ഹാദിയയെ തിരിച്ചു കിട്ടാനുള്ള യുദ്ധത്തിൽ വിജയിച്ചു- ശഫിൻ ജഹാൻ

ന്യൂഡൽഹി: ഭാര്യയെ തിരിച്ചു കിട്ടാനുള്ള യുദ്ധത്തിൽ വിജയം കൈവരിച്ചുവെന്ന്​ ശഫിൻ ജഹാൻ. ഹാദിയയെ കാണുന്നതിൽ ഒരു തടസവും കോടതി ഉന്നയിച്ചിട്ടില്ല. അതിനാൽ എത്രയും നേരത്തെ സേലത്തെ കോളജിൽ​ ചെന്ന്​ ഹാദിയയെ കാണും. താൻ ഭർത്താവാണ്​ എന്നത്​ അവൾ വീണ്ടും ഉറപ്പിച്ചതിൽ സന്തുഷ്​ടനാണ്​. മാസങ്ങളായി വീട്ടിൽ പീഡനങ്ങൾക്കിരയാവുകയായിരുന്നു അവൾ. തനിക്കും ഇസ്​ലാമിനുമെതിരെ പറയിപ്പിക്കാൻ അവർ തീവ്രശ്രമം നടത്തി. എന്നാൽ ഭർത്താവിനെ അവൾ തള്ളിപ്പറയില്ലെന്ന്​ തനിക്ക്​ ഉറപ്പുണ്ടായിരുന്നെന്നും ശഫിൻ ജഹാൻ പറഞ്ഞു. ഹാദിയയെ പിതാവിൽ നിന്ന്​ മോചിപ്പിച്ച്​ പഠനം തുടരാൻ അനുവദിച്ച കോടതിവിധി വന്ന ശേഷം ഇന്ത്യൻ എക്​സ്​പ്രസിനോട്​ സംസാരിക്കുകയായിരുന്നു ​ശഫിൻ. 

കഴിഞ്ഞ വർഷം മാർച്ചിലാണ്​ അവസാനമായി ഇരുവരും കണ്ടത്​. മെയ്​ 24ന്​ കോടതി വിവാഹം റദ്ദാക്കിയ ശേഷം രക്ഷിതാക്കൾക്കൊപ്പം വൈക്കത്തെ വീട്ടിലായിരുന്നു ഹാദിയ. കോട്ടയത്തെ അവളുടെ വീടിനു സമീപത്തു പോലും പോകാൻ പൊലീസ്​ തന്നെ അനുവദിച്ചിരുന്നില്ലെന്ന്​ ശഫിൻ ആരോപിക്കുന്നു. അവൾക്ക്​ വീട്ടഡ്രസിൽ താനയച്ച കത്തുകൾ തിരികെ വന്നു. ​​ത​​െൻറ ​െഎ.എസ്​ ബന്ധമെന്നത്​ എൻ.​െഎ.എ തുടക്കം മുതൽ ആരോപിക്കുന്ന അടിസ്​ഥാന രഹിതമായ വാദമാണെന്നും ശഫിൻ ജഹാൻ പറഞ്ഞു.

അതേസമയം, മകളോടൊപ്പം സേലത്തേക്കില്ലെന്നും താനും ഭാര്യയും വീട്ടിലേക്ക്​ മടങ്ങുകയാണെന്നും ഹാദിയയു​െട പിതാവ്​ അശോകൻ പറഞ്ഞു.  കോടതിവിധി​െയ ബഹുമാനിക്കുന്നു. പൊലീസ്​ ഉദ്യോഗസ്​ഥർ അവളു​െട സുരക്ഷ ഏറ്റെടുക്കും. അവൾ പഠനം തുടരുന്നതിൽ സന്തോഷമു​െണ്ടന്നും അശോകൻ കൂട്ടിച്ചേർത്തു.