Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightസാജൻെറ ആത്മഹത്യക്ക്​...

സാജൻെറ ആത്മഹത്യക്ക്​ പിന്നിൽ ‘വില്ലൻ’ ഫോൺ കോളുകളെന്ന്​ സി​.പി.എം മുഖപത്രം

text_fields
bookmark_border
anthoor-130719
cancel

കണ്ണൂർ: ആന്തൂരിൽ പ്രവാസി വ്യവസായി സാജൻെറ ആത്മഹത്യയുമായി ബന്ധപ്പെട്ട്​ പുതിയ കണ്ടെത്തലുമായി സി.പി.എം മുഖപ​ത് രം ദേശാഭിമാനി. സാജൻെറ പേരിലുള്ള മൂന്ന്​ നമ്പറുകളിൽ ഒന്നിലേക്ക്​ നിരന്തരം വന്ന ഫോൺകോളുകളാണ്​ ആത്മഹത്യയിലേക ്ക്​ നയിച്ചതെന്നും ഇത്​ സംബന്ധിച്ച്​ അന്വേഷണ സംഘത്തിന്​ നിർണായക തെളിവുകൾ ലഭിച്ചിട്ടുണ്ടെന്നുമാണ്​ ദേശാഭിമാ നി റിപ്പോർട്ട്​​.

കൺവെൻഷൻ സ​െൻററിന്​ സി.പി.എം ഭരിക്കുന്ന നഗരസഭ അനുമതി നിഷേധിച്ചതാണ്​ സാജൻെറ ആത്മഹത്യക്ക്​ പിന്നിലെന്ന്​ കുടുംബവും എതിർ രാഷ്​ട്രീയ കക്ഷികളും ആരോപിക്കുന്നതിനിടെയാണ്​ പുതിയ കണ്ടെത്തൽ. നഗരസഭ അധ്യക്ഷ പി.കെ ശ്യാമളക്ക്​ തെറ്റു പറ്റിയെന്ന്​ പി. ജയരാജനുൾപ്പെടെ സി.പി.എം നേതാക്കൾ തുറന്നു പറഞ്ഞിരുന്നു. എന്നാൽ പാർട്ടി ശ്യാമളയെ പിന്തുണക്കുന്ന നിലപാടാണ്​ ഈ വിഷയത്തിൽ കൈക്കൊണ്ടത്​.

സാജൻെറ പേരിലുള്ള മൂന്ന് സിംകാര്‍ഡുകളില്‍ ഒരെണ്ണം അദ്ദേഹമല്ല ഉപയോ​ഗിച്ചിരുന്നതെന്നും ഇതിലേക്ക‌് വന്ന ഫോണ്‍കോളുകളെ കേന്ദ്രീകരിച്ച് നടത്തിയ അന്വേഷണത്തിലാണ്​ യഥാർഥ കാരണത്തിൻെറ ചുരുളഴിയുന്നതെന്നുമാണ്​ വാർത്ത​. ജനുവരി മുതൽ സാജൻ ആത്മഹത്യചെയ‌്ത ജൂൺ 18വരെയുള്ള അഞ്ചര മാസത്തിനിടെ 2400ഓളം തവണ ഈ ഫോണിലേക്ക്​ കോൾ വന്നു. മൻസൂർ എന്ന ആളാണ്​ വിളിച്ചത്​. ഇയാളെ അന്വേഷണസംഘം വിശദമായി ചോദ്യം ചെയ‌്തുവെന്നും ഇയാൾ എല്ലാ കാര്യങ്ങളും സമ്മതിച്ചതായും ഫോൺ കസ‌്റ്റഡിയിലെടുത്തിട്ടുണ്ടെന്നും റിപ്പോർട്ടിൽ പറയുന്നു.

25 കോളുകൾ വരെ വന്ന ദിവസങ്ങളു​ണ്ടെന്നും ഇതിൽ കൂടുതലും മണിക്കൂറുകൾ നീണ്ട കോളുകളായിരുന്നെന്നുമാണ്​ കണ്ടെത്തൽ. സാജന്‍ മരിച്ച ദിവസവും 12 തവണ വിളിച്ചുവത്രെ. രാത്രി 11.10നും വീഡിയോകോള്‍ വന്നതായും ഇതിനുശേഷമാണ് സാജന്‍ ആത്മഹത്യചെയ്തതെന്നുമാണ്​ വാർത്തയിൽ പറയുന്നത്​.

അതേസമയം, കൺവെൻഷൻ സ​െൻററിൻെറ പ്രവർത്തനാനുമതി നീളുന്നതിൽ സാജന‌് മനോവിഷമമുണ്ടായിരുന്നു. എന്നാൽ അത്​ ആത്മഹത്യയിലേക്ക‌് നയിക്കാനുള്ള കാരണമായിരുന്നില്ലെന്നും ഫോൺ കോളുക​ളാണ്​ സാജൻെറ ആത്മഹത്യക്ക്​ പിന്നിലെന്നുമാണ്​​ പാർട്ടി മുഖപത്രം പറയുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsmalayalam newsAnthur municipalitysajan's suicideindustrialist sajandeshabhimani report
News Summary - industrialist sajan's suicide; villain phone calls deshabhimani report -kerala news
Next Story