ക​ശ്മീർ വനമേഖലയിൽ ഷാനിബ് എങ്ങനെ എത്തി?; മുഖ്യമന്ത്രിക്ക് പരാതി നൽകി കുടുംബം, കൂടുതൽ വിവരങ്ങൾ തേടി കേരള പൊലീസ്

കാ​ഞ്ഞി​ര​പ്പു​ഴ (പാ​ല​ക്കാ​ട്): ജ​മ്മു ക​ശ്മീ​രി​ലെ ഗു​ൽ​മ​ർ​ഗി​ൽ മ​ല​യാ​ളിയായ മു​ഹ​മ്മ​ദ് ഷാ​നി​ബി​​നെ മ​രി​ച്ച നി​ല​യി​ൽ ക​ണ്ടെ​ത്തിയതിൽ കൂടുതൽ വിവരങ്ങൾ തേടി കേരള പൊലീസ്. കുടുംബാംഗങ്ങളിൽ നിന്നാണ് വിവരങ്ങൾ ശേഖരിച്ചത്.

അതേസമയം, സംഭവത്തിൽ വിശദ അന്വേഷണം ആവശ്യപ്പെട്ട് ബന്ധുക്കൾ കോങ്ങാട് എം.എൽ.എ വഴി മുഖ്യമന്ത്രിക്ക് പരാതി നൽകി. ജ​മ്മു ക​ശ്മീരിലെ വനമേഖലയിൽ ഷാനിബ് എങ്ങനെ എത്തി എന്നതിൽ സ്ഥിരീകരണം വേണമെന്നാണ് പരാതിയിൽ ആവശ്യപ്പെടുന്നത്.

ഏപ്രിൽ 13നാ​ണ് ഷാ​നി​ബ് ബം​ഗ​ളൂ​രു​വി​ലേ​ക്ക് പോ​യ​ത്. 17ന് അവസാനമായി മാതാവിനോട് സംസാരിച്ചു. താൻ തിരക്കിലായിരിക്കുമെന്നും സംസാരിക്കാൻ സാധിക്കില്ലെന്നുമാണ് അന്ന് പറഞ്ഞത്. 19 വ​രെ വീ​ട്ടു​കാ​രു​മാ​യി ബ​ന്ധ​പ്പെ​ട്ടി​രു​ന്നു. എ​ന്നാ​ൽ, ക​ശ്മീ​രി​ലേ​ക്ക് പോ​കു​ന്ന കാ​ര്യം അ​റി​യി​ച്ചി​രു​ന്നി​ല്ല.

മേയ് ആറ് ചൊവ്വാഴ്ചയാണ് തന്മാർഗ് പൊലീസ് മണ്ണാർകാട് പൊലീസ് വഴി കാ​ഞ്ഞി​ര​പ്പു​ഴയിലെ ബന്ധുക്കളെ മൃതദേഹം കണ്ടെത്തിയ വിവരം അറിയിച്ചത്. തുടർന്നാണ് ജനപ്രതിനിധികൾ പൊലീസുമായി ബന്ധപ്പെട്ട് കൂടുതൽ വിവരങ്ങൾ തിരക്കിയത്. മുമ്പ് 21 ദിവസം ഷാനിബിനെ കാണാതായിട്ടുണ്ട്.

മരണവിവരം അറിഞ്ഞ ദു​ബൈ​യി​ലു​ള്ള പി​താ​വ് നാ​ട്ടി​ലെ​ത്തി​യിട്ടുണ്ട്. പിതാവും ജനപ്രതിനിധിയും അടക്കം കശ്മീരിലെത്തി മൃ​ത​ദേ​ഹം തിരിച്ചറിഞ്ഞ് നാ​ട്ടി​ലെ​ത്തി​ക്കാ​ൻ നടപടി സ്വീകരിക്കും.

കാ​ഞ്ഞി​ര​പ്പു​ഴ വ​ർ​മം​കോ​ട് ക​രു​വാ​ൻ​തൊ​ടി അ​ബ്ദു​സ്സ​മ​ദ്-​ഹ​സീ​ന ദ​മ്പ​തി​ക​ളു​ടെ മ​ക​ൻ മു​ഹ​മ്മ​ദ് ഷാ​നി​ബിന്‍റെ (28) മൃ​ത​ദേ​ഹമാണ് ജ​മ്മു ക​ശ്മീ​രി​ലെ പു​ൽ​വാ​മ വ​ന​മേ​ഖ​ല​യിൽ ക​ണ്ടെ​ത്തി​യ​ത്. മൃ​ത​ദേ​ഹ​ത്തി​ന് ഏ​ക​ദേ​ശം പ​ത്ത് ദി​വ​സ​ത്തെ പ​ഴ​ക്ക​മു​ണ്ട്. ദേ​ഹ​ത്ത് മൃ​ഗ​ങ്ങ​ള്‍ ആ​ക്ര​മി​ച്ച​തി​ന്‍റെ പ​രി​ക്കു​ക​ളു​ണ്ടെ​ന്നും മുഖം വികൃതമാണെന്നും രണ്ട് കൈ-കാലുകളില്ലെന്നുമാണ് കശ്മീർ പൊ​ലീ​സ് അ​റി​യി​ച്ചത്.

ഷാ​നി​ബ് ബം​ഗ​ളൂ​രു​വി​ലെ സ​ഹോ​ദ​രി​യു​ടെ വീ​ട്ടി​ൽ താ​മ​സി​ച്ച് വ​യ​റി​ങ് ജോ​ലി ചെ​യ്യു​ക​യാ​യി​രു​ന്നു. അ​വി​വാ​ഹി​ത​നാ​ണ്. ഷി​ഫാ​നയും ബാ​ബുവുമാണ് സ​ഹോ​ദ​ര​ങ്ങ​ൾ.