Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightരണ്ടാം ഭാര്യയെ കൊന്ന്...

രണ്ടാം ഭാര്യയെ കൊന്ന് ചാക്കിൽ കെട്ടി വഴിയരികിൽ തള്ളി; ഭർത്താവ്​ അറസ്​റ്റിൽ

text_fields
bookmark_border
രണ്ടാം ഭാര്യയെ കൊന്ന് ചാക്കിൽ കെട്ടി വഴിയരികിൽ തള്ളി; ഭർത്താവ്​ അറസ്​റ്റിൽ
cancel
camera_alt

അറസ്​റ്റിലായ മധുസൂദനൻ ഉണ്ണിത്താൻ, കൊല്ലപ്പെട്ട സുശീല

പന്തളം: രണ്ടാം ഭാര്യയെ കൊന്ന് വഴിയരികിൽ ഉപേക്ഷിച്ച ഭർത്താവിനെ പന്തളം പൊലീസ് അറസ്​റ്റ്​ ചെയ്തു. പന്തളം കുരമ്പാല പറയൻറയ്യത്ത് കുറിയമുളയ്ക്കൽ മധുസൂദനൻ ഉണ്ണിത്താനാണ്​ (52) പിടിയിലായത്. ഇയാളുടെ ഭാര്യ അട്ടത്തോട് പാറയ്ക്കൽ വീട്ടിൽ സുശീലയാണ്​ (58) കൊല്ലപ്പെട്ടത്.

കൊലപാതക​െത്തക്കുറിച്ച്​ അന്വേഷണം ആരംഭിച്ച് ആറ്​ മണിക്കൂറിനകം​ പ്രതിയെ അറസ്​റ്റ്​ ചെയ്യാനായെന്ന്​ ജില്ല പൊലീസ് മേധാവി കെ.ജി. സൈമൺ പന്തളത്ത് വാർത്തസമ്മേളനത്തിൽ പറഞ്ഞു. മധുസൂദന​െൻറ രണ്ടാം ഭാര്യയാണ് മരിച്ച സുശീല. ആദ്യ ഭാര്യയുടെ മരണത്തെത്തുടർന്നാണ്​ മധുസൂദനൻ ഇവരെ വിവാഹം ചെയ്​തത്. അട്ടത്തോട് ദേവസ്വം ബോർഡ് വക എസ്​റ്റേറ്റിലെ ജീവനക്കാരിയായിരുന്നു സുശീല. അവിടെവെച്ച്​ പരിചയപ്പെട്ട ഇരുവരും അഞ്ചുവർഷംമുമ്പാണ് പന്നിവിഴ മഹാദേവർ ക്ഷേത്രത്തിൽ വിവാഹിതരായത്.

ജോലിയിൽനിന്ന്​ വിരമിച്ചപ്പോൾ സുശീലക്ക്​ ലഭിച്ച മൂന്നുലക്ഷം രൂപയിൽനിന്ന്​ രണ്ടുലക്ഷം രൂപ ഉപയോഗിച്ചാണ് അടൂർ ആനന്ദപ്പള്ളി സ്വദേശിയായ മധുസൂദനൻ കുരമ്പാലയിൽ സ്ഥലം വാങ്ങിയത്. ബാക്കി തുകയെച്ചൊല്ലിയുള്ള വഴക്കാണ്​ കൊലപാതകത്തിൽ കലാശിച്ചത്. മൃതദേഹം ചാക്കിൽ കെട്ടി ബുധനാഴ്ച പുലർച്ച അ​േഞ്ചാടെയാണ്​ സ്വന്തം ഓട്ടോറിക്ഷയിൽ കയറ്റി ഇടയാടി സ്കൂളിന്​ സമീപം ഇടവഴിയിൽ തള്ളിയത്.

നാട്ടുകാരിൽനിന്ന്​ വിവരമറിഞ്ഞ്​ സ്ഥലത്തെത്തിയ പൊലീസ് നടത്തിയ അന്വേഷണത്തിൽ പ്രതിയെ തിരിച്ചറിയുകയും ബുധനാഴ്ച രാത്രി അറസ്​റ്റ്​ ചെയ്യുകയുമായിരുന്നു. പ്രതിയെ അടൂർ കോടതിയിൽ ഹാജരാക്കി റിമാൻഡ് ചെയ്തു.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime NewsFamilicide
Next Story