Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅ​ല​ക്ഷ്യ​മാ​യ...

അ​ല​ക്ഷ്യ​മാ​യ ഡ്യൂ​ട്ടി​ കോവിഡ്​​ രോ​ഗി​ക​ള്‍ വ​ർ​ധി​ക്കാ​നി​ട​യാ​ക്കി​യെ​ന്ന്​;​ പൊലീസുകാർക്ക്​​ മെ​മ്മോ

text_fields
bookmark_border
അ​ല​ക്ഷ്യ​മാ​യ ഡ്യൂ​ട്ടി​ കോവിഡ്​​ രോ​ഗി​ക​ള്‍ വ​ർ​ധി​ക്കാ​നി​ട​യാ​ക്കി​യെ​ന്ന്​;​ പൊലീസുകാർക്ക്​​ മെ​മ്മോ
cancel

തി​രു​വ​ന​ന്ത​പു​രം: കോ​വി​ഡ് പോ​സി​റ്റി​വ്​ എ​ണ്ണം കൂ​ടി​യാ​ല്‍ അ​ത​ത് സ്ഥ​ല​ങ്ങ​ളി​ലെ പൊ​ലീ​സ് ഉ​ദ്യോ​ഗ​സ്ഥ​ര്‍ക്ക് മെ​മ്മോ. തി​രു​വ​ന​ന്ത​പു​രം റൂ​റ​ല്‍ പൊ​ലീ​സ് സ്​​റ്റേ​ഷ​നി​ലെ ചി​ല പൊ​ലീ​സ് ഉ​ദ്യോ​ഗ​സ്ഥ​ര്‍ക്കാ​ണ് മെ​മ്മോ ല​ഭി​ച്ച​ത്.

കേ​സു​ക​ള്‍ കൂ​ടു​ത​ലാ​യി റി​പ്പോ​ര്‍ട്ട് ചെ​യ്യ​പ്പെ​ടു​ന്ന സ്ഥ​ല​ത്തെ പൊ​ലീ​സ് സ്​​റ്റേ​ഷ​നു​ക​ളി​ലെ സ്​​റ്റേ​ഷ​ന്‍ ഹൗ​സ് ഓ​ഫി​സ​ര്‍മാ​ര്‍ക്കാ​ണ്​ മെ​മ്മോ ല​ഭി​ച്ച​ത്. ഇ​ത്​ പൊ​ലീ​സ് ഉ​ദ്യോ​ഗ​സ്ഥ​ര്‍ക്കി​ട​യി​ല്‍ അ​മ​ര്‍ഷ​മു​ണ്ടാ​ക്കു​ന്നു. തി​രു​വ​ന​ന്ത​പു​രം റൂ​റ​ലി​ല്‍ അ​ഞ്ചി​ലേ​റെ സ്​​റ്റേ​ഷ​ന്‍ ഹൗ​സ് ഓ​ഫി​സ​ര്‍മാ​ര്‍ക്ക് ര​ണ്ടു ദി​വ​സ​ത്തി​നി​ടെ മെ​മ്മോ ല​ഭി​ച്ചു​ക​ഴി​ഞ്ഞു .

ജ​ന​ങ്ങ​ളെ നി​യ​ന്ത്രി​ക്കാ​ന്‍ ചു​മ​ത​യേ​ൽ​പി​ക്ക​പ്പെ​ട്ട പൊ​ലീ​സു​കാ​രു​ടെ അ​ല​ക്ഷ്യ​മാ​യ ഡ്യൂ​ട്ടി​യാ​ണ് രോ​ഗി​ക​ള്‍ വ​ർ​ധി​ക്കാ​നി​ട​യാ​ക്കി​യ​തെ​ന്നും അ​തി​നാ​ല്‍ ഡ്യൂ​ട്ടി​യി​ൽ ക്യ​ത്യ​വി​ലോ​പ​മു​ണ്ടാ​യെ​ന്നും കാ​ണി​ച്ചാ​ണ് പ​ല​ര്‍ക്കും മെ​മ്മോ ല​ഭി​ച്ച​ത്. മൂ​ന്നു ദി​വ​സ​ത്തി​നു​ള്ളി​ല്‍ കൃ​ത്യ​മാ​യ മ​റു​പ​ടി ന​ല്‍കി​യി​ല്ലെ​ങ്കി​ല്‍ അ​ച്ച​ട​ക്ക ന​ട​പ​ടി സ്വീ​ക​രി​ക്കു​മെ​ന്നാ​ണ് മു​ന്ന​റി​യി​പ്പ്.

