നിരാഹാര സമരം: ഷാഫി പറമ്പിലിനെയും ശബരിനാഥിനെയും ആശുപത്രിയിലേക്ക് മാറ്റി

തിരുവനന്തപുരം: ഉദ്യോഗാർഥികൾക്ക്​ പിന്തുണയുമായി ഒമ്പത്​ ദിവസമായി സെക്ര​േട്ടറിയറ്റ്​ നടയിൽ നിരാഹാരം നടത്തിവന്ന എം.എൽ.എമാരായ ഷാഫി പറമ്പിലിനെയും കെ.എസ്.​ ശബരീനാഥനെയും ആരോഗ്യസ്ഥിതി മോശമായതിനെ തുടർന്ന്​ ആശുപത്രിയിലേക്ക്​ മാറ്റി. ഇരുവരുടെയും ഷുഗർനില അപകടകരമായ നിലയിലേക്ക് കുറയുകയാണെന്നും കടുത്ത നിർജലീകരണമുണ്ടെന്നുമുള്ള ഡോക്​ടർമാരുടെ വിലയിരുത്തലി​നെ തുടർന്നാണ്​ നടപടി.

പ്രതിപക്ഷ നേതാവ്​ രമേശ്​ ചെന്നിത്തല, മുൻ മുഖ്യമന്ത്രി ഉമ്മൻ ചാണ്ടി, കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ എന്നിവർ സമരപ്പന്തലിലെത്തിയാണ്​ നിരാഹാരം അവസാനിപ്പിച്ചത്​. ഇരുവരെയും തലസ്ഥാനത്ത സ്വകാര്യ ആശുപത്രിയിലേക്ക്​ മാറ്റി​.

അതേസമയം യൂത്ത്​ കോൺഗ്രസ്​ വൈസ്​ പ്രസിഡൻറുമാരായ എൻ.എസ്.​ നുസൂർ, റിജിൻ മാങ്കുറ്റി, റിയാസ്​ മുക്കോളി എന്നിവർ നിരാഹാരസമരത്തിൽ പ്രവേശിച്ചു.

സമരത്തിനിടെ യൂത്ത്​ കോൺഗ്രസ്​ പ്രവർത്തകർ വാഹനം തടയാൻ ശ്രമിച്ചത്​ പൊലീസുമായി നേരിയ സംഘർഷാവസ്ഥയുണ്ടാക്കി. പി.കെ. കുഞ്ഞാലിക്കുട്ടി, കെ. സുധാകരൻ എന്നിവർ സമരപ്പന്തലിലെത്തി. സെക്രട്ടേറിയറ്റ് പടിക്കൽ യൂത്ത് കോൺ​ഗ്രസുകാരെ മർദിച്ചത് കാക്കിയിട്ട ​ഗുണ്ടകളാണെന്ന് കെ. സുധാകരൻ ആരോപിച്ചു.