വീ​ട്ട​മ്മ​യെ കെ​ട്ടി​യി​ട്ട് തോക്കുചൂണ്ടി കവർച്ച: പ്രതിയെക്കുറിച്ച്​ സൂചന

കോ​ട്ട​യം: വീ​ട്ട​മ്മ​യെ കെ​ട്ടി​യി​ട്ട് തോ​ക്കു​ചൂ​ണ്ടി ഭീ​ഷ​ണി​പ്പെ​ടു​ത്തി സ്വ​ര്‍ണം ക​വ​ര്‍ന്ന കേ​സി​ല്‍ പ്ര​തി​യെ​ക്കു​റി​ച്ച്​ സൂ​ച​ന ല​ഭി​ച്ച​താ​യി പൊ​ലീ​സ്.സ​മാ​ന രീ​തി​യി​ല്‍ തോ​ക്കു​ചൂ​ണ്ടി ഭീ​ഷ​ണി​പ്പെ​ടു​ത്തി ക​വ​ര്‍ച്ച ന​ട​ത്തു​ന്ന​വ​രെ കേ​ന്ദ്രീ​ക​രി​ച്ചു ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ വി​വ​ര​ങ്ങ​ള്‍ ല​ഭി​ച്ച​ത്. ബു​ധ​നാ​ഴ്ച അ​യ​ര്‍ക്കു​ന്നം ചേ​ന്നാ​മ​റ്റം പു​ത്ത​ന്‍പു​ര​യ്ക്ക​ല്‍ റി​ട്ട. അ​ധ്യാ​പ​ക​ന്‍ ജോ​സി​െൻറ ഭാ​ര്യ ലി​സ​മ്മ​യെ (60) കെ​ട്ടി​യി​ട്ട്​ 29 പ​വ​ന്‍ അ​പ​ഹ​രി​ച്ച കേ​സി​ലാ​ണ്​ നി​ര്‍ണാ​യ​ക വി​വ​ര​ങ്ങ​ള്‍ ല​ഭി​ച്ച​ത്.

സം​ഭ​വം ന​ട​ന്ന വീ​ടി​നു സ​മീ​പം സി.​സി ടി.​വി കാ​മ​റ​ക​ള്‍ ഇ​ല്ലെ​ങ്കി​ലും അ​ഞ്ചു കി​ലോ​മീ​റ്റ​ര്‍ ചു​റ്റ​ള​വി​ലെ കാ​മ​റ​ക​ളി​ല്‍നി​ന്നു​ള്ള ദൃ​ശ്യ​ങ്ങ​ള്‍ ശേ​ഖ​രി​ച്ചാ​ണു പ​രി​ശോ​ധ​ന ന​ട​ക്കു​ന്ന​ത്.സ​മാ​ന രീ​തി​യി​ല്‍ ക​വ​ര്‍ച്ച ന​ട​ത്തി​യ​വ​രെ​ക്കു​റി​ച്ചു​ള്ള അ​ന്വേ​ഷ​ണ​വും പു​രോ​ഗ​മി​ക്കു​ക​യാ​ണ്. സം​ഭ​വ​സ​മ​യം പ്ര​ദേ​ശ​ത്തു​ണ്ടാ​യി​രു​ന്ന മൊ​ബൈ​ല്‍ ഫോ​ണു​ക​ള്‍ കേ​ന്ദ്രീ​ക​രി​ച്ച്​ സൈ​ബ​ര്‍ പൊ​ലീ​സും അ​ന്വേ​ഷ​ണം ന​ട​ത്തു​ന്നു​ണ്ട്.

അ​യ​ര്‍ക്കു​ന്നം സ്‌​റ്റേ​ഷ​ന്‍ ഹൗ​സ് ഓ​ഫി​സ​ര്‍ ജ​സ്​​റ്റി​ന്‍ ജോ​ണി​െൻറ നേ​തൃ​ത്വ​ത്തി​ല്‍ ര​ണ്ടു സം​ഘ​മാ​യി തി​രി​ഞ്ഞാ​ണ്​ അ​ന്വേ​ഷ​ണം. സ​മീ​പ​ത്തെ എ​ല്ലാ പൊ​ലീ​സ് സ്‌​റ്റേ​ഷ​നു​ക​ളി​ല്‍നി​ന്നും ര​ണ്ടു​പേ​രെ വീ​തം സം​ഘ​ത്തി​ല്‍ ഉ​ള്‍പ്പെ​ടു​ത്തി​യി​ട്ടു​ണ്ട്. കോ​വി​ഡ് വാ​ക്‌​സി​ന്‍ വി​ത​ര​ണ​വു​മാ​യി ബ​ന്ധ​പ്പെ​ട്ടെ​ന്ന പേ​രി​ല്‍ എ​ത്തി​യ യു​വാ​വാ​ണ് വെ​ള്ളം ചോ​ദി​ക്കു​ക​യും വെ​ള്ള​മെ​ടു​ക്കാ​ന്‍ ലി​സ​മ്മ പോ​യ​പ്പോ​ള്‍ പി​ന്നാ​ലെ​യെ​ത്തി തോ​ക്കു​ചൂ​ണ്ടി ഭീ​ഷ​ണി​പ്പെ​ടു​ത്തു​ക​യും ചെ​യ്ത​ത്. അ​ണി​ഞ്ഞി​രു​ന്ന അ​ഞ്ചു പ​വ​ന്‍ മാ​ല, ര​ണ്ടു ക​മ്മ​ൽ, മോ​തി​രം എ​ന്നി​വ​യും അ​ല​മാ​ര​യി​ല്‍ സൂ​ക്ഷി​ച്ച ആ​ഭ​ര​ണ​ങ്ങ​ളും ക​വ​രുകയായിരുന്നു.