ദൈവങ്ങൾക്ക്​ വോട്ടുണ്ടായി​രുന്നെങ്കിൽ ഇക്കുറി ഇടതുപക്ഷത്തിനായിരിക്കും​ -കോടിയേരി

കണ്ണൂർ: ദൈവങ്ങൾക്ക്​ വോട്ടുണ്ടായി​രുന്നെങ്കിൽ ഇക്കുറി അവരുടെയെല്ലാം വോട്ട്​ ഇടതുപക്ഷത്തിനായിരിക്കുമെന്ന്​ കോടിയേരി ബാലകൃഷ്​ണൻ. എല്ലാ മത വിശ്വാസികൾക്കും സുരക്ഷിതത്വം ഉറപ്പാക്കിയ സർക്കാരാണ്​ പിണറായി സർക്കാർ. എല്ലാ ആരാധനാലയങ്ങൾക്കും ഓരോ പ്രദേശത്തും വികസന പ്രവർത്തനങ്ങൾ നടത്തി.ശബരിമല ഈ തെരഞ്ഞെടുപ്പിൽ ഒരു വിഷയമേ അല്ല. ശബരിമലയിൽ ഏറ്റവും കൂടുതൽ വികസന പ്രവർത്തനങ്ങൾ നടത്തിയ സർക്കാറാണിതെന്നും അദ്ദേഹം കൂട്ടിച്ചേർത്തു.

ഇത്തവണ ജനങ്ങൾക്ക്​ വലിയ ആവേശം ആണ്​ കാണുന്നത്​. ജനങ്ങൾ തന്നെ ഏറ്റെടുത്ത ഒരുതെരഞ്ഞെടുപ്പാണിത്​. നിലവിൽ ഇടത്​മുന്നണിക്ക്​ 95 സീറ്റ്​ ഉണ്ട്​. റിസൾട്ട്​ വരു​േമ്പാൾ നൂറിലധികം സീറ്റ്​​ നേടി ചരിത്ര വിജയത്തോടെ അധികാരത്തിലെത്തും. എല്ലാ ജില്ലകളിലും ഇടത്​ അനുകൂല തരംഗമാണ്​. മുൻകാലങ്ങളിൽ ഇടതുപക്ഷത്തിന്​ അനുകൂല വിധി എഴുതാത്ത ജില്ലകളിൽ പോലും ഇക്കുറി ഇടത്​ അനുകൂല തരംഗമാണ്​.

നേമത്ത്​ ബി.ജെ.പി അക്കൗണ്ട്​ എങ്ങനെയോ ഒരു ആക്​സിഡന്‍റായി സംഭവിച്ചതാണ്​. തെരഞ്ഞെടുപ്പിൽ ഞങ്ങൾക്ക്​ ബി.ജെ.പിയുമായി​ട്ടോ, ജമാഅത്തെ ഇസ്​ലാമിയുമായോ യാതൊരു ബന്ധമോ ഡീലുമി​െല്ലന്ന്​ അദ്ദേഹം പറഞ്ഞു.