വീടൊഴിപ്പിക്കലിനെ ചൊല്ലി സംഘർഷം; കുടുംബത്തി​െൻറ ആത്മഹത്യാ ഭീഷണി

കൊച്ചി: ബാങ്ക്​ വായ്​പക്ക്​ ജാമ്യം നിന്നതിന്​ ​ഇടപള്ളിയിലെ പത്തടിപ്പാലം സ്വദേശിയുടെ വീടും പറമ്പുമൊഴിപ്പിക്കുന്നതിനെതിരെ നാട്ടുകാരുടെ പ്രതിഷേധം. ഹൈകോടതി ഉത്തരവ്​ പ്രകാര​ം മാനത്തുപാടത്ത്​ വീട്ടിൽ പ്രീത ഷാജിയുടെ വീട്​ ഒഴിപ്പിക്കാൻ വന്ന പൊലീസിന്​ മുന്നിൽവെച്ച്​ സമരക്കാർ പെട്രോളൊഴിച്ച്​​ആത്മഹത്യക്ക്​ ശ്രമിച്ചു. പെട്രോളും തീപന്തവുമായി നാട്ടുകാർ വീടിന്​ മുന്നിൽ സമരം തുടരുകയാണ്​.

വ​ർ​ഷ​ങ്ങ​ൾ​ക്കു​മു​മ്പ് പ്രീ​ത​യു​ടെ ഭ​​ര്‍ത്താ​​വ് ഷാ​​ജി അ​​ക​​ന്ന​​ബ​​ന്ധു​​വാ​​യ സാ​​ജ​​നു​​വേ​​ണ്ടി വാ​​യ്പ​​യെ​​ടു​​ക്കാ​​ന്‍ ജാ​​മ്യം നി​​ന്നി​രു​ന്നു. ആ​​ലു​​വ ലോ​​ര്‍ഡ് കൃ​​ഷ്ണ ബാ​​ങ്കി​​ല്‍  22.5 സെ​​ൻ​റ്​ കി​​ട​​പ്പാ​​ടം ഈ​​ട് ന​ൽ​കു​ക​യും ചെ​യ്തു. എ​​ന്നാ​​ല്‍, ബാ​​ങ്കി​​ല്‍ സാ​​ജ​​ന്‍ തി​​രി​​ച്ച​​ട​​വ് മു​​ട​​ക്കി​​യ​​തോ​​ടെ വ​​ന്‍തു​​ക കു​​ടി​​ശ്ശി​​ക വ​രികയായിരുന്നു.

ഇന്ന്​ രാവിലെ ഏട്ടരക്കകം വീടൊഴിപ്പിച്ച്​ 11 മണിക്ക്​ കോടതി മുമ്പാകെ റിപ്പോർട്ട്​ നൽകണമെന്നായിരുന്നു കോടതി നിർദേശം. ഇതനുസരിച്ച്​ ആർ.ഡി.ഒയുടെ നേതൃത്വത്തിൽ വീടൊഴിപ്പിക്കാൻ എത്തിയതാണ്​ സംഘർഷത്തിൽ കലാശിച്ചത്​. സംഘർഷ സാധ്യത കണക്കിലെടുത്ത്​ ആർ.ഡി.ഒയുടെ നിർദേശപ്രകാരം പൊലീസ്​ കുടിയൊഴിപ്പിക്കാതെ പിൻവാങ്ങി.

ചിത്രം: ബൈജു കൊടുവള്ളി

 

എ​​ടു​​ക്കാ​​ത്ത വാ​​യ്പ​​യു​​ടെ പേ​​രി​​ല്‍ 24 വ​​ര്‍ഷ​​മാ​​യി ബാ​​ങ്കി​​നാ​​ല്‍ വേ​​ട്ട​​യാ​​ട​​പ്പെ​​ട്ട് ദു​​രി​​ത​​ജീ​​വി​​തം ന​​യി​​ക്കേ​​ണ്ടി​​വ​​ന്ന വീ​​ട്ട​​മ്മ​​യും കു​​ടും​​ബ​​വും ഒ​​രു​വ​​ര്‍ഷ​​മാ​​യി വീ​​ടി​​നു​​മു​​ന്നി​​ല്‍ ചി​​ത​​യൊ​​രു​​ക്കി പ്ര​​തി​​ഷേ​​ധ​​സ​​മ​​രം ന​​ട​​ത്തി​​വ​​രു​ന്ന​തി​നി​ടെ​യായിരുന്നു ബാങ്കി​​​​െൻറ ജപ്​തി ഉ​ത്ത​ര​വ്.

