"പണം വേണമെങ്കിൽ കേസ്​ പിൻവലിക്കണം"; കേന്ദ്രത്തി​ന്‍റേത്​ ബ്ലാക്ക്​മെയിലിങ്ങെന്ന് ധനമന്ത്രി ബാ​ല​​ഗോ​പാ​ൽ

തി​രു​വ​ന​ന്ത​പു​രം: കേ​ര​ള​ത്തി​ന്​ കി​​ട്ടേ​ണ്ട 13,000 ​കോ​ടി വി​ട്ടു​കി​ട്ട​ണ​മെ​ങ്കി​ൽ സു​പ്രീം​കോ​ട​തി​യി​ലു​ള്ള കേ​സ്​ പി​ൻ​വ​ലി​ക്ക​ണ​മെ​ന്ന കേ​ന്ദ്ര ശാ​ഠ്യം ബ്ലാ​ക്ക്​​മെ​യി​ൽ ചെ​യ്യ​ലാ​ണെ​ന്ന്​​ ധ​ന​മ​ന്ത്രി കെ.​എ​ൻ. ബാ​ല​​ഗോ​പാ​ൽ. ഈ 13,000 ​കോ​ടി​ക്ക്​ വേ​ണ്ടി​യ​ല്ല ​സം​സ്ഥാ​നം സു​പ്രീം​കോ​ട​തി​യി​ൽ പോ​യ​ത്. ​കേ​സ്​ ന​ൽ​കി​യി​ല്ലെ​ങ്കി​ലും കി​ട്ടേ​ണ്ട തു​ക​യാ​ണി​ത്. ക​ട​പ​രി​ധി​യി​ലും ധ​ന​ക​മീ​ഷ​നു​ക​ളു​ക​ളു​ടെ ശി​പാ​ർ​ശ പ്ര​കാ​രം വെ​ട്ടി​ക്കു​റ​ച്ച​തു​മ​ട​ക്കം 25,000 കോ​ടി​യോ​ളം രൂ​പ അ​നു​വ​ദി​ക്കു​ന്ന​തി​നു​​വേ​ണ്ടി​യാ​ണ്​ സു​പ്രീം​കോ​ട​തി​യെ സ​മീ​പി​ച്ച​ത്. ര​ണ്ടും ര​ണ്ട്​ വി​ഷ​യ​ങ്ങ​ളാ​ണ്.

കേ​സ്​ പി​ൻ​വ​ലി​ച്ചാ​ൽ തു​ക ന​ൽ​കാ​മെ​ന്ന്​ പ​റ​യു​ന്ന​ത്​ ക​ഴു​ത്തി​ന്​ പി​ടി​ച്ച്​ ശ്വാ​സം​മു​ട്ടി​ച്ച്​ ക​രാ​റി​ൽ ഒ​പ്പി​ടീ​ക്കു​ന്ന​തി​ന്​ തു​ല്യ​മാ​ണ്. സി​നി​മ​ക്ക​ഥ​ക​ളി​ൽ മാ​ത്രം കാ​ണു​ന്ന കാ​ര്യ​മാ​ണി​ത്. ട്ര​ഷ​റി അ​ട​ച്ചു​പൂ​ട്ടി​ക്കാ​നാ​ണ്​ കേ​ന്ദ്രം ശ്ര​മി​ക്കു​ന്ന​ത്. മാ​ർ​ച്ചി​ൽ സം​സ്ഥാ​ന​ത്തി​ന്​ വ​ലി​യ ചെ​ല​വു​ക​ൾ ഉ​ണ്ടാ​കു​മെ​ന്ന​ത്​ മു​ന്നി​ൽ ക​ണ്ടാ​ണ്​ കേ​ന്ദ്ര​ത്തി​ന്‍റെ ഈ ​മ​ർ​ക്ക​ട​മു​ഷ്ടി. 22,000 കോ​ടി​യോ​ളം രൂ​പ മാ​ർ​ച്ചി​ലെ ​ആ​കെ ചെ​ല​വു​ക​ൾ​ക്ക്​ വേ​ണ്ടി​വ​രും.

കോ​ട​തി​യി​ലെ കേ​സി​ൽ​നി​ന്ന്​ പെ​റ്റീ​ഷ​നി​ൽ​നി​ന്ന്​ പി​ന്‍മാ​റി​യി​ല്ലെ​ങ്കി​ൽ ക്ഷേ​മ​പെ​ൻ​ഷ​നും ആ​ശു​പ​ത്രി​ക​ളി​ലെ ചി​കി​ത്സ​ക്കും കു​ട്ടി​ക​ളു​ടെ ഉ​ച്ച​ക്ക​ഞ്ഞി​ക്കു​ള്ള പ​ണ​വു​മൊ​ന്നും ന​ൽ​കി​ല്ലെ​ന്ന്​ പ​റ​യു​ന്ന​ത്​ കേ​ര​ള​ത്തി​ലെ ജ​ന​ങ്ങ​ളോ​ടു​ള്ള വെ​ല്ലു​വി​ളി​യാ​ണ്.

സു​പ്രീം​കോ​ട​തി​യി​ൽ നി​ന്ന്​ ന്യാ​യ​മാ​യ പ​രി​ഹാ​ര​മാ​ണ്​ പ്ര​തീ​ക്ഷി​ക്കു​ന്ന​ത്. കേ​ര​ളം ഇ​നി​യും ച​ർ​ച്ച​ക്ക്​ ത​യാ​റാ​ണ്. ശ​മ്പ​ള​മ​ട​ക്കം പ്ര​തി​സ​ന്ധി​യി​ലേ​ക്ക്​ പോ​കു​ന്ന സാ​ഹ​ച​ര്യം നി​ല​വി​ലി​ല്ല. സ്ഥി​തി തു​ട​ർ​ന്നാ​ൽ കാ​ര്യ​ങ്ങ​ൾ ബു​ദ്ധി​മു​ട്ടാ​കു​മെ​ന്ന​തി​ലും സം​ശ​യ​മി​ല്ല. ജീ​വ​ന​ക്കാ​ർ​ക്കു​ള്ള ഒ​രു ഗ​ഡു ക്ഷാ​മ​​ബ​ത്ത വി​ത​ര​ണ​ത്തെ ബാ​ധി​ക്കി​ല്ലെ​ന്നും മ​ന്ത്രി കൂ​ട്ടി​ച്ചേ​ർ​ത്തു.