Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഇഡലിത്തട്ട്​ കൈവിരലിൽ...

ഇഡലിത്തട്ട്​ കൈവിരലിൽ കുടുങ്ങി: രണ്ടര വയസ്സുകാരിക്ക്​ രക്ഷകരായി അഗ്​നിശമന സേന

text_fields
bookmark_border
ഇഡലിത്തട്ട്​ കൈവിരലിൽ കുടുങ്ങി: രണ്ടര വയസ്സുകാരിക്ക്​ രക്ഷകരായി അഗ്​നിശമന സേന
cancel
camera_alt

ചായ്യോം ബസാറിൽ താമസിക്കുന്ന രണ്ടര വയസ്സുകാരിയുടെ കൈവിരലിൽ കുടുങ്ങിയ ഇഡലിത്തട്ട് അഗ്​നിശമന സേന മുറിച്ചുമാറ്റുന്നു

നീലേശ്വരം: അബദ്ധത്തിൽ ഇഡലിത്തട്ടിൽ കൈവിരൽ കുടുങ്ങിയ രണ്ടര വയസ്സുകാരിക്ക് കാഞ്ഞങ്ങാട് അഗ്​നിരക്ഷ സേന രക്ഷകരായി. നീലേശ്വരം ചായ്യോം ബസാറിൽ വാടകവീട്ടിൽ താമസിക്കുന്ന കർണാടക സ്വദേശി ലാല്ലേ പട്ടേലി​െൻറ മകളാണ് ഇതുമൂലം മണിക്കൂറോളം വേദനകൊണ്ട് പുളഞ്ഞത്.

പാത്രത്തിൽ കുടുങ്ങി വിരൽ നീരുവെച്ചു തുടങ്ങി മണിക്കൂറുകളോളം കുട്ടി വേദനകൊണ്ട് കരഞ്ഞു. കുട്ടിയുടെ വിരൽ മാറ്റാനുള്ള മാതാപിതാക്കൾ ശ്രമിച്ചെങ്കിലും നടന്നില്ല. ഒടുവിൽ കുട്ടിയുടെ പിതാവ് ജോലി ചെയ്യുന്ന മണ്ണുമാന്തിയന്ത്രത്തി‍െൻറ ഉടമസ്​ഥനെ സമീപിച്ചു. ഇയാൾ ഉടൻ കാറിൽ കുട്ടിയെയും എടുത്ത്​ കാഞ്ഞങ്ങാട് അഗ്​നി രക്ഷാനിലത്തിലേക്കു കുതിച്ചു.

ഇതിനിടെ ഇവർ അഗ്നിശമന സേനയെ വിളിച്ചറിയിച്ചിരുന്നു. കാഞ്ഞങ്ങാട് അഗ്​നിശമനരക്ഷ നിലയത്തിൽ ചൊവ്വാഴ്ച രാത്രി എ േട്ടാടെ കുട്ടിയെ എത്തിച്ചു. കുട്ടിയുടെ കൈവിരലിൽ കുടുങ്ങിയ തട്ട് മുക്കാൽ മണിക്കൂറോളം പരിശ്രമിച്ച് സേനാംഗങ്ങൾ മുറിച്ചുനീക്കുകയായിരുന്നു.

Show Full Article
TAGS:kasarkod neeleswaram 
Next Story