എന്തൊരു ചൂട്...രാ​ജ്യ​ത്തെ ഏ​റ്റ​വും ഉ​യ​ർ​ന്ന ചൂ​ട് ക​ണ്ണൂ​രി​ൽ

ക​ണ്ണൂ​ർ: രാ​ജ്യ​ത്തെ ഏ​റ്റ​വും ചൂ​ട​ൻ ജി​ല്ല​യാ​യി വീ​ണ്ടും ക​ണ്ണൂ​ർ. കേ​ന്ദ്ര കാ​ലാ​വ​സ്ഥ വ​കു​പ്പ് സീ​സ​ണി​ലെ ഏ​റ്റ​വും ഉ​യ​ർ​ന്ന ചൂ​ടാ​യ 37.7 ഡി​ഗ്രി സെ​ല്‍ഷ്യ​സ് തി​ങ്ക​ളാ​ഴ്ച ക​ണ്ണൂ​ർ വി​മാ​ന​ത്താ​വ​ള​ത്തി​ൽ രേ​ഖ​പ്പെ​ടു​ത്തി. ക​ണ്ണൂ​ർ സി​റ്റി​യി​ൽ 35.2 ഡി​ഗ്രി സെ​ല്‍ഷ്യ​സാ​ണ് റി​പ്പോ​ർ​ട്ട് ചെ​യ്ത​ത്. ഡി​സം​ബ​റി​ലും ജ​നു​വ​രി​യി​ലും രാ​ജ്യ​ത്തെ ചൂ​ട​ൻ പ​ട്ടി​ക​യി​ൽ ക​ണ്ണൂ​രെ​ത്തി​യി​രു​ന്നു.

കേ​ന്ദ്ര കാ​ലാ​വസ്ഥവ​കു​പ്പി​ന്റെ ഔ​ദ്യോ​ഗി​ക ക​ണ​ക്കു പ്ര​കാ​രം ഡി​സം​ബ​റി​ലും രാ​ജ്യ​ത്തെ ഏ​റ്റ​വും ഉ​യ​ർ​ന്ന ചൂ​ട് ക​ണ്ണൂ​രി​ലാ​യി​രു​ന്നു. 36.6 ഡി​​ഗ്രി സെ​ൽ​ഷ്യ​സ് ആ​ണ് അ​ന്ന് രേ​ഖ​പ്പെ​ടു​ത്തി​യ താ​പ​നി​ല. 30ന് ​ക​ണ്ണൂ​ർ സി​റ്റി​യി​ൽ 37.02 ഡി​ഗ്രി സെ​ല്‍ഷ്യ​സ് രേ​ഖ​പ്പെ​ടു​ത്തി.

ജ​നു​വ​രി അ​ഞ്ചി​ന് 24 മ​ണി​ക്കൂ​റി​ല്‍ 34.4 ഡി​ഗ്രി സെ​ല്‍ഷ്യ​സ് ചൂ​ടാ​ണ് രേ​ഖ​പ്പെ​ടു​ത്തി​യ​ത്. ക​ണ്ണൂ​ർ വി​മാ​ന​ത്താ​വ​ള​ത്തി​ലെ വെ​ത​ർ സ്റ്റേ​ഷ​നി​ലാ​ണ് റെ​ക്കോ​ഡ് രേ​ഖ​പ്പെ​ടു​ത്തി​യ​ത്. ജ​നു​വ​രി ര​ണ്ട്, 27, 28 തീ​യ​തി​ക​ളി​ലും ചൂ​ടി​ൽ ക​ണ്ണൂ​രാ​യി​രു​ന്നു മു​ന്നി​ൽ. ഇ​തോ​ടെ രാ​ജ്യ​ത്ത് ഏ​റ്റ​വും കൂ​ടു​ത​ൽ ചൂ​ട് രേ​ഖ​പ്പെ​ടു​ത്തു​ന്ന സ്ഥ​ല​ങ്ങ​ളു​ടെ പ​ട്ടി​ക​യി​ൽ ഇ​ട​ക്കി​ടെ ക​ണ്ണൂ​ർ ഒ​ന്നാ​മ​താ​യി.

