കെട്ടിട നിർമാണ മേഖലയിൽ ആദായനികുതി പരിശോധന; 150 കോടിയുടെ നികുതി വെട്ടിപ്പ് കണ്ടെത്തി

കോ​ഴി​ക്കോ​ട്: കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ലെ ​കെ​ട്ടി​ട നി​ർ​മാ​താ​ക്ക​ളു​ടെ​യും ക​രാ​റു​കാ​രു​ടെ​യും ആ​ർ​കി​ടെ​ക്റ്റു​ക​ളു​ടെ​യും ഓ​ഫി​സി​ലും വീ​ടു​ക​ളി​ലും ആ​ദാ​യ​നി​കു​തി വ​കു​പ്പ് ന​ട​ത്തി​യ പ​രി​ശോ​ധ​ന​യി​ൽ 150 കോ​ടി​യു​ടെ നി​കു​തി​വെ​ട്ടി​പ്പ് ക​ണ്ടെ​ത്തി.

ബ​ന്ധ​പ്പെ​ട്ട സ്ഥാ​പ​ന​ങ്ങ​ളു​ടെ ബം​ഗ​ളൂ​രു​വി​ലെ​യും സം​സ്ഥാ​ന​ത്തെ മ​റ്റി​ട​ങ്ങ​ളി​ലെ​യും കേ​ന്ദ്ര​ങ്ങ​ളി​ൽ ഒ​രേ​സ​മ​യം പ​രി​ശോ​ധ​ന ന​ട​ന്നു. മ​ഞ്ചേ​രി​യി​ലെ വീ​ട്ടി​ൽ​നി​ന്ന് ക​ണ​ക്കി​ൽ​പെ​ടാ​ത്ത 15 കോ​ടി രൂ​പ​യും മ​റ്റ് വീ​ടു​ക​ളി​ൽ നി​ന്നാ​യി മൂ​ന്ന് കോ​ടി​യും ക​ണ്ടെ​ടു​ത്തെ​ന്ന് ആ​ദാ​യ​നി​കു​തി അ​ന്വേ​ഷ​ണ വി​ഭാ​ഗം അ​റി​യി​ച്ചു.

നി​ർ​മാ​ണ മേ​ഖ​ല​യി​ലെ ഏ​റ്റ​വും വ​ലി​യ പ​രി​ശോ​ധ​ന​യാ​ണി​തെ​ന്നും സ​മീ​പ​കാ​ല​ത്ത് ഇ​ത്ര​യു​മ​ധി​കം പ​ണം പി​ടി​കൂ​ടി​യി​ട്ടി​ല്ലെ​ന്നും അ​ധി​കൃ​ത​ർ പ​റ​ഞ്ഞു. വീ​ട്ടി​ൽ പ്ര​ത്യേ​ക ലോ​ക്ക​റി​ൽ സൂ​ക്ഷി​ച്ച നി​ല​യി​ലാ​യി​രു​ന്നു പ​ണം. കോ​ഴി​ക്കോ​ട്ടെ പ​രി​ശോ​ധ​ന​യി​ൽ സ​ഹ​ക​ര​ണ ബാ​ങ്കു​ക​ളി​ല​ട​ക്കം ക​ണ​ക്കി​ൽ വ​രാ​ത്ത പ​ണം നി​ക്ഷേ​പി​ച്ച രേ​ഖ​ക​ളും ക​ണ്ടെ​ത്തി​യെ​ന്ന് അ​ദാ​യ​നി​കു​തി കേ​ന്ദ്ര​ങ്ങ​ൾ വ്യ​ക്ത​മാ​ക്കി. ഫ​ർ​ണി​ച്ച​ർ വ്യാ​പാ​ര​മ​ട​ക്കം 10ലേ​റെ സ്ഥാ​പ​ന​ങ്ങ​ളി​ലാ​ണ് പ​രി​ശോ​ധ​ന ന​ട​ന്ന​ത്.

നി​ർ​മാ​ണ​മേ​ഖ​ല​യി​ൽ വ​ലി​യ തോ​തി​ൽ ക്ര​മ​ക്കേ​ടും നി​കു​തി​വെ​ട്ടി​പ്പും ന​ട​ക്കു​ന്ന​താ​യ സം​ശ​യ​ത്തി​ന്റെ അ​ടി​സ്ഥാ​ന​ത്തി​ലാ​യി​രു​ന്നു ന​ട​പ​ടി. ഉ​പ​ഭോ​ക്താ​ക്ക​ളു​ടെ പ​ട്ടി​ക​ക​ളും ഉ​ദ്യോ​ഗ​സ്ഥ​ർ പി​ടി​ച്ചെ​ടു​ത്തി​ട്ടു​ണ്ട്. ഇ​ത​നു​സ​രി​ച്ച് അ​ന്വേ​ഷ​ണം വ്യാ​പി​പ്പി​ക്കും.