സർക്കാർ ഉത്തരവ്​ തുണയായി,  പിഴവ്​ തിരുത്തൽ പ്രക്രിയയിലൂടെ  ഇടുക്കിയി​​ലെ വിവാദ കൈയേറ്റങ്ങൾക്ക്​ സാധുത 

തൊ​ടു​പു​ഴ: ഭൂ​സ​ർ​വേ ന​മ്പ​റു​ക​ളി​ൽ സം​ഭ​വി​ച്ച പി​ഴ​വ്​​ തി​രു​ത്താ​ൻ​ അ​നു​വ​ദി​ച്ചും ഇ​തി​ന്​ ത​ഹ​സി​ൽ​ദാ​ർ​മാ​രെ ചു​മ​ത​ല​പ്പെ​ടു​ത്തി​യും സ​ർ​ക്കാ​റി​റ​ക്കി​യ ഉ​ത്ത​ര​വ്​ മ​റ​യാ​ക്കി കൈ​യേ​റ്റം സാ​ധൂ​ക​രി​ക്കാ​ൻ വ​ൻ​കി​ട​ക്കാ​രു​ടെ നീ​ക്കം. സ​ർ​വേ​ന​മ്പ​റി​ലെ പി​ഴ​വ്​ സം​ബ​ന്ധി​ച്ച പ​രാ​തി​ക​ൾ സ​മ​യ​ബ​ന്ധി​ത​മാ​യി തീ​ർ​പ്പു​ക​ൽ​പി​ക്ക​ണ​മെ​ന്ന ക​ർ​ശ​ന നി​​ർ​ദേ​ശ​വു​മു​ണ്ടാ​യി​രി​ക്കെ ഉ​ദ്യോ​ഗ​സ്ഥ​രെ സ​മ്മ​ർ​ദ​ത്തി​ലാ​ക്കി സാ​ധൂ​ക​ര​ണ​മാ​ണ്​ ല​ക്ഷ്യം.  കൈ​യേ​റി​യ ഭൂ​മി​യ​ല്ല കൈ​വ​ശ​മു​ള്ള​തെ​ന്നും  സ​ർ​വേ​ന​മ്പ​ർ തെ​റ്റാ​യി രേ​ഖ​പ്പെ​ടു​ത്തു​ക​യാ​ണു​ണ്ടാ​യ​തെ​ന്നും വാ​ദി​ക്കു​ന്ന വി​വാ​ദ കൈ​യേ​റ്റ​ങ്ങ​ൾ​ക്കാ​ണ്​ പു​തി​യ ഉ​ത്ത​ര​വി​​െൻറ​മ​റ​വി​ൽ സാ​ധു​ത​ന​ൽ​കു​ന്ന​ത്. മൂ​ന്നാ​ർ മേ​ഖ​ല​യി​ല​ട​ക്കം ഇ​ടു​ക്കി​യി​ലെ ഭൂ​മി കൈ​യേ​റ്റ​ങ്ങ​ളി​ൽ 30 ശ​ത​മാ​ന​ത്തി​ലേ​റെ കേ​സു​ക​ളി​ലും സ​ർ​വേ​ന​മ്പ​റി​ലെ പി​ഴ​വാ​ണ്​ ക​ക്ഷി​ക​ൾ ഉ​ന്ന​യി​ച്ചി​ട്ടു​ള്ള​ത്.  ഭൂ​മി​യു​ടെ സ​ർ​വേ ന​മ്പ​ർ മാ​റ്റി​ന​ൽ​കി ഇൗ ​വാ​ദം സാ​ധൂ​ക​രി​ക്കാ​നാ​ണ്​ ശ്ര​മം. ഇ​ടു​ക്കി​യി​ലെ നൂ​റു​ക​ണ​ക്കി​ന്​ ക​ർ​ഷ​ക​ർ​ക്ക്​ നേ​ട്ട​മാ​കു​ന്ന സ​ർ​വേ​ന​മ്പ​റി​ലെ പി​ഴ​വ്​ തി​രു​ത്ത​ൽ, വി​വാ​ദ കൈ​യേ​റ്റ​ക്കാ​രെ​യും സ​ഹാ​യി​ക്കാ​ൻ മു​ഖ്യ ഭ​ര​ണ​പ​ക്ഷ പാ​ർ​ട്ടി​യു​ടെ പി​ന്തു​ണ​യോ​ടെ ചി​ല റ​വ​ന്യൂ ഉ​ദ്യോ​ഗ​സ്ഥ​ർ മ​റ​യാ​ക്കു​ക​യാ​ണ്. 

