റെയിൽവേ ട്രാക്കിന് സമീപം മനുഷ്യന്‍റെ തലയോട്ടി കണ്ടെത്തി

കുമ്പള: കാസർകോട് കുമ്പളയിൽ റെയിൽവേ ട്രാക്കിന് സമീപം മനുഷ്യ തലയോട്ടിയും അസ്ഥിയുടെ ഭാഗങ്ങളും കണ്ടെത്തി. ബുധനാഴ്ച വൈകീട്ടോടെയാണ് ഷിറിയ പാലത്തിന് സമീപത്തായി തലയോട്ടിയും അസ്ഥിയുടെ ഭാഗങ്ങളും കണ്ടെത്തിയത്. കുമ്പള പൊലീസ് സ്ഥലത്തെത്തി പരിശോധന നടത്തി.

ഏകദേശം ആറുമാസത്തോളം പഴക്കമുള്ളതാണ് ഈ അവശിഷ്ടങ്ങളെന്ന് പൊലീസ് പറഞ്ഞു. ട്രെയിൻ തട്ടി മരിച്ചതോ തെറിച്ചുവീണ് മരിച്ചതോ ആയ ആളുടെ ശരീരഭാഗങ്ങൾ ആകാമെന്ന് പൊലീസ് കരുതുന്നു. പൊലീസ് വിശദമായ അന്വേഷണം നടത്തിവരുകയാണ്.