Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്​ഥലം സംഭാവന...

സ്​ഥലം സംഭാവന നൽകിയവ​െ​ര വിസ്​മരിച്ചു, ത​ർ​ക്കം: അം​ഗ​ൻ​വാ​ടി ഉദ്​ഘാടനത്തിന്​ വന്ന എം.എൽ.എ അടക്കമുള്ളവർ മടങ്ങിപ്പോയി

text_fields
bookmark_border
സ്​ഥലം സംഭാവന നൽകിയവ​െ​ര വിസ്​മരിച്ചു, ത​ർ​ക്കം: അം​ഗ​ൻ​വാ​ടി ഉദ്​ഘാടനത്തിന്​ വന്ന എം.എൽ.എ അടക്കമുള്ളവർ മടങ്ങിപ്പോയി
cancel
camera_alt

അ​ന്തി​ക്കാ​ട് ക​ല്ലി​ട​വ​ഴി​ ഉ​ഷ​സ് അം​ഗ​ൻ​വാ​ടി​ കെട്ടിടം

അ​ന്തി​ക്കാ​ട്: ഗ്രാ​മ​പ​ഞ്ചാ​യ​ത്തി​ലെ ആ​റാം വാ​ർ​ഡി​ലെ ക​ല്ലി​ട​വ​ഴി​യി​ലെ ഉ​ഷ​സ് അം​ഗ​ൻ​വാ​ടി​യു​ടെ പു​തി​യ കെ​ട്ടി​ടോ​ദ്ഘാ​ട​ന​വും, 2010 -2015 വ​ർ​ഷ​ത്തെ ഭ​ര​ണ സ​മി​തി അം​ഗ​ങ്ങ​ളെ ആ​ദ​രി​ക്കു​ന്ന ച​ട​ങ്ങും ത​ർ​ക്ക​ത്തെ തു​ട​ർ​ന്ന് മാ​റ്റി​വെ​ച്ചു.

ഉ​ദ്ഘാ​ട​ന​ത്തി​നാ​യി സി. ​മു​കു​ന്ദ​ൻ എം.​എ​ൽ.​എ​യും പ​ഞ്ചാ​യ​ത്ത് പ്ര​സി​ഡ​ൻ​റ് ജ്യോ​തി രാ​മ​ൻ ഉ​ൾ​പ്പെ​ടെ​യു​ള്ള ജ​ന​പ്ര​തി​നി​ധി​ക​ളും, 2010 -2015 വ​ർ​ഷ​ത്തെ മെം​ബ​ർ​മാ​രും എ​ത്തി​യി​ട്ടും ത​ർ​ക്ക​ത്തെ തു​ട​ർ​ന്ന് ച​ട​ങ്ങ് ന​ട​ത്താ​നാ​വാ​തെ എം.​എ​ൽ.​എ അ​ട​ക്കം മ​ട​ങ്ങു​ക​യാ​യി​രു​ന്നു. ഞാ​യ​റാ​ഴ്ച ഉ​ച്ച​ക്ക് ര​ണ്ടി​നാ​ണ് ഉ​ദ്ഘാ​ട​നം നിശ്ചയിച്ചിരുന്നത്.

32 വ​ർ​ഷം മു​മ്പേ അം​ഗ​ൻ​വാ​ടി കെ​ട്ടി​ടം പ​ണി​യാ​നാ​യി മൂ​ന്ന് സെൻറ് സ്ഥ​ലം സൗ​ജ​ന്യ​മാ​യി കൊ​ച്ച​ത്ത് ചാ​ത്തു -പാ​റു എ​ന്നി​വ​രു​ടെ സ്മ​ര​ണ​ക്കു വേ​ണ്ടി​യാ​യി​രു​ന്നു ന​ൽ​കി​യ​ത്.

ഇ​വി​ടെ നി​ല​നി​ന്നി​രു​ന്ന കെ​ട്ടി​ടം 2018ലെ ​പ്ര​ള​യ​കാ​ല​ത്ത് കേ​ടു​പാ​ടു​ക​ൾ സം​ഭ​വി​ച്ചി​രു​ന്നു. തു​ട​ർ​ന്ന് പ്ര​ള​യ​ബാ​ധി​ത മേ​ഖ​ല​യി​ലെ പു​ന​ര​ധി​വാ​സ​ത്തി​നു വേ​ണ്ടി എം.​പി​യു​ടെ പ്രാ​ദേ​ശി​ക വി​ക​സ​ന ഫ​ണ്ടി​ൽ നി​ന്ന്​ 13,50,000 രൂ​പ ചെ​ല​വ​ഴി​ച്ച് നി​ർ​മി​തി​കേ​ന്ദ്രം പ​ണി​ത കെ​ട്ടി​ട​ത്തി​ൽ കൊ​ച്ച​ത്ത് ചാ​ത്തു -പാ​റു സ്മ​ര​ണ​ക്ക് വേ​ണ്ടി കൊ​ച്ച​ത്ത് കൃ​ഷ്ണ​ൻ സം​ഭാ​വ​ന ചെ​യ്ത സ്ഥ​ലം എ​ന്ന ശി​ലാ​ഫ​ല​കം സ്ഥാ​പി​ക്കാ​ത്ത​തി​നാ​ലാ​ണ് ഉ​ദ്ഘാ​ട​ന ച​ട​ങ്ങ് ന​ട​ത്താ​നാ​വാ​തെ എം.​എ​ൽ.​എ അ​ട​ക്ക​മു​ള്ള​വ​ർ​ക്ക് മ​ട​ങ്ങേ​ണ്ടി​വ​ന്ന​ത്.

സ്ഥ​ലം സം​ഭാ​വ​ന ചെ​യ്ത​വ​ർ ക​ഴി​ഞ്ഞ ദി​വ​സ​ങ്ങ​ളി​ൽ ഇ​ക്കാ​ര്യം സൂ​ചി​പ്പി​ച്ചി​രു​ന്ന​താ​യും അ​റി​യു​ന്നു. ബ​ന്ധ​പ്പെ​ട്ട​വ​രു​ടെ പി​ടി​പ്പു​കേ​ടും ത​ർ​ക്ക​വു​മാ​ണ് സം​ഭ​വ​ത്തി​ന് കാ​ര​ണ​മാ​യ​ത്.

വി​ദ്യാ​ല​യ​ങ്ങ​ൾ തു​റ​ക്ക​നാ​യി സ​ർ​ക്കാ​ർ ഒ​രു​ക്കം ന​ട​ത്തു​ന്ന സ​മ​യ​ത്ത് അം​ഗ​ൻ​വാ​ടി​യി​ൽ ഇ​ത്ത​രം സം​ഭ​വ​ങ്ങ​ൾ ഉ​ണ്ടാ​യ​തി​ൽ അ​ന്തി​ക്കാ​ട് മ​ണ്ഡ​ലം കോ​ൺ​ഗ്ര​സ് ക​മ്മി​റ്റി​ക്ക് പ്ര​തി​ഷേ​ധ​മു​ണ്ടെ​ന്ന് മ​ണ്ഡ​ലം പ്ര​സി​ഡ​ൻ​റ് വി.​കെ. മോ​ഹ​ൻ പ​റ​ഞ്ഞു.

Show Full Article
TAGS:inauguration anganwadi 
News Summary - inauguration of Anganwadi was canceled
Next Story