ഉപ്പയും ഉമ്മയും പോയി; ഇല്യാസിനും സഹോദരിമാർക്കും നഷ്ടപ്പെട്ടത് 11 ബന്ധുക്കളെ

വൈ​ത്തി​രി: മു​ണ്ട​ക്കൈ ദു​ര​ന്ത​ത്തി​ൽ പ്ര​വാ​സി​യാ​യ ഇ​ല്യാ​സി​നും സ​ഹോ​ദ​രി​മാ​ർ​ക്കും ഉ​മ്മ​യും ഉ​പ്പ​യു​മ​ട​ക്കം 11 ബ​ന്ധു​ക്ക​ളെ ന​ഷ്ട​പ്പെ​ട്ടു. അ​ബൂദ​ബി​യി​ലാ​യി​രു​ന്ന ഇ​ല്യാ​സ് കു​ടും​ബ​ത്തി​ലു​ണ്ടാ​യ ദു​ര​ന്ത​ത്തെ തു​ട​ർ​ന്ന് നാ​ട്ടി​ലെ​ത്തി​യ​താ​ണ്. പി​താ​വ് ല​ത്തീ​ഫ്, മാ​താ​വ് റ​ഹ്മ​ത്ത് എ​ന്നി​വ​ർ മ​ണ്ണി​നോ​ട് ചേ​ർ​ന്നു. ഇ​വ​രു​ടെ മൃ​ത​ദേ​ഹം ഇ​തു​വ​രെ ക​ണ്ടെ​ത്തി​യി​ട്ടി​ല്ല. ല​ത്തീ​ഫി​ന്റെ സ​ഹോ​ദ​ര​ൻ അ​ബു, ഭാ​ര്യ സ​ഫി​യ എ​ന്നി​വ​രും ഓ​ർ​മ​യാ​യി.

ഇ​വ​രു​ടെ മ​യ്യി​ത്തു​ക​ൾ ല​ഭി​ച്ചു, ഖബ​റ​ട​ക്കു​ക​യും ചെ​യ്തു. ഇ​ല്യാ​സി​ന്റെ മാ​താ​വ് റ​ഹ്മ​ത്തി​ന്റെ സ​ഹോ​ദ​രി ഖ​ദീ​ജ​യും ഭ​ർ​ത്താ​വ് ആ​ല​ക്ക​ൽ ആ​ലി​കു​ട്ടി​യും ന​ടു​ക്കു​ന്ന ഓ​ർ​മ​യാ​യി മാ​റി. ഇ​തി​ൽ അ​ലി​യു​ടെ മൃത​ദേ​ഹം മാ​ത്ര​മാ​ണ് ല​ഭി​ച്ച​ത്. ഇ​വ​രു​ടെ മ​ക​ൻ ഗ​ഫൂ​ർ, ഭാ​ര്യ സ​ഫൂ​റ, മ​ക്ക​ളാ​യ ഷ​ഹീ​ൻ, ഫി​നു, കു​ഞ്ഞി എ​ന്നി​വ​രും ദു​ര​ന്ത​ത്തി​ൽ മ​ര​ണ​മ​ട​ഞ്ഞു. സ​ഫൂ​റ​യു​ടെ​യും മ​ക്ക​ളാ​യ ഷ​ഹീ​ൻ, ഫി​നു എ​ന്നി​വ​രു​ടെ​യും മൃ​ത​ദേ​ഹ​ങ്ങ​ൾ ല​ഭി​ച്ചു.

ഇ​ല്യാ​സി​ന്റെ സ​ഹോ​ദ​രി​മാ​രാ​യ മു​ഹ്സി​ന​യും അ​ൻ​സി​ല​യു​മാ​ണ് ഇ​ല്യാ​സി​ന് ഇ​നി ബാ​ക്കി​യു​ള്ള​ത്. മു​ഹ്സി​ന​യു​ടെ ഭ​ർ​ത്താ​വ് സ​ഹ​ദും എ​ട്ടു​വ​യ​സ്സു​ള്ള മ​ക​ളും അ​ൻ​സി​ല​യു​ടെ ഭ​ർ​ത്താ​വ് ഇ​ബ്രാ​ഹിം​കു​ട്ടി​യും എ​ട്ടും മൂ​ന്നും വ​യ​സ്സുള്ള മ​ക്ക​ളും സു​ര​ക്ഷി​ത​രാ​ണ്. അ​ൻ​സി​ല​യു​ടെ വീ​ട് ചൂ​ര​ൽ​മ​ല​യി​ലാ​യി​രു​ന്നു​വെ​ങ്കി​ലും ദു​ര​ന്തം എ​ത്താ​തെ ര​ക്ഷ​പ്പെ​ടു​ക​യാ​യി​രു​ന്നു. മു​ഹ്സി​ന ചെ​മ്പോ​ത്ത​റ​യി​ലാ​ണ് താ​മ​സം.