കണ്ണൂരിൽ പെട്രോൾ പമ്പ് ജീവനക്കാരന് നേരെ മുളകു പൊടിയെറിഞ്ഞ് പണം കവർന്നു
text_fieldsകണ്ണൂർ: ചെറുവാഞ്ചേരിയിൽ പെട്രോൾ പമ്പ് ജീവനക്കാരനെ ആക്രമിച്ച് പണം കവർന്നു. ബാങ്കിൽ അടക്കാനായി കൊണ്ടുപോയ എട്ട് ലക്ഷം രൂപയാണ് കവർന്നത്. പെട്രോൾ പമ്പ് ജീവനക്കാരനായ സ്വരാജാണ് കവർച്ചക്കിരയായത്.
ഗ്രാമീൺ ബാങ്ക് ശാഖയിലെത്തിയ സ്വരാജിന് നേരെ മുളകുപൊടിയെറിഞ്ഞാണ് ഇരുചക്രവാഹനത്തിലെത്തിയ രണ്ടു പേർ പണവുമായി കടന്നു കളഞ്ഞത്. കവർച്ചക്കാർ ഇയാളെ കുത്തുകയും ചെയ്തിട്ടുണ്ട്. സംഭവത്തിന്റെ സി.സി.ടി.വി ദൃശ്യങ്ങൾ കണ്ടെത്താനുള്ള ശ്രമത്തിലാണ് പൊലീസ്.
സ്വരാജിനെ അറിയുന്നവർ തന്നെയാവും കവർച്ചക്ക് പിന്നിലുള്ളതെന്നാണ് പൊലീസ് നിഗമനം. എല്ലാ ദിവസവും പണമടക്കാനായി സ്വരാജ് ഗ്രാമീൺ ബാങ്കിലെത്താറുണ്ടായിരുന്നു. ഇത് മനസിലാക്കിയാണ് കവർച്ച സംഘം എത്തിയതെന്നാണ് പൊലീസ് സംശയിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.