Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമുഖ്യമന്ത്രിയുടെ...

മുഖ്യമന്ത്രിയുടെ ഔദ്യോഗിക സംഘത്തിൽ ചർച്ചക്ക്​ സ്വപ്​ന നിയോഗിക്കപ്പെട്ടതെങ്ങനെ -ചെന്നിത്തല

text_fields
bookmark_border
മുഖ്യമന്ത്രിയുടെ ഔദ്യോഗിക സംഘത്തിൽ ചർച്ചക്ക്​ സ്വപ്​ന നിയോഗിക്കപ്പെട്ടതെങ്ങനെ -ചെന്നിത്തല
cancel

തിരുവനന്തപുരം: സ്വർണകള്ളക്കടത്തുമായി ബന്ധപ്പെട്ട്​ ഓരോ ദിവസവും വരുന്ന വാർത്തകൾ ഞെട്ടിപ്പിക്കു​ന്നതാണെന്ന്​ ​ പ്രതിപക്ഷ നേതാവ്​ രമേശ്​ ചെന്നിത്തല. കേസിൽ ശിവശങ്കറിന്​ പുറമെ സർക്കാറിലെ മറ്റ്​ ഉദ്യോഗസ്ഥർക്കും പങ്കുണ്ടെന്നാണ്​ എൻഫോഴ്​സ്​മെൻറ്​ ഡയറക്​ടറേറ്റ്​ പറയുന്നത്​. ശിവശങ്കർ മാത്രമല്ല പ്രതിയെന്ന്​ വ്യക്തമായ സാഹചര്യത്തിൽ കൂടുതൽ കാര്യങ്ങൾ ജനങ്ങളെ അറിയിക്കാൻ മുഖ്യമന്ത്രി ബാധ്യസ്ഥനാണെന്നും​ അദ്ദേഹം പറഞ്ഞു.

പ്രളയ ദുരിതാശ്വസ ഫണ്ട്​ സമാഹരണവുമായി ബന്ധപ്പെട്ടാണ്​ മുഖ്യമന്ത്രി യു.എ.ഇ അടക്കമുള്ള വിദേ​ശ രാജ്യങ്ങളിലേക്ക്​ പോയത്​. ആ സന്ദർശന വേളയിൽ മുഖ്യമന്ത്രിയുടെ പ്രിൻസിപ്പൽ സെക്രട്ടറിയോടൊപ്പം സ്വപ്​നയും അവിടെ ഉണ്ടായിരുന്നു വെന്നതാണ്​ പുറത്തു വരുന്ന വിവരം. മൂന്ന്​ തവണ സ്വപ്​ന ശിവശങ്കറുമായി വിദേശ യാത്രകൾ നടത്തിയിരുന്നതായും മുഖ്യമന്ത്രി എത്തുന്നതിന്​ മുമ്പോ പിമ്പോ അവർ അവിടെ എത്തിയെന്നുമുള്ള വാർത്തകളാണ്​ പുറത്തു വരുന്നത്​. എന്തടിസ്ഥാനത്തിലാണ്​ സ്വപ്​ന മുഖ്യമന്ത്രിയുടെ ഔദ്യോഗിക സംഘത്തിൽ ചർച്ചകൾക്ക്​ വേണ്ടി നിയോഗിക്കപ്പെട്ടതെന്ന്​ ചെന്നിത്തല ചോദിച്ചു.

മുഖ്യമന്ത്രിയുടെ യു.എ.ഇ സന്ദർശനത്തെ കൊള്ള സംഘം ഫലപ്രദമായി ചൂഷണം ചെയ്യുകയായിരുന്നു. എന്നിട്ടും തനിക്ക്​ യാതൊരു ബന്ധവുമില്ലെന്ന്​​ മുഖ്യമന്ത്രി പറയുന്നത്​ എങ്ങനെ വിശ്വസിക്കാൻ സാധിക്കും. മുഖ്യമ​ന്ത്രി ഗൾഫിൽ വെച്ച്​ സ്വപ്​നയെ കണ്ടിരുന്നോ, ചർച്ച നടത്തിയിരുന്നോ, എന്താണ്​ ചർച്ച നടത്തിയത്​ എന്നീ കാര്യങ്ങൾ പുറത്തു വരണമെന്നും പ്രതിപക്ഷ നേതാവ്​ പറഞ്ഞു.

സർക്കാർ അധികാരമേറ്റ്​ 11 മാസം ആയപ്പോഴേക്ക്​ തട്ടിപ്പ്​ തുടങ്ങി. പാവങ്ങളുടെ പേരു​ പറഞ്ഞ്​ സ്വപ്നയെ പോലുള്ളവർക്ക്​ കൊള്ള നടത്താൻ ആവിഷ്​കരിച്ച പദ്ധതിയാണ്​ ലൈഫ്​ മിഷൻ പദ്ധതിയെന്ന്​ ആരെങ്കിലും പറഞ്ഞാൽ നിഷേധിക്കാൻ സാധിക്കു​േമാ എന്നും അദ്ദേഹം ചോദിച്ചു. സ്വർണ കള്ളക്കടത്തിൽ മാത്രമല്ല, ലൈഫ്​ പദ്ധതിയിലും സ്വപ്​നയുടെ പങ്കാളിത്തവും നേതൃത്വവും ഉണ്ടെന്ന്​ സംശയാതീതമായി തെളിയിക്കപ്പെട്ടിരിക്കുകയാണ്​. ഇക്കാര്യത്തിൽ മുഖ്യമന്ത്രി ഒരു വിശദീകരണവും നൽകിയിട്ടില്ലെന്നും അദ്ദേഹം പറഞ്ഞു.

റെഡ്​ ക്രസൻറുമായി ഉണ്ടാക്കിയ എം.ഒ.യുവിൻെറ പകർപ്പ് പ്രതിപക്ഷ നേതാവിന്​ നൽകണമെന്ന്​​ ആവശ്യ​പ്പെട്ട്​ കത്ത്​കൊടുത്തിരുന്നു. എട്ട്​ ദിവസമായിട്ടും കത്തിന്​ മറുപടി ലഭിച്ചിട്ടില്ല. എന്തിനാണ്​​ അത്​ മറച്ചുവെക്കുന്നതെന്ന്​ മനസ്സിലാവുന്നില്ലെന്നും ചെന്നിത്തല പറഞ്ഞു. മുഖ്യമന്ത്രിയുടെ ഓഫിസും പ്രിൻസിപ്പൽ സെക്രട്ടറിയും ഭരണത്തിൻെറ തണലിലാണ്​ വലിയകള്ളക്കച്ചവടങ്ങളും കൊള്ളയും രാജ്യത്ത്​ നടത്തിയതെന്നതിൽ സംശയമില്ലെന്നും ചെന്നിത്തല ആരോപിച്ചു.

Show Full Article
TAGS:trivandram gold smuggling sivasankar chennithala kerala cm 
News Summary - how swapna included in official team of kerala cm in uae asks chennithala
Next Story