മനുഷ്യാവകാശ ദിനാഘോഷം: ചീഫ് ജസ്റ്റീസ് ഉദ്ഘാടനം ചെയ്യും

തിരുവനന്തപുരം : സംസ്ഥാന മനുഷ്യാവകാശ കമീഷൻ സംഘടിപ്പിക്കുന്ന മനുഷ്യാവകാശ ദിനാഘോഷം നാളെ. പാളയം അയ്യങ്കാളി ഹാളിൽ കേരള ഹൈക്കോടതി ചീഫ് ജസ്റ്റീസ്, ജസ്റ്റിസ് ആശിഷ് ജിതേന്ദ്ര ദേശായി രാവിലെ 10.30 ന് ഉദ്ഘാടനം ചെയ്യും.

കമീഷൻ ആക്ടിങ് ചെയർപേഴ്സണും ജുഡീഷ്യൽ അംഗവുമായ കെ. ബൈജുനാഥ് സമ്മേളനത്തിൽ അധ്യക്ഷത വഹിക്കും. കമീഷൻ അംഗം വി. കെ. ബീനാകുമാരി പ്രത്യേക പ്രഭാഷണം നടത്തും. മനുഷ്യാവകാശ സംരക്ഷണം - തദ്ദേശ സ്വയംഭരണ സർക്കാരുകളുടെ പങ്കും ഉത്തരവാദിത്തവും എന്ന വിഷയത്തിൽ മുൻ ചീഫ് സെക്രട്ടറി എസ്.എം. വിജയാനന്ദ് പ്രഭാഷണം നടത്തും.

നിയമ വകുപ്പ് സെക്രട്ടറി കെ.ജി. സനൽ കുമാർ, കേരള സഹകരണ ട്രൈബ്യൂണലും ജുഡീഷ്യൽ ഓഫീസേഴ്സ് അസോസിയേഷൻ പ്രസിഡന്റുമായ എൻ. ശേഷാദ്രിനാഥൻ, മനുഷ്യാവകാശ കമ്മീഷൻ ചീഫ് ഇൻവെസ്റ്റിഗേഷൻ ഓഫീസർ ഐ. ജി, പി. പ്രകാശ് എന്നിവർ സംസാരിക്കും.