Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഐസ്​ക്രീം പാർലർ കേസ്​: ...

ഐസ്​ക്രീം പാർലർ കേസ്​: അച്യുതാനന്ദൻ വീണ്ടും ഹൈകോടതിയിൽ

text_fields
bookmark_border
ഐസ്​ക്രീം പാർലർ കേസ്​: അച്യുതാനന്ദൻ വീണ്ടും ഹൈകോടതിയിൽ
cancel
കൊച്ചി: ഐസ്​ക്രീം പാർലർ കേസ്​ അട്ടിമറിക്കാൻ ശ്രമിച്ചെന്ന കേസിൽ നടപടികൾ അവസാനിപ്പിച്ച മജിസ്​ട്രേറ്റ്​ കോടതി നടപടിക്കെതിരെ വി.എസ്​ അച്യുതാനന്ദൻ ഹൈകോടതിയിൽ. കേസ്​ അട്ടിമറിക്കാൻ കുഞ്ഞാലിക്കുട്ടി ശ്രമിച്ചെന്ന ബന്ധു കെ.എ. റഉൗഫി​​െൻറ വെളിപ്പെടുത്തലിനെ തുടർന്ന്​ കോഴിക്കോട് ടൗണ്‍ പൊലീസ് 2011ല്‍ രജിസ്​റ്റര്‍ ചെയ്​ത കേസിലെ നടപടികൾ അവസാനിപ്പിച്ച്​ 2017 ഡിസംബര്‍ 23ന്​ കോഴിക്കോട് ജുഡീഷ്യൽ ഫസ്​റ്റ്​ ക്ലാസ്​ മജിസ്​ട്രേറ്റ്​ കോടതി ഉത്തരവ്​ പുറപ്പെടുവിച്ചതി​നെതിരെയാണ്​ ഹരജി​. ഹൈകോടതി എതിർകക്ഷി​കളോട്​ വിശദീകരണം തേടിയിട്ടുണ്ട്​.

2011 ജനുവരി 28ന് വാർത്തസമ്മേളനത്തിൽ റഉൗഫ്​ നടത്തിയ വെളിപ്പെടുത്തലി​​െൻറ അടിസ്​ഥാനത്തിലാണ്​ ടൗൺ പൊലീസ്​ കേസെടുത്തത്​. കേസിൽനിന്ന് രക്ഷപ്പെടാൻ ജുഡീഷ്യൽ ഉദ്യോഗസ്​ഥരെ പോലും സ്വാധീനിച്ചതായ​ുള്ള വെളിപ്പെടുത്തലിനെ തുടർന്ന്​ കുഞ്ഞാലിക്കുട്ടിയെ ഒന്നും റഉൗഫിനെ രണ്ടും പ്രതികളാക്കി കോഴിക്കോട് ടൗൺ പൊലീസ്​ കേസ്​ രജിസ്​റ്റർ ചെയ്യുകയായിരുന്നു. വി.എസ്​  മുഖ്യമന്ത്രിയായിരിക്കെയായിരുന്നു ഇത്. ഇതിനിടെ യു.ഡി.എഫ് ഭരണം വന്നതോടെ നിഷ്പക്ഷ അന്വേഷണം ഇല്ലാതായെന്ന് ചൂണ്ടിക്കാട്ടി അച്യുതാനന്ദൻ ഹൈകോടതിയെ സമീപിച്ചു.

പ്രത്യേക സംഘത്തി​െൻറ അന്വേഷണം കാര്യക്ഷമമല്ലെന്നും സർക്കാറി​െൻറ ഇടപെടലുണ്ടാകുന്നുവെന്നും ആരോപിച്ച്​ നൽകിയ ഹരജി കോടതി തള്ളുകയും ചെയ്​തു. ഇതി​െനതിരെ സുപ്രീം കോടതിയെ സമീപിച്ചെങ്കിലും തള്ളി. ഹരജിക്കാ​ര​​െൻറ വാദത്തിൽ ന്യായമായ നിലപാട് സ്വീകരിക്കണമെന്നും ഹൈകോടതി നടത്തിയ പരാമർശങ്ങൾ സ്വാധീനിക്കരുതെന്നും വ്യക്തമാക്കി വിഷയം മജിസ്ട്രേറ്റ്​ കോടതിക്ക് സുപ്രീംകോടതി തിരിച്ചയച്ചു. എന്നാൽ, മജിസ്ട്രേറ്റ്​ കോടതി ഇതു പരിഗണിക്കാതെ തെറ്റായ നിഗമനത്തിലെത്തിയെന്നും അന്വേഷണം അവസാനിപ്പിച്ച്  പൊലീസ് നൽകിയ റിപ്പോർട്ട് അംഗീകരിച്ച് വിധി പറഞ്ഞെന്നും വി.എസി​​െൻറ ഹരജിയിൽ പറയുന്നു.

രാഷ്​ട്രീയ സ്വാധീനമുള്ളവര്‍ നീതിന്യായ വ്യവസ്​ഥയെ അട്ടിമറിച്ചത് എങ്ങനെയെന്ന്​​ പ്രത്യേക അന്വേഷണ സംഘം പരിശോധിച്ചില്ല. കേസ്​ അട്ടിമറിക്കാൻ ഇരകള്‍ക്ക് ലക്ഷങ്ങളാണ് പ്രതികൾ നല്‍കിയത്. വിചാരണ കഴിഞ്ഞയുടന്‍ ഇരകളെ ലണ്ടനിലേക്ക് കടത്തുകയും ചെയ്തു. ഇക്കാര്യങ്ങളെല്ലാം പരിഗണിച്ച്​ ജെ.എഫ്​​.സി.എം കോടതി ഉത്തരവ്​ റദ്ദാക്കണമെന്നാണ്​ ഹരജിയിലെ ആവശ്യം. കേസ്​ അവസാനിപ്പിക്കുന്നതായുള്ള റിപ്പോർട്ട്​ അംഗീകരിക്കാൻ അനുവദിക്കരുതെന്നും ഹരജിയിൽ ആവശ്യപ്പെടുന്നു.
Show Full Article
TAGS:Ice cream case pk kunjalikkutty vs achudanandan kerala news malayalam news 
News Summary - ice cream case- kerala news
Next Story