You are here

ശബരിമല ദർശനം: വീട്ടിലെത്തിയ കനകദുർഗക്ക്​​ ഭര്‍തൃമാതാവി​െൻറ മർദനം

10:27 AM
15/01/2019

​പെരിന്തല്‍മണ്ണ/കോഴിക്കോട്: ശബരിമല ദര്‍ശനത്തിലൂടെ വാർത്തകളിൽ നിറഞ്ഞ അങ്ങാടിപ്പുറം സ്വദേശിനി കനകദുര്‍ഗയെ (38) ഭര്‍തൃമാതാവ് മർദിച്ചതായി പരാതി. വീട്ടിൽ കയറുന്നത്​ തടഞ്ഞ ഭര്‍തൃമാതാവ്, തന്നെ തലക്കടിച്ച്​ പരിക്കേൽപിച്ചതായി കനകദുർഗ പറഞ്ഞു. തുടർന്ന്​ പെരിന്തൽമണ്ണയിലെ ജില്ല ആശുപത്രിയില്‍ ചികിത്സ തേടിയ ഇവരെ മഞ്ചേരി മെഡിക്കൽ കോളജ്​ ആശുപത്രിയിലേക്കും പിന്നീട്​ കോഴിക്കോട്​ ​െമഡിക്കൽ കോളജിലേക്കും മാറ്റി. 
ചൊവ്വാഴ്ച രാവിലെ ഏഴരയോടെയായിരുന്നു സംഭവം. ഡിസംബർ 21ന്​ വൈകീട്ട്​ വീട്ടിൽനിന്ന്​ പോയ കനകദുർഗ ചൊവ്വാഴ്​ചയാണ്​ തിരിച്ചെത്തിയത്​. വീട്ടിൽ പ്രവേശിച്ചപ്പോൾ ഭര്‍തൃമാതാവ് പട്ടികകൊണ്ട് അടിച്ചതായാണ്​ മൊഴി​.

തലക്കും തോളെല്ലിനും ചെവിക്കും കാലിനും പരിക്കുണ്ട്​. തലകറക്കമുണ്ടായ തന്നെ വീടിന് പുറത്താക്കി ഭര്‍തൃമാതാവ് വാതിലടച്ചെന്നും പുറത്ത്​ കാവലുണ്ടായിരുന്ന പൊലീസി​​​െൻറ സഹായത്താൽ ജില്ല ആശുപത്രിയിലെത്തുകയായിരുന്നെന്നും അവർ പറഞ്ഞു. തടഞ്ഞുവെക്കൽ, മർദിക്കൽ എന്നീ വകുപ്പുകളിൽ പെരിന്തൽമണ്ണ പൊലീസ്​ കേസെടുത്തു.

ശബരിമല ദർശനത്തി​​​െൻറ പേരിൽ പ്രതിഷേധം നടന്നതിനാൽ​ ഇവരുടെ വീടിന്​ പൊലീസ്​ കാവലുണ്ട്​​. സിവിൽ സപ്ലൈസ്​ കോർപറേഷ​നിൽ അസി. സെയിൽസ്​ മാനേജറായ​ കനകദുർഗ അവധി​ കഴിഞ്ഞതിനാൽ ജോലിയിൽ പ്രവേശിക്കാനായാണ്​ 26 ദിവസത്തിന്​ ശേഷം വീട്ടിലെത്തിയത്​. സംഭവസമയത്ത്​ ഭർത്താവ്​ ക്ഷേത്രദർശനത്തിനും മക്കൾ ട്യൂഷനും പോയതായിരുന്നു.

പത്തിലധികം പൊലീസ്​ വാഹനങ്ങളുടെ അകമ്പടിയോടെയാണള​ ഉച്ചക്ക്​ 1.30ന്​ കനകദുർഗയെ കോഴിക്കോ​െട്ടത്തിച്ചത്​. പരിക്ക്​ ഗുരുതരമല്ലെന്നും പരിശോധനയിൽ കാര്യമായ പ്രശ്​നങ്ങളില്ലെന്നും മെഡിക്കൽ കോളജ്​ സൂപ്രണ്ട്​ ഡോ. കെ.ജി. സജീത് കുമാർ പറഞ്ഞു. പരിശോധനയുമായി ബന്ധ​പ്പെട്ട മറ്റു റിപ്പോർട്ടുകൾ ബുധനാഴ്​ച രാവിലെ  ലഭിക്കുമെന്നും അദ്ദേഹം കൂട്ടിച്ചേർത്തു. ​

അതേസമയം, വീട്ടിൽ കയറുന്നത്​ തടഞ്ഞപ്പോൾ തള്ളിത്താഴെയിട്ടതായി കാണിച്ച്​ ഭർതൃമാതാവ്​ അങ്ങാടിപ്പുറം തിരുമാന്ധാംകുന്നിലെ പാറക്കോട്ട്​ സുമതിയമ്മ (70) പെരിന്തൽമണ്ണയിലെ ജില്ല ആശുപത്രിയില്‍ ചികിത്സ തേടി. ചൊവ്വാഴ്​ച രാവിലെ മറ്റ്​ ചിലര്‍ക്കൊപ്പമെത്തിയ കനകദുര്‍ഗ വീട്ടിൽ കയറുന്നത്​ താന്‍ തട​െഞ്ഞന്നും ഇതിനിടെ തന്നെ തള്ളിത്താഴെയിടുകയായിരുന്നെന്നും ഭർതൃമാതാവ്​ സുമതിയമ്മ പറഞ്ഞു. വീണ താന്‍ എഴുന്നേറ്റുവന്ന് കനകദുര്‍ഗയെ തള്ളിപ്പുറത്താക്കി വാതിലടക്കുകയായിരുന്നു- അവർ പറഞ്ഞു.  

Loading...
COMMENTS