മലപ്പുറം ജില്ലയിൽ ഞായറാഴ്ചകളിലെ അധിക നിയന്ത്രണം ഒഴിവാക്കി

മലപ്പുറം: ജില്ലയിൽ ഞായറാഴ്ചകളിൽ ഏർപ്പെടുത്തിയിരുന്ന അധിക നിയന്ത്രണം ഉണ്ടാകില്ല. മറ്റ് ജില്ലകളിലേതിന്​ സമാനമായ നിയന്ത്രണങ്ങൾ മാത്രമേ ഇനി ഉണ്ടാവൂ.

മലപ്പുറം ജില്ലയിൽ ടെസ്റ്റ്​ പോസിറ്റിവിറ്റി നിരക്ക്​ ശനിയാഴ്ച 12.34 ശതമാനമായി കുറഞ്ഞിരുന്നു. ഈ സാഹചര്യത്തിൽ​ മേയ് 30 മുതൽ മലപ്പുറത്തെ ട്രിപ്പിൾ ലോക്​ഡൗൺ ഒഴിവാക്കിയിട്ടുണ്ട്​.

അതേസമയം, ലോക്​ഡൗൺ തുടരുമെന്നും കർശന നിയന്ത്രണങ്ങൾ ഉണ്ടാകുമെന്നും മുഖ്യമന്ത്രി വ്യക്തമാക്കിയിരുന്നു​. മേയ് 21ന് 28.75 ശതമാനമായിരുന്ന ജില്ലയിലെ കോവിഡ് ടെസ്റ്റ് പോസിറ്റീവിറ്റി നിരക്ക് 23ന് 31.53 ശതമാനത്തിലേക്ക് ഉയർന്നിരുന്നു.