ജി​ല്ല​യി​ൽ തു​ലാ​വ​ർ​ഷം ഡി​സം​ബ​റോ​ടെ തീ​ർ​ന്നെ​ങ്കി​ലും ജ​നു​വ​രി​യി​ൽ പെ​യ്ത മ​ഴ 23.41 ശ​ത​മാ​നം കൂ​ടു​ത​ലാ​യി​രു​ന്നു. ഇ​തി​ന് പി​ന്നാ​ലെ​യാ​ണ് ഫെ​ബ്രു​വ​രി​യി​ൽ ക​ന​ത്ത ചൂ​ട് അ​നു​ഭ​വ​പ്പെ​ടു​ന്ന​ത്. രാ​ത്രി ന​ല്ല ത​ണു​പ്പാ​ണ് മ​ല​യോ​ര​മേ​ഖ​യി​ല​ട​ക്കം.

അ​തേ​സ​മ​യം പ​ക​ൽ പു​റ​ത്തി​റ​ങ്ങാ​നാ​വാ​ത്ത അ​വ​സ്ഥ​യും. വ​രും ദി​വ​സ​ങ്ങ​ളി​ലും ചൂ​ട് വ​ർ​ധി​ക്കു​മെ​ന്നാ​ണ് വി​ല​യി​രു​ത്ത​ൽ. പു​ഴ​ക​ളി​ൽ​ ജ​ല​നി​ര​പ്പ് താ​ഴ്ന്നു​തു​ട​ങ്ങി. വ​ർ​ഷ​ങ്ങ​ൾ​ക്കുശേ​ഷം പ​ഴ​ശ്ശി പ​ദ്ധ​തി​യു​ടെ പ്ര​ധാ​ന ക​നാ​ൽ വ​ഴി വെ​ള്ള​മൊ​ഴു​ക്കി​യ​തി​നാ​ൽ കൃ​ഷി​ക്കും മ​റ്റും ആ​ശ്വാ​സ​മാ​ണ്.

വെ​ള്ളം കു​ടി​ച്ചി​ല്ലെ​ങ്കി​ൽ പ​ണി​യാ​വും

ചൂ​ട് കൂ​ടു​ന്ന സാ​ഹ​ച​ര്യ​ത്തി​ൽ ധാ​രാ​ളം വെ​ള്ളം കു​ടി​ച്ചി​ല്ലെ​ങ്കി​ൽ വാ​ടിത്തള​രും. നി​ർ​ജ​ലീ​ക​ര​ണം സം​ഭ​വി​ച്ച് മ​ര​ണ​ത്തി​ലേ​ക്കു വ​രെ ന​യി​ക്കാം. അ​മി​ത ചൂ​ടും വി​യ​ർ​പ്പും ശ​രീ​ര​ത്തി​ലെ ല​വ​ണ​ങ്ങ​ളെ പു​റ​ന്ത​ള്ളു​ന്നു. ചൂ​ട്​ വ​ർ​ധി​ച്ച്​ സൂ​ര്യ​ാത​പ​വും സൂ​ര്യാ​ഘാ​ത​വും ഉ​ണ്ടാ​കാ​നും സാ​ധ്യ​ത​യു​ണ്ട്.

ത​ല​വേ​ദ​ന, ത്വ​ക്ക്​ വ​ര​ളു​ക, മ​യ​ക്കം, ത​ല​ചു​റ്റ​ൽ, ഉ​ത്സാ​ഹ​ക്കു​റ​വ്, ശ്ര​ദ്ധ​യി​ല്ലാ​യ്​​മ തു​ട​ങ്ങി​യ പ്ര​ശ്​​ന​ങ്ങ​ളി​ലേ​ക്കും ന​യി​ക്കും. ഉ​ച്ച​വെ​യി​ലി​ൽ പു​റ​ത്ത് ജോ​ലി​യി​ൽ ഏ​ർ​പ്പെ​ടു​ന്ന​ത് ഒ​ഴി​വാ​ക്കു​ന്ന​താ​ണ് ന​ല്ല​ത്. പു​റ​ത്ത് പോ​കേ​ണ്ടി വ​രു​ന്ന സാ​ഹ​ച​ര്യ​ത്തി​ൽ കു​ട ക​രു​താം. ദി​വ​സേ​ന എ​ട്ടു മു​ത​ൽ 10 ഗ്ലാ​സ്​ വ​രെ​യോ മൂ​ന്ന് ലി​റ്റ​റോ വെ​ള്ളം കു​ടി​ക്ക​ണം.