ഒ​​രു​ല​​ക്ഷം രൂ​​പ തി​​രി​​ച്ച​​ട​​ക്കാ​​ന്‍ ഷാ​​ജി ത​​യാ​​റാ​​യെ​​ങ്കി​​ലും ത​​ക​​ര്‍ന്ന ലോ​​ര്‍ഡ് കൃ​​ഷ്ണ ബാ​​ങ്കി​​നെ ഏ​​റ്റെ​​ടു​​ത്ത എ​​ച്ച്.​​ഡി.​​എ​​ഫ്.​​സി ബാ​​ങ്ക് അ​​ധി​​കൃ​​ത​​ര്‍ വ​​ന്‍ തു​​ക ആ​​വ​​ശ്യ​​പ്പെ​​ട്ട് ഷാ​​ജി​​യെ തി​​രി​​ച്ച​​യ​​ച്ചു. ര​​ണ്ടു​ല​​ക്ഷം രൂ​​പ​​യു​​ടെ വാ​​യ്പ 2.30 ​കോ​​ടി രൂ​​പ​​യാ​​യെ​​ന്നാ​​ണ് എ​​ച്ച്.​​ഡി.​​എ​​ഫ്.​​സി പ​​റ​​യു​​ന്ന​​ത്.

മ​​ര​​ണം​​വ​​രെ പ്രീ​​ത ഷാ​​ജി നി​​രാ​​ഹാ​​ര​​സ​​മ​​രം ആ​​രം​​ഭി​​ച്ചെ​​ങ്കി​​ലും 17 ദി​​വ​​സം ക​​ഴി​​ഞ്ഞ​​പ്പോ​​ള്‍ മു​​ഖ്യ​​മ​​ന്ത്രി​​യു​​ടെ ഓ​​ഫി​​സ് വി​​ഷ​​യ​​ത്തി​​ല്‍ ഇ​​ട​​പെ​​ടു​​മെ​​ന്ന് അ​​റി​​യി​​ച്ചു. ഇ​തോ​ടെ ​സ​​മ​​രം അ​​വ​​സാ​​നി​​പ്പി​ച്ചു.​ തു​ട​ർ​ന്ന്, സ്ഥ​​ലം വാ​​ങ്ങി​​യ ആ​​ല​​ങ്ങാ​​ട് സ്വ​​ദേ​​ശി എ​​ന്‍.​​എ​​ന്‍. ര​​തീ​​ഷ് ഒ​​ഴി​​പ്പി​​ക്കാ​​ന്‍ പൊ​​ലീ​​സ് സം​​ര​​ക്ഷ​​ണം ആ​​വ​​ശ്യ​​പ്പെ​​ട്ട് ന​​ല്‍കി​​യ ഹ​​ര​​ജി​​യെ​ത്തു​​ട​​ര്‍ന്നാ​​ണ് ഹൈ​​കോ​​ട​​തി​​യു​ടെ ഉ​ത്ത​ര​വ്.

ഒ​​ഴി​​പ്പി​​ക്കു​​മ്പോ​​ള്‍ പ്ര​​ശ്‌​​ന​​സാ​​ധ്യ​​ത​​യു​​ണ്ടെ​​ന്നും അ​​തി​​നാ​​ല്‍ ര​​ണ്ടാ​​ഴ്ച​കൂ​​ടി അ​​നു​​വ​​ദി​​ക്ക​​ണ​​മെ​​ന്നും സ​​ര്‍ക്കാ​​ര്‍ കോ​​ട​​തി​​യി​​ല്‍ ആ​​വ​​ശ്യ​​പ്പെ​​ട്ടെ​​ങ്കി​​ലും ചീ​​ഫ് ജ​​സ്​​റ്റി​​സ് അ​​ധ്യ​​ക്ഷ​​നാ​​യ ഡി​​വി​​ഷ​​ന്‍ ബെ​​ഞ്ച് അ​​നു​​വ​​ദി​​ച്ചി​​രു​​ന്നി​​ല്ല.