നി​യ​മ​പ​ര​മാ​യി പ​തി​ച്ചു​ന​ൽ​കാ​വു​ന്ന ഭൂ​മി​യു​ടെ സ​ർ​വേ​ന​മ്പ​റി​ൽ ക​ള്ള​പ്പ​ട്ട​യം നി​ർ​മി​ച്ച​തെ​ന്നോ പ​തി​ച്ചു​ന​ൽ​കാ​നാ​കാ​ത്ത ഭൂ​മി​ക്ക്​ സാ​ധു​ത​യു​ള്ള സ​ർ​വേ​ന​മ്പ​റി​ൽ പ​ട്ട​യം ച​മ​ച്ച​തെ​ന്നോ ക​ണ്ടെ​ത്തി​യ ഭൂ​മി​ക്കാ​ണ്​ പി​ഴ​വ്​ തി​രു​ത്ത​ൽ പ്ര​ക്രി​യ​യി​ലൂ​ടെ സാ​ധു​ത ന​ൽ​കു​ന്ന​ത്.  സ​ര്‍വേ​ന​മ്പ​ര്‍ തി​രു​ത്തി​യി​ല്ലെ​ങ്കി​ല്‍ ത​ഹ​സി​ല്‍ദാ​ര്‍മാ​ര്‍ക്കെ​തി​രെ ന​ട​പ​ടി​യു​ണ്ടാ​കു​മെ​ന്ന ര​ണ്ട​ര​മാ​സം മു​മ്പ്​ റ​വ​ന്യൂ സെ​ക്ര​ട്ട​റി ഇ​റ​ക്കി ഉ​ത്ത​ര​വി​​ലെ ക​ർ​ശ​ന നി​ബ​ന്ധ​ന രാ​ഷ്​​ട്രീ​യ-​റി​സോ​ർ​ട്ട്​ മാ​ഫി​യ​ക​ൾ​ക്ക്​ വ​ഴ​ങ്ങി​െ​യ തീ​രൂ എ​ന്ന നി​ർ​ബ​ന്ധി​ത സാ​ഹ​ച​ര്യം സൃ​ഷ്​​ടി​ക്കു​ന്നു. പ​ട്ട​യം ന​ല്‍കു​മ്പോ​ള്‍ ഉ​ണ്ടാ​കു​ന്ന പി​ഴ​വു​മൂ​ലം തെ​റ്റാ​യ സ​ര്‍വേ​ന​മ്പ​ര്‍ രേ​ഖ​പ്പെ​ടു​ത്തി​യ ഭൂ​മി​ക്ക് ക​ര​മ​ട​ക്കാ​ന്‍ ഉ​ട​മ​ക​ള്‍ക്ക് ക​ഴി​യാ​ത്ത പ്ര​ശ്​​ന​മു​ള്ള​തി​നാ​ൽ ക​ർ​ഷ​ക​ർ​ക്ക്​ ഇൗ ​ഉ​ത്ത​ര​വ്​ നേ​ട്ട​മാ​ണ്. ഭൂ​മി വി​ൽ​പ​ന​ക്ക്​ ത​ട​സ്സ​മു​ള്ള​തും ബാ​ങ്ക്​ വാ​യ്​​പ കി​ട്ടാ​ത്ത സാ​ഹ​ച​ര്യ​വും മൂ​ലം ബു​ദ്ധി​മു​ട്ടു​ക​യാ​ണ്​ നൂ​റു​​ക​ണ​ക്കി​ന്​ ക​ർ​ഷ​ക​ർ. റീ​സ​ർ​വേ ന​ട​പ​ടി അ​ല​ക്ഷ്യ​മാ​യും നി​രു​ത്ത​ര​വാ​ദ​പ​ര​മാ​യും നി​ർ​വ​ഹി​ച്ച ​ഉ​ദ്യോ​ഗ​സ്ഥ​രാ​ണ്​ ഇൗ ​സ്ഥി​തി വ​രു​ത്തി​വെ​ച്ച​ത്. അ​ള​വ്​ നി​ർ​വ​ഹി​ക്കാ​തെ വി​വ​ര​ങ്ങ​ൾ ര​ജി​സ്​​റ്റ​റി​ൽ ചേ​ർ​ക്കു​ക​യാ​യി​രു​ന്നു . 

ഇ​തി​​െൻറ​മ​റ​വി​ൽ വ്യാ​ജ പ​ട്ട​യ​ങ്ങ​ൾ വ്യാ​പ​ക​മാ​യി. കൈ​യേ​റി​യ​വ​ർ ക​ള്ള​പ്പ​ട്ട​യ​ങ്ങ​ൾ ഉ​ണ്ടാ​ക്കി​യ​തും ഉ​ദ്യോ​ഗ​സ്ഥ​രു​ടെ ഒ​ത്താ​ശ​േ​യാ​ടെ. ഇൗ ​പ​ശ്ചാ​ത്ത​ല​ത്തി​ലാ​ണ്​ ത​ഹ​സി​ല്‍ദാ​ര്‍മാ​ര്‍ നേ​രി​ട്ട് ഇ​ട​പെ​ട്ട്​ ഇ​ത്ത​രം പ​രാ​തി​ക​ൾ പ​രി​ഹ​രി​ക്ക​ണ​മെ​ന്നും അ​ത​ല്ലെ​ങ്കി​ല്‍ അ​ച്ച​ട​ക്ക​ന​ട​പ​ടി ഉ​ണ്ടാ​കു​മെ​ന്നും കാ​ണി​ച്ച്​ റ​വ​ന്യൂ സെ​ക്ര​ട്ട​റി പ്ര​ത്യേ​ക ഉ​ത്ത​ര​വി​റ​ക്കി​യ​ത്.