ഡോക്ടർ എഴുതിയത് കാ​ൾ​പോ​ൾ സിറപ്പ്, മെ​ഡി​ക്ക​ൽ ഷോ​പ്പി​ൽ​നി​ന്ന് നിന്ന് നൽകിയത് കാ​ൾ​പോ​ൾ ഡ്രോ​പ്സ്; എട്ടുമാസം പ്രായമുള്ള കുഞ്ഞ് അപകടനില തരണം ചെയ്തു

പ​ഴ​യ​ങ്ങാ​ടി(കണ്ണൂർ): പീ​ഡി​യാ​ട്രീ​ഷ​ൻ കു​റി​ച്ച മ​രു​ന്നി​നു പ​ക​രം വീ​ര്യം​കൂ​ടി​യ മ​രു​ന്ന് മാ​റി ന​ൽ​കി​ ഗുരുതരാവസ്ഥയിൽ ഐ.സി.യുവിൽ കഴിയുന്ന എട്ടു മാസം പ്രായമുള്ള കുഞ്ഞ് അ​പ​ക​ട​നി​ല ത​ര​ണം​ചെ​യ്തതായി റിപ്പോർട്ട്. ​കണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ നിരീക്ഷണത്തിലാണ് കുട്ടി.

സം​ഭ​വ​ത്തി​ൽ പ​ഴ​യ​ങ്ങാ​ടി ടൗ​ണി​ലെ ഖ​ദീ​ജ മെ​ഡി​ക്ക​ൽ​സി​നെ​തി​രെ പൊ​ലീ​സ് കേ​സെ​ടു​ത്തിരുന്നു. ചെ​റു​കു​ന്ന് പൂ​ങ്കാ​വി​ലെ ഇ.​പി. സ​മീ​റി​ന്റെ മ​ക​ൻ എ​ട്ട് മാ​സം പ്രാ​യ​മു​ള്ള മു​ഹ​മ്മ​ദാ​ണ് മ​രു​ന്ന് മാ​റി​യ​തി​നെ തു​ട​ർ​ന്ന് ക​ര​ളി​ന് അ​സു​ഖം ബാ​ധി​ച്ച് ഗു​രു​ത​രാ​വ​സ്ഥ​യി​ലാ​യ​ത്. ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാണ് കുട്ടി.

ഇ​ക്ക​ഴി​ഞ്ഞ എ​ട്ടി​നാ​ണ് പ​നി ബാ​ധി​ച്ച കു​ട്ടി​യെ പ​ഴ​യ​ങ്ങാ​ടി​യി​ലെ പീ​ഡി​യാ​ട്രീ​ഷ​നെ കാ​ണി​ച്ച​ത്. കാ​ൾ​പോ​ൾ (പാ​ര​സെ​റ്റ​മോ​ൾ) സി​റ​പ്പ് മ​രു​ന്നാ​ണ് ഡോ​ക്ട​ർ കു​റി​ച്ച​തെ​ങ്കി​ലും മെ​ഡി​ക്ക​ൽ ഷോ​പ്പി​ൽ​നി​ന്ന് അ​ധി​ക ഡോ​സി​ലു​ള്ള കാ​ൾ​പോ​ൾ ഡ്രോ​പ്സാ​ണ് ന​ൽ​കി​യ​ത്. വീ​ണ്ടും പീ​ഡി​യാ​ട്രീ​ഷ​നെ കാ​ണി​ച്ച​പ്പോ​ഴാ​ണ് മ​രു​ന്ന് മാ​റി​ന​ൽ​കി​യ​താ​യി ക​ണ്ടെ​ത്തി​യ​ത്.

കു​ട്ടി​യു​ടെ ര​ക്ത​പ​രി​ശോ​ധ​ന ന​ട​ത്തി​യ ശേ​ഷം പീ​ഡി​യാ​ട്രീ​ഷ​ന്റെ നി​ർ​ദേ​ശാ​നു​സ​ര​ണം അ​ടി​യ​ന്ത​ര ചി​കി​ത്സ​ക്കാ​യി ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. കു​ട്ടി​യു​ടെ പി​തൃ​സ​ഹോ​ദ​ര​ൻ ഇ.​പി. അ​ഷ്റ​ഫി​ന്റെ പ​രാ​തി​യി​ൽ പ​ഴ​യ​ങ്ങാ​ടി പൊ​ലീ​സ് മെ​ഡി​ക്ക​ൽ ഷോ​പ്പി​നെ​തി​രെ കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.

ഡ്ര​ഗ്സ് ക​ൺ​ട്രോ​ൾ വ​കു​പ്പ് ഉ​ദ്യോ​ഗ​സ്ഥ​ർ മെ​ഡി​ക്ക​ൽ​സി​ൽ പ​രി​ശോ​ധ​ന ന​ട​ത്തി. രാ​വി​ലെ ആ​രം​ഭി​ച്ച പ​രി​ശോ​ധ​ന വൈ​കീ​ട്ടു​വ​രെ നീ​ണ്ടു​നി​ന്നു. ഡ്ര​ഗ്സ് ഇ​ൻ​സ്പെ​ക്ട​ർ പി.​എം. സ​ന്തോ​ഷ്, ഡ്ര​ഗ്സ് ഇ​ൻ​സ്പെ​ക്ട​ർ ഇ​ന്റ​ലി​ജ​ൻ​സ് ബ്രാ​ഞ്ച് ഇ.​എ​ൻ. ബി​ജി​ൻ തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന.