‘ഹൈജീൻ കിറ്റ്’ നൽകാൻ അടിവസ്ത്ര അളവ് ചോദിച്ച് സർക്കുലർ; വി​വാ​ദ​മാ​യ​പ്പോ​ൾ തി​രു​ത്തി

ക​ണ്ണൂ​ർ: പ​ട്ടി​ക​വ​ർ​ഗ വി​ദ്യാ​ർ​ഥി​നി​ക​ൾ​ക്ക് ഹൈ​ജീ​ൻ കി​റ്റ് ന​ൽ​കു​ന്ന​തി​ന് അ​ടി​വ​സ്ത്ര​ത്തി​ന്റെ അ​ള​വ് ആ​വ​ശ്യ​പ്പെ​ട്ട് സ​ർ​ക്കു​ല​ർ. വ്യാ​പ​ക വി​മ​ർ​ശ​ന​ത്തി​നൊ​ടു​വി​ൽ തി​രു​ത്ത​ൽ. വി​ദ്യാ​ർ​ഥി​നി​ക​ൾ​ക്ക് ഹൈ​ജീ​ൻ കി​റ്റ് ന​ൽ​കു​ന്ന​തു​മാ​യി ബ​ന്ധ​പ്പെ​ട്ട് ക​ണ്ണൂ​ർ ജി​ല്ല പ​ഞ്ചാ​യ​ത്ത് ഹ​യ​ർ സെ​ക്ക​ൻ​ഡ​റി മേ​ഖ​ല ഡെ​പ്യൂ​ട്ടി ഡ​യ​റ​ക്ട​ർ​ക്ക് ന​ൽ​കി​യ ക​ത്താ​ണ് വി​വാ​ദ​മാ​യ​ത്. അ​ടി​വ​സ്ത്ര​ത്തി​ന്റെ അ​ള​വ് എ​ന്ന​ത് ഒ​ഴി​വാ​ക്കി കു​ട്ടി​ക​ളു​ടെ എ​ണ്ണം എ​ന്നാ​ണ് പു​തി​യ സ​ർ​ക്കു​​ല​റി​ലു​ള്ള​ത്.

ഹൈ​ജീ​ൻ കി​റ്റ് ന​ൽ​കു​ന്ന​തി​ന് 11, 12 ക്ലാ​സു​ക​ളി​ലെ പ​ട്ടി​ക​വ​ർ​ഗ വി​ദ്യാ​ർ​ഥി​നി​ക​ളു​ടെ അ​ടി​വ​സ്ത്ര​ത്തി​ന്റെ അ​ള​വ്, ക്ലാ​സ് തി​രി​ച്ചു​ള്ള എ​ണ്ണം എ​ന്നി​വ ട്രൈ​ബ​ൽ എ​ക്സ്റ്റ​ൻ​ഷ​ൻ ഓ​ഫി​സു​ക​ളി​ലോ ജി​ല്ല പ​ഞ്ചാ​യ​ത്ത് ഓ​ഫി​സി​ലോ ല​ഭ്യ​മാ​ക്കു​ന്ന​തി​ന് സ്കൂ​ൾ ഹെ​ഡ്മാ​സ്റ്റ​ർ-​പ്രി​ൻ​സി​പ്പ​ൽ എ​ന്നി​വ​ർ​ക്ക് നി​ർ​ദേ​ശം ന​ൽ​ക​ണ​മെ​ന്ന് അ​ഭ്യ​ർ​ഥി​ച്ചാ​ണ് ജി​ല്ല പ​ഞ്ചാ​യ​ത്ത് ഡി.​ഡി.​ഇ​ക്കും ആ​ർ.​ഡി.​ഡി​ക്കും ക​ത്ത് ന​ൽ​കി​യ​ത്.

ക​ത്തി​ന്റെ പ​ക​ർ​പ്പ് നി​മി​ഷ​ങ്ങ​ൾ​ക്ക​കം ഹെ​ഡ്മാ​സ്റ്റ​ർ-​പ്രി​ൻ​സി​പ്പ​ൽ​മാ​രു​ടെ വാ​ട്സ്ആ​പ് ഗ്രൂ​പ്പു​ക​ളി​ൽ പ്ര​ച​രി​ച്ചു. ജാ​തീ​യ​മാ​യി അ​ധി​ക്ഷേ​പി​ക്കു​ന്ന പ​രാ​മ​ർ​ശ​മാ​ണി​തെ​ന്ന നി​ല​ക്കും വി​മ​ർ​ശ​നം ഉ​യ​ർ​ന്നു. ഇ​തോ​ടെ പ​ട്ടി​ക​വ​ർ​ഗ പ്രോ​ജ​ക്ട് ഓ​ഫി​സ​റി​ൽ​നി​ന്ന് ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് വി​ശ​ദീ​ക​ര​ണ​വും തേ​ടി. മൂ​ന്നു​ദി​വ​സ​ത്തി​ന​കം വി​ശ​ദീ​ക​ര​ണം ന​ൽ​കാ​നാ​ണ് നി​ർ​ദേ​ശം. എ​ട്ടു മു​ത​ൽ 12 വ​രെ​യു​ള്ള ക്ലാ​സു​ക​ളി​ലെ വി​ദ്യാ​ർ​ഥി​നി​ക​ൾ​ക്ക് സോ​പ്, നാ​പ്കി​ൻ, അ​ണു​നാ​ശി​നി, അ​ടി​വ​സ്ത്രം എ​ന്നി​വ​യ​ട​ങ്ങു​ന്ന 500 രൂ​പ വ​രു​ന്ന കി​റ്റ് ന​ൽ​കു​ന്ന​താ​ണ് ഹൈ​ജീ​ൻ കി​റ്റ് പ​ദ്ധ​തി. ക​ണ്ണൂ​ർ ജി​ല്ല പ​ഞ്ചാ​യ​ത്ത് ആ​ദ്യ​മാ​യി ന​ട​പ്പാ​ക്കു​ന്ന പ​ദ്ധ​തി​ക്ക് അ​ഞ്ച് ല​ക്ഷം രൂ​പ​യാ​ണ് വ​ക​യി​രു​ത്തി​യ​ത്. സ​ദു​ദ്ദേ​ശ്യ​ത്തോ​ടെ​യാ​ണ് സ​ർ​ക്കു​ല​ർ ത​യാ​റാ​ക്കി​യ​തെ​ന്നും ഭാ​ഷാ​പ​ര​മാ​യ പി​ഴ​വാ​ണി​തെ​ന്നും അ​ത് തി​രു​ത്തി​യി​ട്ടു​ണ്ടെ​ന്നും ജി​ല്ല പ​ഞ്ചാ​യ​ത്ത് അ​ധി​കൃ​ത​ർ പ്ര​തി​ക​രി​ച്ചു.