ഉത്തരവ്​ നടപ്പാക്കിയില്ലെങ്കിൽ കോതമംഗലം പള്ളി കേന്ദ്രസേന ഏറ്റെടുക്കണമെന്ന്​ ഹൈകോടതി

കൊ​ച്ചി: കോ​ത​മം​ഗ​ലം മാ​ർ​ത്തോ​മ​ൻ ചെ​റി​യ പ​ള്ളി ഏ​റ്റെ​ടു​ത്ത് ഓ​ർ​ത്ത​ഡോ​ക്സ് വി​ഭാ​ഗ​ത്തി​ന് കൈ​മാ​റ​ണ​മെ​ന്ന 2019 ഡി​സം​ബ​റി​ലെ ഉ​ത്ത​ര​വ്​ 2021 ജ​നു​വ​രി എ​ട്ടി​ന​കം ന​ട​പ്പാ​ക്കാ​ൻ സം​സ്ഥാ​ന സ​ർ​ക്കാ​റി​ന്​ ഹൈ​കോ​ട​തി​യു​ടെ അ​ന്ത്യ​ശാ​സ​നം. അ​ല്ലാ​ത്ത​പ​ക്ഷം പ​ള്ളി ഏ​​റ്റെ​ടു​ക്കാ​ൻ തി​രു​വ​ന​ന്ത​പു​രം പ​ള്ളി​പ്പു​റ​ത്തെ സി.​ആ​ര്‍.​പി.​എ​ഫി​ന്​ നി​ർ​ദേ​ശം ന​ൽ​കി​യ ജ​സ്​​റ്റി​സ്​ പി.​ബി. സു​രേ​ഷ്​​കു​മാ​ർ ഇ​ക്കാ​ര്യം അ​സി​സ്​​റ്റ​ൻ​റ്​ സോ​ളി​സി​റ്റ​ർ ജ​ന​റ​ലി​നെ അ​റി​യി​ക്കാ​നും നി​ർ​ദേ​ശി​ച്ചു.

പ​ള്ളി ഏ​റ്റെ​ടു​ത്ത്‌ കൈ​മാ​റ​ണ​മെ​ന്ന 2019 ഡി​സം​ബ​ര്‍ മൂ​ന്നി​ലെ ഉ​ത്ത​ര​വ്‌ ന​ട​പ്പാ​ക്കി​യി​ല്ലെ​ന്ന്​ ആ​രോ​പി​ച്ച്​ ഓ​ര്‍ത്ത​ഡോ​ക്‌​സ്‌ വി​ഭാ​ഗം വി​കാ​രി തോ​മ​സ്‌ പോ​ള്‍ റ​മ്പാ​ന്‍ ന​ല്‍കി​യ കോ​ട​തി​യ​ല​ക്ഷ്യ ഹ​ര​ജി​യാ​ണ്​ കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്. വി​ധി സ​മാ​ധാ​ന​പ​ര​മാ​യി ന​ട​പ്പാ​ക്കാ​ൻ മൂ​ന്നു​മാ​സം​കൂ​ടി അ​നു​വ​ദി​ക്ക​ണ​മെ​ന്നാ​യി​രു​ന്നു സ​ർ​ക്കാ​റി​െൻറ ആ​വ​ശ്യം. പ്രാ​യോ​ഗി​ക പ​രി​ഹാ​രം ക​ണ്ടെ​ത്താ​ൻ സ​മാ​ധാ​ന​പ​ര​മാ​യ കൈ​മാ​റ്റ​ത്തി​നാ​ണ് ശ്ര​മി​ക്കു​ന്ന​തെ​ന്നും ന​വം​ബ​ർ 25ന്​ ​സ​ർ​ക്കാ​ർ കോ​ട​തി​യെ അ​റി​യി​ച്ച​ു.

എ​ന്നാ​ൽ, ഒ​രു​വ​ർ​ഷം മു​മ്പ് പു​റ​പ്പെ​ടു​വി​ച്ച ഉ​ത്ത​ര​വ്​ ന​ട​പ്പാ​ക്ക​ൽ ഇ​നി​യും വൈ​കി​പ്പി​ക്കാ​നാ​വി​ല്ലെ​ന്ന്​​ ചൂ​ണ്ടി​ക്കാ​ട്ടി​യ കോ​ട​തി സ​ർ​ക്കാ​റി​ന്​ അ​ന്ത്യ​ശാ​സ​നം ന​ൽ​കു​ക​യാ​യി​രു​ന്നു. വി​ധി ജ​നു​വ​രി എ​ട്ടി​ന​കം സ​ര്‍ക്കാ​ര്‍ ന​ട​പ്പാ​ക്കി​യി​ല്ലെ​ങ്കി​ല്‍ പ​ള്ളി​യി​ലു​ള്ള​വ​െ​ര​യും പ​ള്ളി വ​ള​പ്പി​ലു​ള്ള​വ​രെ​യും നീ​ക്കി ഇ​വ​യു​ടെ​യും പ​ള്ളി​യി​ലെ ജം​ഗ​മ​വ​സ്‌​തു​ക്ക​ളു​ടെ​യും നി​യ​ന്ത്ര​ണം ഏ​റ്റെ​ടു​ക്കാ​ൻ​ ന​ട​പ​ടി​യെ​ടു​ക്ക​ണ​മെ​ന്ന്​ സി.​ആ​ര്‍.​പി.​എ​ഫ്‌ പ​ള്ളി​പ്പു​റം കേ​ന്ദ്ര​ത്തി​ലെ ഡെ​പ്യൂ​ട്ടി ഇ​ന്‍സ്‌​പെ​ക്ട​ര്‍ ജ​ന​റ​ലി​ന്​ കോ​ട​തി നി​​ർ​ദേ​ശം ന​ൽ​കി. മ​റ്റൊ​രു ഉ​ത്ത​ര​വു​വ​രെ ഏ​റ്റെ​ടു​ത്ത പ​ള്ളി​യും മ​റ്റും ക​സ്​​റ്റ​ഡി​യി​ൽ സൂ​ക്ഷി​ക്കാ​നും നി​ർ​ദേ​ശി​ച്ചു.