‘ഭൂമിയിലെ മാലാഖയോടൊപ്പം കുറച്ചുകാലം ഒന്നിച്ച് ജീവിക്കാൻ പറ്റിയ ഞാൻ ഭാഗ്യവാൻ’
text_fieldsകോഴിക്കോട്: നിപ വൈറസിനെതിരായ പോരാട്ടത്തിൽ ജീവൻ നഷ്ടപ്പെട്ട സിസ്റ്റർ ലിനിയുെട ഓർമക്ക് ഇന്ന് രണ്ട് വയസ്സ്. ഭൂമിയിലെ മാലാഖയോടൊപ്പം കുറച്ചുകാലം ഒന്നിച്ച് ജീവിക്കാൻ പറ്റിയ താൻ ഭാഗ്യവാനാണെന്ന് ലിനിയുടെ ഭർത്താവ് സജീഷ് ഫേസ്ബുക്കിൽ കുറിച്ചു.
ലിനി പകർന്ന് നൽകിയ കരുതലും കാണിച്ച ആത്മസമർപ്പണവും മാതൃകയുമാണ് ഈ കോവിഡിെൻറ മുമ്പിലും തങ്ങൾക്ക് ധൈര്യം നൽകുന്നത്. ലിനി അവസാനമായി കുറിച്ചിട്ട വാക്കുകൾ തങ്ങൾക്കുള്ള ജീവിതമാണെന്നും ലിനി ഒരിക്കലും മരിക്കുകയില്ലെന്നും സജീഷ് കുറിച്ചു.
സജീഷിെൻറ ഫേസ്ബുക്ക് പോസ്റ്റിെൻറ പൂർണരൂപം:
ലിനി.... നിെൻറ വേർപാടിന് ഇന്ന് രണ്ട് വയസ്. ലോകം ഇന്ന് മറ്റൊരു വൈറസിനോട് പൊരുതികൊണ്ടിരിക്കുകയാണ്. നീ പകർന്ന് നൽകിയ കരുതൽ, നീ കാണിച്ച ആത്മസമർപ്പണം, നീ കാണിച്ച മാതൃക ഇന്നീ കോവിഡിെൻറ മുൻപിലും ഞങ്ങൾക്ക് ധൈര്യം നൽകുന്നു.
നീ അവസാനം കുറിച്ചിട്ട വാക്കുകൾ ഞങ്ങൾക്കുളള ജീവിതമാണ്. റിതുലും സിദ്ധാർത്ഥും എല്ലാം തിരിച്ചറിയാൻ തുടങ്ങിയിരിക്കുന്നു. രണ്ട് പേരും നിെൻറ ആഗ്രഹം പോലെ ഗൾഫിൽ പോയി സന്തോഷത്തോടെ തിരിച്ച് വന്നു. ഒരു കാര്യത്തിൽ ഞാൻ ഭാഗ്യവാൻ ആണ്, ഭൂമിയിലെ മാലാഖയോടൊപ്പം കുറച്ചുകാലം ഒന്നിച്ച് ജീവിക്കാൻ പറ്റിയതിന്.
മരിക്കുകയില്ല നീ ലിനി....
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.