പ​ണം ന​ഷ്ട​പ്പെ​ട്ട് നി​ര​വ​ധി കു​ടും​ബ​ങ്ങ​ൾ; ജയ്​പുർ ആസ്ഥാനമായ കമ്പനിയുടെ പേരിൽ വൻ നിക്ഷേപതട്ടിപ്പ്

കാ​ളി​കാ​വ്: ജ​യ്​​പു​ർ ആ​സ്ഥാ​ന​മാ​യ ക​മ്പ​നി​യു​ടെ പേ​രി​ലു​ള്ള നി​ക്ഷേ​പ​ത​ട്ടി​പ്പി​ൽ നി​ര​വ​ധി കു​ടും​ബ​ങ്ങ​ൾ​ക്ക് പ​ണം ന​ഷ്ട​പ്പെ​ട്ടു. ചോ​ക്കാ​ട് പ​ഞ്ചാ​യ​ത്തി​ലെ മ​രു​ത​ങ്കാ​ട്, ക​ല്ലാ​മൂ​ല, മ​മ്പാ​ട്ടു​മൂ​ല തു​ട​ങ്ങി​യ സ്ഥ​ല​ങ്ങ​ളി​ലാ​ണ് വ്യാ​പ​ക​ത​ട്ടി​പ്പ് ന​ട​ന്ന​ത്. ജ​യ്​​പു​ർ ആ​സ്ഥാ​ന​മാ​യ പി.​എ.​സി.​എ​ൽ ലി​മി​റ്റ​ഡ് ക​മ്പ​നി​യു​ടെ പേ​രി​ലാ​ണ് പ​ണം പി​രി​ച്ച​ത്. ‘ഇ​ൻ​സ്റ്റാ​ൾ​മെൻറ് പേ​മെൻറ് പ്ലാ​ൻ’ സ്കീ​മി​ൽ പ്ര​തി​മാ​സം 160 മു​ത​ൽ 1000 രൂ​പ വ​രെ​യു​ള്ള ത​വ​ണ​ക​ളാ​ണ് സ്വീ​ക​രി​ച്ചി​രു​ന്ന​ത്. നി​ശ്ചി​ത തു​ക അ​ഞ്ചു വ​ർ​ഷം അ​ട​ക്കു​മ്പോ​ൾ അ​ട​ച്ച സം​ഖ്യ​യു​ടെ ഇ​ര​ട്ടി തു​ക തി​രി​കെ ന​ൽ​കു​മെ​ന്നാ​യി​രു​ന്നു വാ​ഗ്ദാ​നം. 2009 മു​ത​ലാ​ണ് ചോ​ക്കാ​ട്ട് ക​മ്പ​നി​യു​ടെ പി​രി​വ് തു​ട​ങ്ങി​യ​ത്. ഇ​പ്ര​കാ​രം പ​ണ​മ​ട​ച്ച നൂ​റു​ക​ണ​ക്കി​ന് കു​ടും​ബ​ങ്ങ​ളാ​ണ് കെ​ണി​യി​ൽ​പെ​ട്ട് ന​ട്ടം​തി​രി​യു​ന്ന​ത്.

10,000 മു​ത​ൽ 60,000 രൂ​പ വ​രെ നി​ക്ഷേ​പി​ച്ച​വ​രും കൂ​ട്ട​ത്തി​ലു​ണ്ട്. പ​ത്തു വ​ർ​ഷ​മാ​യി​ട്ടും അ​ട​ച്ച തു​ക​പോ​ലും തി​രി​ച്ചു​കി​ട്ടാ​ത്ത അ​വ​സ്ഥ​യി​ലാ​ണ് കു​ടും​ബ​ങ്ങ​ൾ. പ്ര​ദേ​ശ​ത്തെ ഒ​രു പോ​സ്റ്റ്​​മാ​നും മ​റ്റൊ​രു ബാ​ങ്ക് ക​ല​ക്ഷ​ൻ ഏ​ജ​ൻ​റു​മാ​ണ് ഇ​വ​രെ സ്കീ​മി​ൽ ചേ​ർ​ത്ത​തും പ​ണം പി​രി​ച്ച​തും. ഇ​താ​ണ് ജ​ന​ങ്ങ​ൾ​ക്ക് വി​ശ്വാ​സ​മു​ണ്ടാ​കാ​ൻ കാ​ര​ണം. തൊ​ഴി​ലു​റ​പ്പ് തൊ​ഴി​ലാ​ളി​ക​ള​ട​ക്ക​മു​ള്ള​വ​രാ​ണ് ഇ​വ​രു​ടെ വ​ല​യി​ൽ കു​ടു​ങ്ങി​യ​ത്.

സ്കീ​മി​ന്‍റെ പ​കു​തി തു​ക അ​ട​ക്കു​മ്പോ​ൾ അ​വ​രു​ടെ മൊ​ത്തം തു​ക​ക്കു​ള്ള ഭൂ​മി വാ​ങ്ങു​മെ​ന്നും അ​ത് വി​റ്റ് കി​ട്ടു​ന്ന ലാ​ഭ​വും വി​ത​ര​ണം ചെ​യ്യു​മെ​ന്നാ​യി​രു​ന്നു വാ​ഗ്ദാ​നം. ജി​ല്ല​യി​ൽ വി​വി​ധ​യി​ട​ങ്ങ​ളി​ലാ​യി ആ​യി​ര​ങ്ങ​ൾ ത​ട്ടി​പ്പി​നി​ര​യാ​യെ​ന്നാ​ണ് അ​റി​യു​ന്ന​ത്. വി​ശ്വാ​സം നേ​ടി​യെ​ടു​ക്കാ​ൻ പ​ല​ർ​ക്കും അ​ട​ച്ച തു​ക​യു​ടെ ഇ​ര​ട്ടി​തു​ക ന​ൽ​കു​ക​യും ചെ​യ്തി​ട്ടു​ണ്ട്.