ചൈനയെയും അമേരിക്കയെയും 'വെള്ളം കുടിപ്പിച്ച്​' ഇന്ത്യ

കോഴിക്കോട്​: കുടിവെള്ളക്ഷാമം ഇനിയം പരിഹരിക്കപ്പെടാതെ ഒരു​ ലോകജലദിനം കൂടി നമ്മൾ ആഘോഷിച്ചു. അതിനിടയിൽ ഒരിറ്റ്​ ശുദ്ധജലത്തിനായി യാചിക്കുന്ന ജനതയുള്ള ഇന്ത്യയിൽ നിന്ന്​ മറ്റു രാജ്യങ്ങളിലേക്ക്​ കയറ്റുമതി ചെയ്​തത്​ 38 ലക്ഷം ലിറ്റർ വെള്ളം​. അതിർത്തിത്തർക്കം നിലനിൽക്കുന്ന ചൈനയ​ിലേക്കാണ്​ ഏറ്റവും കൂടുതൽ ​െവള്ളം കയറ്റിയയച്ചത്​.

കേന്ദ്ര വാണിജ്യ വ്യവസായ സഹമന്ത്രി ഹർദീപ് സിംഗ് പുരി ലോക്​സഭയിൽ അവതരിപ്പിച്ച കണക്കിലാണ്​ വെള്ളം കയറ്റുമതിയുടെ വിവരങ്ങൾ ഉള്ളത്​. 2015-2021 കാലയളവിനുള്ളിൽ 38,50,431 ലിറ്റർ വെള്ളം കയറ്റുമതി​ ചെയ്തെന്നാണ്​ കണക്കുകളിലുള്ളത്​

മിനറൽ വാട്ടർ, എയറേറ്റഡ് വാട്ടർ, നാച്വറൽ വാട്ടർ എന്നീ മൂന്ന്​ രൂപത്തിലാണ്​ വെള്ളം ​കയറ്റുമതി ചെയ്​തത്​. മിനറൽ വാട്ടറിനത്തിൽ 23,78,227 ലിറ്റർ വെള്ളവും, എയറേറ്റഡ് വാട്ടറിനത്തിൽ 6,02389 ലിറ്ററും, നാച്വറൽ വാട്ടറിനത്തിൽ 8,69815 ലിറ്ററുമാണ്​ കയറ്റുമതി ചെയ്​തത്​.

ചൈനയിലേക്കാണ്​ ഏറ്റവും കൂടുതൽ വെള്ളം കയറ്റുമതി ചെയ്​തിരിക്കുന്നത്​. 63,580 ലിറ്റർ മിനറൽ വാട്ടറും 1000 ലിറ്റർ എയറേറ്റഡ് വെള്ളവും 20,000 ലിറ്റർ പ്രകൃതിദത്ത വെള്ളവുമാണ്​ ബീജിങിലേക്ക്​ കയറ്റുമതി ചെയ്​തത്​.38,380 ലിറ്റർ വെള്ളം സ്വീകരിച്ച മാലദ്വീപാണ്​ കൂടുതൽ വെള്ളം സ്വീകരിച്ച രണ്ടാമത്തെ രാജ്യം​.

യു.എ.ഇയിലേക്ക്​ 35,510 ലിറ്റർ വെള്ളവും കാനഡയിലേക്ക്​ 33,620 ലിറ്ററും, സിംഗപ്പൂരിലേക്ക്​ 33,460 ലിറ്ററും, അമേരിക്കയിലേക്ക്​ 31,730 ലിറ്ററും ഖത്തറിലേക്ക്​ 25,900 ലിറ്ററും സൗദി അറേബ്യയിലേക്ക്​ 29,020 ലിറ്ററും വെള്ളവുമാണ്​ കയറ്റുമതി ചെയ്​തത്​.

ഇത്തരത്തിൽ വെള്ളം കയറ്റുമതി ചെയ്യു​േമ്പാൾ ഇന്ത്യയുടെ കുടിവെള്ള പ്രശ്​നം പരിഹരിക്കപ്പെ​ട്ടോ എന്നാണ്​ സാമൂഹ്യപ്രവർത്തകർ ചോദിക്കുന്നത്​. കുടിവെള്ള പദ്ധതികൾ പലതും പാതിവഴിയിലാണ്​. 2019 ൽ ജൽ ജീവൻ മിഷൻ പദ്ധതി തുടങ്ങു​േമ്പാൾ രാജ്യത്തെ ഗ്രാമീണ കുടുംബങ്ങൾക്ക്​ പ്രതിദിനം 55 ലിറ്റർ കുടിവെള്ളം ലഭ്യമാക്കുമെന്നായിരുന്നു പറഞ്ഞിരുന്നത്​. രണ്ട്​ വർഷം ആകു​േമ്പാഴും ആ പദ്ധതി പാതിവഴിയിലാണെന്നും അവർ ചൂണ്ടിക്കാട്ടുന്നു..