ചില ക്രിമിനലുകൾ മുഖ്യമന്ത്രിയെ തെറ്റിദ്ധരിപ്പിക്കാൻ ശ്രമിച്ചു: സെൻകുമാർ

തിരുവനന്തപുരം: പൊലീസിൽ റാങ്ക്​ അനുസരിച്ച്​ ക്രിമിനലുകൾ കൂടുന്നുവെന്ന്​ ഡി.ജി.പി സെൻകുമാർ. സിവിൽ പൊലീസ്​ ഒാഫീസർ തലത്തിൽ ഒരു ശതമാനം പേർ ക്രിമിനലുകളാണെങ്കിൽ ​െഎ.പി. എസ്​ തലത്തിലെത്തു​േമ്പാൾ അത്​ നാല്​-അഞ്ച്​ ശതമാനമാകുന്നുവെന്ന്​ സെൻകുമാർ പറഞ്ഞു. വിരമിക്കൽ ദിവസത്തിൽ പേ​രൂ​ർ​ക്ക​ട എ​സ്.​എ.​പി പ​രേ​ഡ് ഗ്രൗ​ണ്ടി​ൽ സേനാംഗങ്ങൾ നൽകിയ വിടവാങ്ങൽ പരേഡിനു ശേഷം സംസാരിക്കുകയായിരുന്നു അദ്ദേഹം. 

പൊലീസ്​ രാഷ്​ട്രീയ നിഷ്​പക്ഷത പാലിക്കണ​െമന്ന്​ പറഞ്ഞ സെൻകുമാർ, രണ്ടാമത്​ ഡി.ജി.പിയായ ശേഷം മുഖ്യമന്ത്രിയും താനും നല്ല സ്വരത്തിൽ തന്നെയായിരുന്നെന്നും ക്രിമിനൽ സ്വഭാവമുള്ള ചില ഉദ്യോഗസ്ഥർ മുഖ്യമന്ത്രിയെ തെറ്റിദ്ധരിപ്പിക്കാൻ ​ശ്രമിക്കുകയായിരുന്നു​െവന്നും പറഞ്ഞു. മതതീവ്രവാദവും ഇടതുപക്ഷ തീവ്രവാദവുമാണ്​ നാം നേരിടുന്ന ഏറ്റവും വലിയ പ്രശ്​നം. സ്​ത്രീകളോടും കുട്ടികളോടും പെരുമാറാൻ നാം പഠിക്കണം. 

പൊലീസുകാർ ആദ്യം നിയമം പാലിച്ചി​േട്ട മറ്റുള്ളവരെ അതിന്​ നിർബന്ധിക്കാവൂ. ​െപാലിസിനു പുറത്ത്​ മറ്റു വിഭാഗങ്ങളിലും താൻ ജോലി ചെയ്​തിട്ടുണ്ട്​. അവിടെ നിന്ന്​ ലഭിച്ച അനുഭവങ്ങൾ സർവീസിൽ ഗുണകരമായിട്ടുണ്ട്​. പൊലീസിൽ മാത്രം ജോലിചെയ്യുന്നവർ കൂപമണ്ഡൂകങ്ങളാണ്​. കുളത്തിലെ മണ്ഡൂകമാകാനെങ്കിലും ശ്രമിക്കണമെന്നും അദ്ദേഹം പറഞ്ഞു.
 
നിയമ വിരുദ്ധമായ ഒരു കാര്യവും താൻ ഇതുവരെ ചെയ്​തിട്ടി​​ല്ലെന്നും അത്തരം ആവശ്യങ്ങൾക്കായി വാക്കാലോ അല്ലാതെയോ നിർദേശം നൽകിയിട്ടില്ലെന്നും അദ്ദേഹം പറഞ്ഞു. വിരമിക്കലിനു ശേഷം താൻ കൂടുതൽ സ്വതന്ത്രനാവുകയാണെന്നും അദ്ദേഹം കൂട്ടിച്ചേർത്തു. വൈ​കീ​ട്ട്​ നാ​ലി​നാ​ണ്​ അ​ധി​കാ​ര​കൈ​മാ​റ്റം.  പൊ​ലീ​സ് ആ​സ്ഥാ​ന​ത്ത് ന​ട​ക്കു​ന്ന ച​ട​ങ്ങി​ൽ സെ​ൻ​കു​മാ​റി​ൽ​നി​ന്ന് ലോ​ക്നാ​ഥ് ​െബ​ഹ്റ സം​സ്ഥാ​ന പൊ​ലീ​സ് മേ​ധാ​വി സ്ഥാ​നം ഏ​റ്റെ​ടു​ക്കും.