ഇരുത്തി ഭക്ഷണം നൽകി; തൃശൂരിൽ ഇന്ത്യൻ കോഫി ഹൗസ്​ പൂട്ടിച്ചു

തൃശൂർ: കുടുംബത്തിന്​​ ഇരുത്തി ഭക്ഷണം നൽകിയതിന്​ തൃശൂർ സ്വരാജ്​ റൗണ്ടിലെ ഇന്ത്യൻ കോഫി ഹൗസ്​ പൂട്ടിച്ചു. കോർപറേഷൻ ആരോഗ്യ വിഭാഗം നടത്തിയ പരിശോധനയിലാണ്​ കോവിഡ്​ മാർഗനിർദേശ ലംഘനം​ ശ്രദ്ധയിൽ പെട്ടത്​.

ഇതോടെയാണ്​ കോഫി ഹൗസ്​ സീൽ ചെയ്​തത്​. പിഴ ഈടാക്കാതെ അടച്ചു പൂട്ടിയത് പ്രസ്ഥാനത്തെ തകർക്കാനാണെന്ന്​ കോഫി ഹൗസ് അധികൃതർ ആരോപിച്ചു.

കോവിഡ്​ ബാധ നിയന്ത്രണ വിധേയമാകാത്ത സാഹചര്യത്തിലാണ്​ ഭക്ഷണശാലകളിൽ ഇരുത്തി ഭക്ഷണം നൽകാൻ അനുവദിക്കാത്തത്​. ഭക്ഷണം പാഴ്​സലാക്കി നൽകാൻ മാത്രമാണ്​ ഇപ്പോൾ അന​ുവാദം.