Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസെക്രട്ടറിയേറ്റ്​ മുതൽ ...

സെക്രട്ടറിയേറ്റ്​ മുതൽ രാജ്​ഭവൻ വരെ മനുഷ്യച്ചങ്ങല; ഇന്ധന നികുതി സമരം കൂടുതൽ ശക്​തമാക്കാനൊരുങ്ങി കോൺഗ്രസ്​

text_fields
bookmark_border
സെക്രട്ടറിയേറ്റ്​ മുതൽ രാജ്​ഭവൻ വരെ മനുഷ്യച്ചങ്ങല; ഇന്ധന നികുതി സമരം കൂടുതൽ ശക്​തമാക്കാനൊരുങ്ങി കോൺഗ്രസ്​
cancel

തിരുവനന്തപുരം: ഇന്ധന നികുതി കുറക്കണമെന്ന്​ ആവശ്യപ്പെട്ട്​ കോൺഗ്രസ്​ നടത്തുന്ന സമരം കൂടുതൽ ശക്​തമാക്കുമെന്ന്​ ​കെ.പി.സി.സി പ്രസിഡന്‍റ്​ കെ.സുധാകരൻ. സമരത്തിന്‍റെ ഭാഗമായി 140 നിയോജക മണ്ഡലങ്ങളിലെ 280 കേന്ദ്രങ്ങളിൽ മാർച്ചും ധർണ്ണയും നടത്തുമെന്ന്​ സുധാകരൻ പറഞ്ഞു. ഇന്ധനവില വർധനവിലൂടെ 18,000 കോടി രൂപ സംസ്ഥാന സർക്കാർ തട്ടിയെടുത്തുവെന്നും അദ്ദേഹം ആരോപിച്ചു.

ഇന്ധന നികുതിക്കെതിരെ സെക്രട്ടറിയേറ്റ്​ മുതൽ രാജ്​ഭവൻ വരെ മനുഷ്യച്ചങ്ങല തീർക്കുമെന്നും സുധാകരൻ പറഞ്ഞു. സിനിമ വ്യവസായത്തെ തടസപ്പെടുത്തുന്ന സമരങ്ങൾ പാടില്ലെന്ന്​ കീഴ്​ഘടങ്ങൾക്ക്​ നിർദേശം നൽകിയിട്ടുണ്ട്​. ഇൗ നിർദേശം ലംഘിക്കുന്ന ഘടകങ്ങൾക്കെതിരെ കർശന നടപടിയുണ്ടാകും. ഇന്ധനവില വർധനവിനെതിരെയാണ് സിനിമ വ്യവസായത്തിനെതിരെയല്ല​ കോൺഗ്രസിന്‍റെ സമരമെന്നും സുധാകരൻ പറഞ്ഞു.

എം.ജി യൂനിവേഴ്​സിറ്റി കാമ്പസിന്​ മുന്നിൽ സമരം നടത്തുന്ന ദലിത്​ ഗവേഷക വിദ്യാർഥി ദീപയുടെ സമരത്തിൽ പങ്കുവഹിക്കാൻ കോൺഗ്രസിന്​ കഴിഞ്ഞു. താമസിക്കാൻ വീട്​ ആവശ്യപ്പെട്ടുള്ള പാലക്കാട്​ ഗോവിന്ദാപുരം അംബേദ്​കർ കോളനിക്കാരുടെ സമരം കോൺഗ്രസ്​ ഏറ്റെടുക്കുമെന്നും സുധാകരൻ പറഞ്ഞു. സമൂഹത്തിന്‍റെ വിവിധകോണുകളിൽ നിന്നുള്ള ജനവിഭാഗങ്ങളുടെ പിന്തുണ സമരത്തിന്​ ഉറപ്പാക്കുമെന്നും അദ്ദേഹം കൂട്ടിച്ചേർത്തു.

Show Full Article
TAGS:k sudakaran 
News Summary - Human chains from the Secretariat to the Raj Bhavan; Congress ready to intensify fuel tax strike
Next Story