പൊ​ലീ​സ് ഓ​ഫി​സ​ര്‍മാ​രു​ടെ വാ​ട്​​സ്​​ആ​പ് ഗ്രൂ​പ്പി​ലും മ​റ്റും മെ​മ്മോ​യെ​ക്കു​റി​ച്ച്​ ച​ര്‍ച്ച ചൂ​ടാ​യ​തോ​ടെ പ​ല ഉ​ദ്യോ​ഗ​സ്ഥ​രും അ​ട​ക്കി​വെ​ച്ച അ​മ​ര്‍ഷം പ​ങ്കു​വെ​ക്കു​ന്ന​താ​യാ​ണ് വി​വ​രം.

മെ​മ്മോ ശി​ക്ഷ​യെ ഭ​യ​ന്നാ​ണ് പ​ല പൊ​ലീ​സ് സ്​​റ്റേ​ഷ​നു​ക​ളി​ലെ​യും ഉ​ദ്യോ​ഗ​സ്ഥ​ര്‍ ക​ണ്ടെ​യ്​​ൻ​മെൻറ്​ സോ​ണു​ക​ളാ​യി പ്ര​ഖ്യാ​പി​ക്കു​ന്ന സ്ഥ​ല​ങ്ങ​ളി​ലെ വാ​ര്‍ഡു​ക​ള്‍ പൂ​ര്‍ണ​മാ​യി അ​ട​ച്ചി​ട്ടും മ​റ്റും ന​ട​പ​ടി ക​ര്‍ശ​ന​മാ​ക്കു​ന്ന​ത്.

നി​ശ്ചി​ത സ​മ​യ​ത്തി​ലും നേ​ര​ത്തേ ക​ട​യ​ട​പ്പി​ച്ചും വ്യാ​പാ​ര​സ്ഥാ​പ​ന​ങ്ങ​ള്‍ തു​റ​ക്കു​ന്ന​തി​ല്‍ ക​ര്‍ശ​ന നി​ബ​ന്ധ​ന​ക​ള്‍ ​െവ​ച്ചു​മാ​ണ് പൊ​ലീ​സ് മെ​മ്മോ ല​ഭി​ക്കാ​തി​രി​ക്കാ​ന്‍ കി​ണ​ഞ്ഞ് ശ്ര​മി​ക്കു​ന്ന​ത്.

അ​തേ സ​മ​യം ഓ​ണ​ക്കാ​ല​മാ​യ​തോ​ടെ പൊ​ലീ​സ് നി​യ​ന്ത്ര​ണ​ത്തി​നെ​തി​രെ പ​ല പ്ര​ദേ​ശ​ങ്ങ​ളി​ലും ജ​ന​ങ്ങ​ള്‍ക്കി​ട​യി​ല്‍ വ്യാ​പ​ക​മാ​യ പ്ര​തി​ഷേ​ധ​മാ​ണ് ഉ​യ​രു​ന്ന​ത്.

ഒ​ന്നാം തീ​യ​തി മു​ത​ല്‍ 15 തീ​യ​തി വ​രെ​യു​ള്ള പോ​സി​റ്റി​വ് രോ​ഗി​ക​ളു​ടെ എ​ണ്ണം നോ​ക്കി​യാ​ണ് ഇ​പ്പോ​ള്‍ മെ​മ്മോ ന​ല്‍കി​ക്കൊ​ണ്ടി​രി​ക്കു​ന്ന​ത്. ആ​രോ​ഗ്യ​മ​ന്ത്രി പോ​ലും സെ​പ്​​റ്റം​ബ​ര്‍ മാ​സ​ത്തി​ല്‍ രോ​ഗി​ക​ളു​ടെ എ​ണ്ണം കൂ​ടു​മെ​ന്ന് കൃ​ത്യ​മാ​യി അ​റി​യി​ക്കു​മ്പോ​ള്‍ രോ​ഗ​ത്തെ ചെ​റു​ത്തു​നി​ര്‍ത്താ​ന്‍ ത​ങ്ങ​ള്‍ക്കെ​ങ്ങ​നെ ക​ഴി​യു​മെ​ന്നാ​ണ് പൊ​ലീ​സ് ഉ​ദ്യോ​ഗ​സ്ഥ​ര്‍ ചോ​ദി​ക്കു​ന്ന​ത്. മെ​മ്മോ​യെ കു​റി​ച്ച് പ​ര​സ്യ​മാ​യി പ്ര​തി​ക​രി​ക്കാ​ന്‍ മെ​മ്മോ ല​ഭി​ച്ച​വ​രാ​രും ത​യാ​റാ​യി​ട്ടി​ല്ല. താ​ഴെ​ക്കി​ട​യി​ലെ ചി​ല പൊ​ലീ​സു​കാ​ര്‍ക്കി​ട​യി​ലെ ച​ര്‍ച്ച വ​ഴി​യാ​ണ് മെ​മ്മോ വി​വ​രം പു​റ​ത്താ​യ​ത്.

Show Full Article
TAGS:police covid-19 memo 
Next Story