സർക്കാരുമായി തർക്കത്തിനില്ല; വഴികാട്ടാനല്ല, സഹായിക്കാനാണ് വരുന്നത് -നിയുക്ത ഗവർണർ ആർലെക്കർ

പനാജി: സർക്കാരുമായി തർക്കത്തിനില്ലെന്ന് നിയുക്ത കേരള ഗവർണർ രാ​ജേ​ന്ദ്ര വി​ശ്വ​നാ​ഥ് ആ​ർ​ലേ​ക്ക​ർ. സർക്കാറിന് നിർദേശങ്ങൾ നൽകാനോ വഴി കാട്ടാനോ ഉദ്ദേശിക്കുന്നില്ലെന്ന് അ​​ദ്ദേഹം പറഞ്ഞു. സർക്കാറിനെ സഹായിക്കാനാണ് താൻ വരുന്നതെന്നും ആർലേക്കർ കൂട്ടിച്ചേർത്തു. കേരളത്തിലേക്ക് തിരിക്കുന്നതിന് തൊട്ടുമുൻപ് ഗോവ ഗവർണർ പി.എസ്. ശ്രീധരൻ പിള്ളയെ സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

പു​തി​യ കേ​ര​ള ഗ​വ​ർ​ണ​റാ​യി ആ​ർ​ലേ​ക്ക​ർ വ്യാ​ഴാ​ഴ്ച സ​ത്യ​പ്ര​തി​ജ്ഞ ചെ​യ്ത്​ അ​ധി​കാ​ര​മേ​ൽ​ക്കും. രാ​വി​ലെ 10.30ന് ​രാ​ജ്ഭ​വ​ൻ ഓ​ഡി​റ്റോ​റി​യ​ത്തി​ൽ ന​ട​ക്കു​ന്ന ച​ട​ങ്ങി​ൽ കേ​ര​ള ഹൈ​കോ​ട​തി ചീ​ഫ് ജ​സ്റ്റി​സ് ജ​സ്റ്റി​സ് നി​തി​ൻ മ​ധു​ക​ർ ജം​ദാ​ർ മു​മ്പാ​കെ സ​ത്യ​വാ​ച​കം ചൊ​ല്ലി പു​തി​യ ഗ​വ​ർ​ണ​ർ അ​ധി​കാ​ര​മേ​ൽ​ക്കും.

ഇന്ന് വൈ​കീ​ട്ട് അ​ഞ്ചി​ന്​ തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ലെ​ത്തു​ന്ന നി​യു​ക്ത ഗ​വ​ർ​ണ​റെ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, സ്പീ​ക്ക​ർ എ.​എ​ൻ. ഷം​സീ​ർ, മ​ന്ത്രി​മാ​ർ തു​ട​ങ്ങി​യ​വ​ർ ചേ​ർ​ന്ന് സ്വീ​ക​രി​ക്കും. സ​ത്യ​പ്ര​തി​ജ്ഞ​ക്കു​ശേ​ഷം രാ​ജ്​​ഭ​വ​നി​ൽ ചാ​യ സ​ൽ​ക്കാ​ര​വും ഒ​രു​ക്കി​യി​ട്ടു​ണ്ട്.