Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപാണത്തൂർ അപകടം:...

പാണത്തൂർ അപകടം: ഏറ്റവും അടുത്ത ആശുപത്രിയിലേക്ക്​ 40 കി.​മീ ദൂ​രം

text_fields
bookmark_border
പാണത്തൂർ അപകടം: ഏറ്റവും അടുത്ത ആശുപത്രിയിലേക്ക്​ 40 കി.​മീ ദൂ​രം
cancel
camera_alt

പാ​ണ​ത്തൂ​രി​ൽ ബ​സ​പ​ക​ട​ത്തി​ൽ​ പ​രി​ക്കേ​റ്റ​വ​രെ കാ​ഞ്ഞ​ങ്ങാ​ട്​​ ജി​ല്ല ആ​ശു​പ​ത്രി​യി​​ലെത്തി​ച്ചപ്പോൾ

കാ​സ​ർ​കോ​ട്​: പി​ന്നാ​ക്ക​മെ​ന്ന്​ പ​റ​ഞ്ഞു പ​ഴ​കി​യ ജി​ല്ല​യി​ൽ ജീ​വ​ൻ ര​ക്ഷാ സൗ​ക​ര്യ​ങ്ങ​ളു​ടെ അ​പ​ര്യാ​പ്​​ത​ത വീ​ണ്ടും ച​ർ​ച്ച​യാ​കു​ന്നു. മലയോരവാസികൾക്ക്​ അൽപമെങ്കിലും സൗകര്യമുള്ള ഏറ്റവും അടുത്ത ആശുപത്രി എന്നു പറയാവുന്നത്​ 40 കി.​മീ ദൂ​രെയുള്ള കാ​ഞ്ഞ​ങ്ങാ​ട്​ ജി​ല്ല ആ​ശു​പ​ത്രി​യാണ്​. ​ഗു​രു​ത​ര​മാ​ണെ​ങ്കി​ൽ മം​ഗ​ളൂ​രു അ​ല്ലെ​ങ്കി​ൽ പ​രി​യാ​ര​ത്തെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ്​ മാ​ത്ര​മാ​ണ്​ ആ​ശ്ര​യം.

പു​തു​വ​ർ​ഷം പി​റ​ന്ന്​ മൂ​ന്നാം നാ​ൾ പാണത്തൂരിൽ ന​ട​ന്ന ബ​സ​പ​ക​ട​ത്തി​ൽ ഏ​ഴു ജീ​വ​നു​ക​ളാ​ണ്​ ജി​ല്ല​യു​ടെ റോ​ഡി​ൽ പൊ​ലി​ഞ്ഞ​ത്. വി​വാ​ഹ​ത്തി​െൻറ സ​ന്തോ​ഷ​​മെ​ത്തേ​ണ്ട വീ​ടു​ക​ളി​ൽ മൃ​ത​ദേ​ഹ​ങ്ങ​ളാ​ണെ​ത്തി​യ​ത്. മ​ല​യോ​ര​ത്ത്​ എ​വി​ടെ വ​ലി​യ അ​പ​ക​ടം സം​ഭ​വി​ച്ചാ​ലും ഇ​നി​യും ഇ​ത്ത​രം മ​ര​ണ​നി​ര​ക്ക്​ കേ​ൾ​ക്കേ​ണ്ടി വ​രു​മെ​ന്ന്​ പ്ര​ദേ​ശ​വാ​സി​ക​ൾ പ​റ​യു​ന്നു.

ക​ള്ളാ​ർ, രാ​ജ​പു​രം, പ​ന​ത്ത​ടി, ബ​ളാ​ൽ ഉ​ൾ​പ്പെ​ടെ പ​ഞ്ചാ​യ​ത്തു​ക​ളി​ൽ നി​ന്നും അ​തി​വി​ദ​ഗ്​​ധ വൈ​ദ്യ​സ​ഹാ​യം തേ​ടാ​ൻ കി​ലോ​മീ​റ്റ​റു​ക​ൾ സ​ഞ്ച​രി​ക്കേ​ണ്ട സ്​​ഥി​തി​യാ​ണ്. ഞാ​യ​റാ​ഴ്​​ച ഭ​ര​ണ​കൂ​ട​വും ഉ​ദ്യോ​ഗ​സ്​​ഥ​രും വ​ള​രെ വേ​ഗം കാ​ര്യ​ങ്ങ​ൾ നീ​ക്കി​യെ​ങ്കി​ലും പൊ​ലി​ഞ്ഞ ജീ​വ​നു​ക​ൾ​ക്ക്​ പ​ക​രം കു​ടും​ബ​ങ്ങ​ൾ​ക്ക്​ എ​ന്തു ന​ൽ​കു​മെ​ന്ന ചോ​ദ്യം ബാ​ക്കി​യാ​ണ്.

ഇ​വി​ട​ങ്ങ​ളി​ൽ നി​ന്നും ക​ർ​ണാ​ട​ക ഭാ​ഗ​ത്തേ​ക്ക്​ പോ​യി​ട്ടും കാ​ര്യ​മി​ല്ല. മി​ക​ച്ച ചി​കി​ത്സ ല​ഭി​ക്ക​ണ​​മെ​ങ്കി​ൽ ബം​ഗ​ളൂ​രു​വി​ലെ​ത്ത​ണം. മം​ഗ​ളൂ​രു​വി​ലേ​ക്ക്​ പോ​ക​ണ​മെ​ങ്കി​ൽ കേ​ര​ളം വ​ഴി ത​ന്നെ പോ​ക​ണം. പൂ​ടം​ക​ല്ല്​ താ​ലൂ​ക്ക്​ ആ​ശു​പ​ത്രി​യാ​യി ഉ​യ​ർ​ത്തി​യെ​ങ്കി​ലും സൗ​ക​ര്യ​ങ്ങ​ൾ അ​പ​ര്യാ​പ്​​ത​മാ​ണ്.

ക​ർ​ണാ​ക പു​ത്തൂ​രി​ൽ​നി​ന്ന്​ ക​ർ​ണാ​ട​ക​യി​ലെ ത​ന്നെ ക​രി​ക്കെ​യി​ലെ​ക്ക്​ വി​വാ​ഹ ച​ട​ങ്ങി​ൽ പ​​ങ്കെ​ടു​ക്കാ​ൻ പാ​ണ​ത്തൂ​ർ പ​രി​യാ​രം വ​ഴി പോ​ക​വെ​യാ​ണ് ബ​സ്​ വീ​ടി​നു മു​ക​ളി​ലേ​ക്ക്​ മ​റി​ഞ്ഞ്​ ഏ​ഴു പേ​ർ മ​രി​ച്ച​ത്. ഇ​റ​ക്ക​ത്തി​ൽ നി​യ​ന്ത്ര​ണം​വി​ട്ട്​ റോ​ഡ​രി​കി​ലെ ക​മ്യൂ​ണി​റ്റി ഹാ​ളി​ൽ ഇ​ടി​ച്ച​ശേ​ഷം തൊ​ട്ട​ടു​ത്ത ആ​ൾ​ത്താ​മ​സ​മി​ല്ലാ​ത്ത വീ​ടി​ന്​ മു​ക​ളി​ലേ​ക്ക്​ പ​തി​ക്കു​ക​യാ​യി​രു​ന്നു.

Show Full Article
TAGS:panathur bus accident kasarkod pabnathur 
News Summary - Inadequate life support facilities in kasarkod
Next Story