പെന്തക്കോസ്‌ത്​ വിശ്വാസിയായതിന്​ ഭാര്യയെ വെട്ടിക്കൊന്ന ഭർത്താവ് കുറ്റക്കാരൻ

തി​രു​വ​ന​ന്ത​പു​രം: ഭാ​ര്യ​യെ വെ​ട്ടി​ക്കൊ​ന്ന കേ​സി​ൽ വി​ചാ​ര​ണ നേ​രി​ട്ട ഭ​ർ​ത്താ​വ്​ കു​റ്റ​ക്കാ​ര​നാ​ണെ​ന്ന്​ കോ​ട​തി ക​ണ്ടെ​ത്തി. ശി​ക്ഷ ബു​ധ​നാ​ഴ്​​ച​ വി​ധി​ക്കും. നെ​ടു​വി​ള വീ​ട്ടി​ൽ ചെ​ല്ല​മ്മ​യു​ടെ മ​ക​ൾ എ​സ്താ​ർ (50) കൊ​ല്ല​പ്പെ​ട്ട കേ​സി​ലാ​ണ്​ ഭ​ർ​ത്താ​വ്​ നെ​യ്യാ​റ്റി​ൻ​ക​ര മാ​മ്പ​ഴ​ക്ക​ര നെ​ടു​വി​ള പു​ത്ത​ൻ​വീ​ട്ടി​ൽ വ​ത്സ​ല​നെ (52) കോ​ട​തി കു​റ്റ​ക്കാ​ര​നാ​ണെ​ന്ന്​ ക​ണ്ടെ​ത്തി​യ​ത്.

2011 ന​വം​ബ​ർ നാ​ലി​ന്​ രാ​വി​ലെ 11നാ​ണ് കേ​സി​നാ​സ്​​പ​ദ​മാ​യ സം​ഭ​വം. ഇ​രു​പ​ത് വ​ർ​ഷം ഗ​ൾ​ഫി​ലാ​യി​രു​ന്ന വ​ത്സ​ല​ൻ കൊ​ല​ന​ട​ക്കു​ന്ന​തി​ന് മാ​സ​ങ്ങ​ൾ​ക്ക് മു​മ്പാ​ണ് നാ​ട്ടി​ലെ​ത്തി​യ​ത്. വ​ത്സ​ല​നും കു​ടും​ബ​വും റോ​മ​ൻ കാ​ത്ത​ലി​ക്സ് വി​ശ്വ​സി​ക​ളാ​യി​രു​ന്നു. എ​ന്നാ​ൽ വ​ത്സ​ല​ൻ വി​ദേ​ശ​ത്താ​യി​രു​ന്ന​പ്പോ​ൾ ഭാ​ര്യ എ​സ്താ​ർ പെ​ന്ത​ക്കോ​സ്​​തി​ൽ ചേ​ർ​ന്നു. പെ​ന്ത​ക്കോ​സ്‌​ത്​ പ​ള്ളി​യി​ൽ പ്രാ​ർ​ഥ​ന​ക്ക്​ പോ​കു​ന്ന​തു​മാ​യി ബ​ന്ധ​പ്പെ​ട്ട് ഇ​രു​വ​രും ത​മ്മി​ൽ നി​ര​ന്ത​രം വ​ഴ​ക്കു​മു​ണ്ടാ​യി​രു​ന്നു. ഇതാണ്​ കൊലപാതകത്തിലേക്ക്​ നയിച്ചത്​

തി​രു​വ​ന​ന്ത​പു​രം ആ​റാം അ​ഡീ​ഷ​ന​ൽ കോ​ട​തി ജ​ഡ്‌​ജ്​ പി.​എ​ൻ. സീ​ത​യാ​ണ് കേ​സ് പ​രി​ഗ​ണി​ക്കു​ന്ന​ത്.