ശബരിമലയിലേക്ക് ആർക്കും വരാം; പൂർണ സുരക്ഷയെന്ന് ഐ.ജി

നിലക്കൽ: ശബരിമല, നിലക്കൽ, പമ്പ എന്നിവിടങ്ങളിൽ സുരക്ഷ ശക്തമാക്കിയിട്ടുണ്ടെന്നും ആർക്ക് വേണമെങ്കിലും ദർശനം നടത്താമെന്നും ഐ.ജി മനോജ് എബ്രഹാം. ഒരാളെയും ആരും തടയില്ല. തടസമുണ്ടാക്കിയവർക്കെതിരെ കേസ് രജിസ്റ്റർ ചെയ്തിട്ടുണ്ടെന്നും ഐ.ജി മാധ്യമങ്ങളോട് പറഞ്ഞു.

ശബരിമല പ്രദേശത്ത് സമരം അനുവദിക്കില്ല. ഈ പ്രദേശങ്ങളിലെ പൊലീസ് വിന്യാസം ഇന്നാണ് നടപ്പിലാക്കിയത്. കഴിഞ്ഞദിവസം പ്രതിഷേധക്കാരെത്തുമെന്ന് കരുതിയിരുന്നില്ല. അയ്യപ്പ ഭക്തരുടെ പൂർണ സുരക്ഷ ഉറപ്പാക്കിയെന്നും മനോജ് എബ്രഹാം പറഞ്ഞു.