സ്വാതന്ത്ര്യദിന അവധി: പ്രത്യേക ട്രെയിനുകൾ സർവിസ് നടത്തും

പാലക്കാട്: സ്വാതന്ത്ര്യദിന അവധി ദിവസങ്ങളിൽ തിരക്ക് ഒഴിവാക്കാൻ മംഗളൂരു ജങ്ഷനും തിരുവനന്തപുരം നോർത്തിനും ഇടയിൽ പ്രത്യേക ട്രെയിനുകൾ സർവിസ് നടത്തും.

ട്രെയിൻ നമ്പർ 06041 മംഗളൂരു ജങ്ഷൻ-തിരുവനന്തപുരം നോർത്ത് ദ്വൈവാര സ്പെഷൽ എക്സ്പ്രസ് 14, 16 തീയതികളിൽ രാത്രി 7.30ന് മംഗളൂരു ജങ്ഷനിൽനിന്ന് പുറപ്പെട്ട് അടുത്തദിവസം രാവിലെ എട്ടിന് തിരുവനന്തപുരം നോർത്തിൽ എത്തും.

ട്രെയിൻ നമ്പർ 06042 തിരുവനന്തപുരം നോർത്ത്-മംഗളൂരു ജങ്ഷൻ ദ്വൈവാര സ്പെഷൽ എക്സ്പ്രസ് 15, 17 തീയതികളിൽ വൈകീട്ട് 5.15ന് തിരുവനന്തപുരം നോർത്തിൽ നിന്ന് പുറപ്പെട്ട് അടുത്ത ദിവസം രാവിലെ 6.30ന് മംഗളൂരു ജങ്ഷനിലും എത്തിച്ചേരും.