മു​ണ്ട​ക്കൈ ദു​ര​ന്ത​ത്തി​ല്‍ മൃതദേഹങ്ങള്‍ കണ്ടെത്തി വിവരം നല്‍കിയത് ആദിവാസികള്‍

എ​ട​ക്ക​ര: മു​ണ്ട​ക്കൈ ദു​ര​ന്ത​ത്തി​ല്‍ ചാ​ലി​യാ​റി​ലൂ​ടെ ഒ​ഴു​കി​വ​ന്ന ഇ​രു​പ​തോ​ളം മൃ​ത​ദേ​ഹ​ങ്ങ​ള്‍ ക​ണ്ടെ​ത്തി അ​ധി​കൃ​ത​ര്‍ക്ക് വി​വ​രം ന​ല്‍കി​യ​ത് ആ​ദി​വാ​സി​ക​ള്‍. ദു​ര​ന്തം ന​ട​ന്ന ബു​ധ​നാ​ഴ്ച പു​ല​ര്‍ച്ചെ ര​ണ്ടി​ന് വാ​ണി​യം​പു​ഴ​യി​ലെ ആ​ദി​വാ​സി​ക​ളാ​ണ് ഒ​ഴു​കി​യെ​ത്തി​യ മൃ​ത​ദേ​ഹം ആ​ദ്യം ക​ണ്ട​ത്. ഇ​വ​ർ തീ​വ്ര​വാ​ദ വി​രു​ദ്ധ സേ​സ​ന​യി​ലെ ഉ​ദ്യോ​ഗ​സ്ഥ​നെ അ​റി​യി​ച്ചു. ഇ​ദ്ദേ​ഹ​മാ​ണ് ചാ​ലി​യാ​റി​ലൂ​ടെ മൃ​ത​ദേ​ഹ​ങ്ങ​ള്‍ ഒ​ഴു​കി​യെ​ത്തു​ന്നു​ണ്ടെ​ന്ന വി​വ​രം പു​റം​ലോ​ക​ത്തെ അ​റി​യി​ച്ച​ത്.

മ​ല​വെ​ള്ള​പ്പാ​ച്ചി​ലി​ല്‍ ചാ​ലി​യാ​റി​ന്റെ തീ​ര​ങ്ങ​ളി​ല​ടി​ഞ്ഞ മ​ത്സ്യ​ങ്ങ​ള്‍ പെ​റു​ക്കി​യെ​ടു​ക്കാ​ന്‍ പോ​യ​വ​രാ​യി​രു​ന്നു മൃ​ത​ദേ​ഹം ക​ണ്ട​ത്. തു​ട​ര്‍ന്ന് ഇ​വ​ര്‍ പു​ഴ​യു​ടെ വി​വി​ധ ഭാ​ഗ​ങ്ങ​ളി​ലും മ​ല​വെ​ള്ളം ക​യ​റി​യൊ​ഴു​കി​യ വ​ന​മേ​ഖ​ല​യി​ലും തി​ര​ച്ചി​ല്‍ ന​ട​ത്തി നി​ര​വ​ധി മൃ​ത​ദേ​ഹ​ങ്ങ​ള്‍ ക​ണ്ടെ​ടു​ത്തു. തി​ങ്ക​ളാ​ഴ്ച പു​ഴ​യി​ല്‍ കു​ളി​ക്കാ​നി​റ​ങ്ങി​യ ആ​ദി​വാ​സി യു​വാ​വ് ശ​രീ​ര​ഭാ​ഗം ക​ണ്ടെ​ത്തി​യി​രു​ന്നു.

ചൊ​വ്വാ​ഴ്ച രാ​വി​ലെ കു​മ്പ​ള​പ്പാ​റ ന​ഗ​റി​ലെ ദേ​വ​ന്‍ പു​ഴ​യോ​ര​ത്തെ മ​ണ​ല്‍തി​ട്ട​യി​ല്‍ നി​ന്ന് ഒ​രു കാ​ലും ക​ണ്ടെ​ത്തി. എ​ട്ട് ദി​വ​സ​മാ​യി ന​ട​ക്കു​ന്ന തി​ര​ച്ചി​ലി​ല്‍ മൃ​ത​ദേ​ഹ​ങ്ങ​ള്‍ ക​ണ്ടെ​ത്തി വി​വ​ര​ങ്ങ​ള്‍ കൈ​മാ​റാ​ന്‍ ഇ​രു​ട്ടു​കു​ത്തി, ത​രി​പ്പ​പ്പൊ​ട്ടി, വാ​ണി​യം​പു​ഴ, കു​മ്പ​ള​പ്പാ​റ ന​ഗ​റു​ക​ളി​ലെ ആ​ദി​വാ​സി​ക​ള്‍ ര​ക്ഷാ​പ്ര​വ​ര്‍ത്ത​ക​രെ​യും ഉ​ദ്യോ​ഗ​സ്ഥ​രെ​യും വ​ള​രെ​യ​ധി​കം സ​ഹാ​യി​ച്ചു.