സംഭവത്തിൽ വനിതാ കമ്മീഷൻ സ്വമേധയാ കേസെടുത്തിരുന്നു. കൂരാച്ചുണ്ട് പൊലീസിനോട് സംഭവം സംബന്ധിച്ച്​ വിശദ റിപ്പോർട്ട് തേടിയിട്ടുണ്ട്.