മാലിന്യം ഇടുന്നതിനെച്ചൊല്ലി തർക്കം: പരിക്കേറ്റ വയോധിക മരിച്ചു

പള്ളുരുത്തി: മാലിന്യം ഇടുന്നതിനെച്ചൊല്ലിയുള്ള തര്‍ക്കത്തിനിടെ പരിക്കേറ്റ വയോധിക മരിച്ചു. പള്ളുരുത്തി ഇല്ലത്തുനഗര്‍ വട്ടത്തറ വീട്ടില്‍ ബോസി​െൻറ ഭാര്യ സുധര്‍മിണിയാണ്​ (68) മരിച്ചത്. സംഭവത്തില്‍ ആലപ്പുഴ സ്വദേശി പള്ളുരുത്തി ഇല്ലത്തുനഗറില്‍ വാടകക്ക് താമസിക്കുന്ന രാജേഷിനെ പൊലീസ് പിടികൂടി. ഞായറാഴ്ച രാത്രി എ​ട്ടോടെയായിരുന്നു സംഭവം.

വീടിനുസമീപത്ത്​ സുധര്‍മിണി ചവറുകള്‍ ഇടുന്നതുകണ്ട് ഓടിയെത്തിയ രാജേഷ് ആദ്യം ഇവരുടെ പേരക്കിടാവ് അനന്തകൃഷ്ണ മര്‍ദിച്ചു. ഇത് ചോദ്യം ചെയ്ത സുധര്‍മിണിയെ തള്ളിയിടുകയായിരുന്നു. തലയടിച്ച്​ വീണതിനെത്തുടർന്ന് ബന്ധുക്കള്‍ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും മരിച്ചു.

ഒളിവിൽ പോയ പ്രതിയെ തിങ്കളാഴ്ച പുലർച്ചയോടെ പള്ളുരുത്തി ഇൻസ്പെക്ടർ ജോയ് മാത്യുവി​െൻറ നേതൃത്വത്തിൽ പിടികൂടുകയായിരുന്നു. സുധർമിണിയുടെ മകള്‍: ലിനി. മരുമകന്‍: ഉദയന്‍.