കതിന വെടിയുടെ ശബ്​ദത്തിനു  കാതോർത്ത ഒാർമകൾ 

കൊ​യി​ലാ​ണ്ടി: നോ​മ്പു​തു​റ​ക്കാ​നു​ള്ള സ​മ​യ​മ​റി​യാ​ൻ ക​തി​ന വെ​ടി​യു​ടെ ശ​ബ്​​ദ​ത്തി​നു കാ​ത്തി​രു​ന്ന ഒ​രു കാ​ല​മു​ണ്ടാ​യി​രു​ന്നു. അ​ര​നൂ​റ്റാ​ണ്ടു മു​മ്പ​ത്തെ നോ​മ്പ്​ ഓ​ർ​മി​ക്കു​ക​യാ​ണ്​ കൊ​യി​ലാ​ണ്ടി മ​ച്ചും​താ​ഴ​ത്ത് ഇ​മ്പി​ച്ചി അ​ഹ​മ്മ​ദ്. 
മ​ഗ്​​രി​ബി​ന് ജു​മ​അ​ത്ത് പ​ള്ളി​യി​ൽ നി​ന്ന് ആ​ലി​ക്ക​യും മൊ​യ്തീ​ൻ പ​ള്ളി​യി​ൽ നി​ന്ന് അ​ബ്​​ദു​ൽ ഖാ​ദ​ർ​ക്ക​യും ഉ​ച്ച​ത്തി​ൽ ബാ​ങ്ക് വി​ളി​ക്കും. പ​ക്ഷേ, അ​ക​ല​ങ്ങ​ളി​ലേ​ക്ക് ഈ ​ശ​ബ്​​ദം എ​ത്തി​യെ​ന്നു വ​രി​ല്ല. അ​പ്പോ​ൾ ആ​ശ്ര​യം ക​ട​പ്പു​റം പ​ള്ളി​യി​ൽ നി​ന്നു​ള്ള ക​തി​ന വെ​ടി​യാ​ണ്. അ​തി​നാ​യി കാ​തോ​ർ​ത്തു​നി​ൽ​ക്കും. ഇ​ന്ന് പ​രി​സ​രം പ്ര​കാ​ശ​പൂ​രി​ത​മാ​ണ്. അ​ന്ന് മ​ണ്ണെ​ണ്ണ വി​ള​ക്കി​​െൻറ മ​ങ്ങി​യ പ്ര​കാ​ശം മാ​ത്രം. വ​ഴി​യോ​ര​ങ്ങ​ളി​ൽ പ്ര​ഭ ചൊ​രി​യു​ന്ന എ​ൽ.​ഇ.​ഡി ഇ​ല്ല. ചി​ല​യി​ട​ങ്ങ​ളി​ൽ പ​ഞ്ചാ​യ​ത്തി​​െൻറ നി​യ​ന്ത്ര​ണ​ത്തി​ലു​ള്ള മ​ണ്ണെ​ണ്ണ വി​ള​ക്കു​ക​ളാ​ണ് യാ​ത്ര​ക്കാ​ർ​ക്ക് ആ​ശ്വാ​സം. 

നോ​മ്പു​തു​റ​ക്ക് പ​ല​നി​റ​ങ്ങ​ളി​ലും രു​ചി​ക​ളി​ലു​മു​ള്ള വൈ​വി​ധ്യ​മാ​യ ഭ​ക്ഷ​ണ സാ​ധ​ന​ങ്ങ​ൾ കു​റ​വ്. ഉ​ള്ള​വ ത​ന​തു രു​ചി​യി​ൽ പാ​ക​പ്പെ​ടു​ത്തി​യ​വ. മു​ട്ട​പ്പ​ത്തി​രി, കോ​ഴി​യ​ട, വാ​ഴ​ക്ക​ട എ​ന്നി​വ പ്ര​ധാ​നം. 27ാം രാ​വി​ന് ഇ​ടി ഊ​ന്നി​യ​തും ക​റി​യും വി​ശേ​ഷ​പ്പെ​ട്ട​ത്. ത​രി​ക്ക​ഞ്ഞി അ​പൂ​ർ​വം. ശ​അ​ബാ​ൻ മാ​സം പ​കു​തി ക​ഴി​ഞ്ഞാ​ൽ നോ​മ്പി​​െൻറ മു​ന്നൊ​രു​ക്കം തു​ട​ങ്ങും. പ​ള്ളി​ക​ളും വീ​ടു​ക​ളും വൃ​ത്തി​യാ​ക്കി നോ​മ്പി​നു​ള്ള കാ​ത്തി​രി​പ്പാ​യി പി​ന്നെ. അ​തി​നി​ട​യി​ൽ വീ​ട്ടി​ൽ ആ​വ​ശ്യ​മാ​യ പു​ൽ​പ്പാ​യ, ചി​മ്മി​ണി വി​ള​ക്ക്, മു​ട്ട വി​ള​ക്ക്, അ​ഞ്ചാം ന​മ്പ്ര് വി​ള​ക്ക്, ഗ്ലാ​സ്, അ​ത്താ​ഴ​ക്കു​ടു​ക്ക എ​ന്നി​വ വാ​ങ്ങി വെ​ക്കും. ഒ​ന്നോ ര​ണ്ടോ ദി​വ​സം മു​മ്പ് മ​സാ​ല സാ​ധ​ന​ങ്ങ​ൾ കു​ത്തു​വ​ട്ടി​ക​ളി​ൽ നി​റ​ച്ച് വീ​ട്ടി​ൽ എ​ത്തി​ക്കും. 
നോ​മ്പു​തു​ട​ങ്ങു​ന്ന രാ​ത്രി അ​ത്താ​ഴ​ത്തി​ന് ഉ​ണ​രാ​ൻ വ​ലി​യ​ക​ത്തെ പ​ള്ളി​യി​ൽ നി​ന്നും ജു​മാ​അ​ത്ത് പ​ള്ളി​യി​ൽ നി​ന്നും ‘ന​കാ​രം’ അ​ടി​ക്കാ​ൻ തു​ട​ങ്ങും.